Click it and Unblock the Notifications
കോവിഡ് വ്യാപനം ലോക സാമ്പത്തിക വ്യവസ്ഥയ്ക്ക് വലിയ ആഘാതമാണ് ഉണ്ടാക്കിയിരിക്കുന്നത്. ജനങ്ങള്ക്ക് ലഭിക്കുന്ന വരുമാനത്തിന്റെ അളവിലും കുറവുണ്ടായി. പല കമ്പനികളും ജീവനക്കാരുടെ അവസ്ഥ മനസ്സിലാക്കിക്കൊണ്ട് അവര്ക്കായി പല തരത്തിലുള
കോവിഡ് വ്യാപനം ലോക സാമ്പത്തിക വ്യവസ്ഥയ്ക്ക് വലിയ ആഘാതമാണ് ഉണ്ടാക്കിയിരിക്കുന്നത്. ജനങ്ങള്ക്ക് ലഭിക്കുന്ന വരുമാനത്തിന്റെ അളവിലും കുറവുണ്ടായി. പല കമ്പനികളും ജീവനക്കാരുടെ അവസ്ഥ മനസ്സിലാക്കിക്കൊണ്ട് അവര്ക്കായി പല തരത്തിലുള്ള സാമ്പത്തീക സഹായ നടപടികള് ആവിഷ്കരിച്ചു നടപ്പിലാക്കി വരുന്നുണ്ട്.
മൈക്രോ സോഫ്റ്റും അത്തരത്തിലൊരു കമ്പനിയാണ്. പുറത്തുവരുന്ന റിപ്പോര്ട്ടുകള് പ്രകാരം വലിയൊരു തുകയാണ് ഈ കോവിഡ് കാലത്ത് മൈക്രോ സോഫ്റ്റ് തങ്ങളുടെ ജീവനക്കാര്ക്ക് വാഗ്ദാനം ചെയ്തിരിക്കുന്നത്. വര്ക്ക് ഫ്രം ഹോം സംവിധാനം കൂടുതല് സൗകര്യപ്രദമാക്കുന്നതിനും കോവിഡ് വ്യാപനമുണ്ടാക്കിയ സാമ്പത്തിക പ്രതിസന്ധികള്ക്ക് സഹായവുമായാണ് കമ്പനി ഈ തുക ജീവനക്കാര്ക്ക് നല്കുന്നത്.
1500 ഡോളര് (ഏകദേശം 1.12 ലക്ഷം ഇന്ത്യന് രൂപ ) ആണ് മൈക്രോ സോഫ്റ്റ് ജീവനക്കാര്ക്ക് ബോണസായി നല്കുന്നത്. ലോകത്തെമ്പാടുമുള്ള ജീവനക്കാര്ക്ക് ജൂലൈ മുതല് ആഗസ്ത് വരെയുള്ള കാലയളവിലാണ് ബോണസ് വിതരണം ചെയ്യുക. ഇത് സംബന്ധിച്ച വിവരം മൈക്രോ സോഫ്റ്റിന്റെ ചീഫ് പീപ്പിള് ഓഫീസര് (സിപിഒ) കാത്ലീന് ഹോഗന് ഇത് സംബന്ധിച്ച പ്രസ്താന പുറത്തിറക്കിക്കഴിഞ്ഞു.
ഏകദേശം ആകെ 200 മില്യണ് ഡോളര് ഈ ബോണസ് ഇനത്തില് മൈക്രോ സോഫ്റ്റ് വിതരണം ചെയ്യും. 2021 മാര്ച്ച് 31ന് മുമ്പ് കമ്പനയില് ജോയിന് ചെയ്തിട്ടുള്ള, കോര്പറേറ്റ് വൈസ് പ്രസിഡന്റ് സ്ഥാനത്തിന് പുറമേയുള്ള എല്ലാ ജീവനക്കാര്ക്കും ഈ ബോണസ് ലഭിക്കുവാന് അര്ഹതയുണ്ടാകും.
ആഗോള തലത്തില് ഏകദേശം 175,508 ജീവനക്കാരാണ് മൈക്രോ സോഫ്റ്റിനുള്ളത്. ഫേസ്ബുക്ക് നേരത്തേ 45,000 ജീവനക്കാര്ക്ക് പാന്ഡമിക് ബോണസായി 1000 ഡോളര് പ്രഖ്യാപിച്ചിരുന്നു.
Sign in with Google