നിക്ഷേപകരുടെ കീശ നിറച്ച മ്യൂച്വൽ ഫണ്ടുകൾ, 1 വർഷത്തെ ലാഭം 70 ശതമാനത്തിന് മുകളിൽ, വിശദമായി അറിയാം

പുതിയ കാലത്തെ ജനപ്രിയ സാമ്പത്തിക നിക്ഷേപ പദ്ധതികളിലൊന്നാണ് മ്യൂച്വൽ ഫണ്ടുകൾ. കഴിഞ്ഞ 5 വർഷത്തിനുള്ളിൽ മ്യൂച്വൽ ഫണ്ട് നിക്ഷേപത്തിൽ ഏകദേശം 3 മടങ്ങ് വർധനവാണുണ്ടായിട്ടുള്ളത്. 2019 ൽ ഏകദേശം 25 ലക്ഷം കോടി രൂപയിൽ നിന്ന് 2024 ൽ ഏകദേശം 67 ലക്ഷം കോടി രൂപയായി. പ്രത്യേകിച്ചും കഴിഞ്ഞ ഒരു വർഷത്തിനിടെയാണ് കൂടുതൽ നിക്ഷേപകർ മ്യൂച്വൽ ഫണ്ട് നിക്ഷേപത്തിന് തയ്യാറായത്.

മ്യൂച്വൽ ഫണ്ട് നിക്ഷേപത്തിന്‍റെ നേട്ടങ്ങൾ എന്തൊക്കെയാണെന്നും കഴിഞ്ഞ ഒരു വർഷത്തിനിടെ മികച്ച നേട്ടം നൽകിയ 5 മ്യൂച്വൽ ഫണ്ടുകൾ ഏതൊക്കെയാണെന്നും നമുക്ക് പരിശോധിക്കാം.

എന്താണ് മ്യൂച്വൽ ഫണ്ടുകൾ..?

ഒരു കൂട്ടം ആളുകൾ അഥവാ നിക്ഷേപകർ ചേർന്ന് സമാഹരിക്കുന്ന പണം ഒന്നിച്ച് ചേർത്ത് രൂപീകരിക്കുന്നതാണ് മ്യൂച്വൽ ഫണ്ട്. ഒരു പ്രൊഫഷണൽ ഫണ്ട് മാനേജരാകും മ്യൂച്വൽ ഫണ്ട് കൈകാര്യം ചെയ്യുക. പൊതുവായ നിക്ഷേപ ലക്ഷ്യങ്ങളുള്ള ഒരു കൂട്ടം നിക്ഷേപകരിൽ നിന്ന് പണം സമാഹരിച്ചുകൊണ്ടാണ് മ്യൂച്വൽ ഫണ്ട് രൂപീകരിക്കുക. തുടർന്ന് ഇനിക്ക്വിറ്റികളായും ബോണ്ടുകളായും മണി മാർക്കറ്റ് ഉപകരണങ്ങളായും മറ്റു ധനകാര്യ സെക്യൂരിറ്റികളായും ഈ പണം നിക്ഷേപിക്കപ്പെടുന്നു.

മ്യൂച്വല്‍ ഫണ്ടുകള്‍ ലാഭ നഷ്ട സാധ്യതകള്‍ക്ക് വിധേയമാണെന്ന് പരസ്യങ്ങളില്‍ പറയുന്നത് പോലെ തന്നെ അതിന്റെ ലാഭവും നഷ്ടവും താങ്ങാന്‍ തയാറാണെങ്കില്‍ മാത്രമേ മ്യൂച്വല്‍ ഫണ്ടുകളില്‍ നിക്ഷേപിക്കാവൂ.

നേട്ടങ്ങൾ

1. വൈവിധ്യവൽക്കരണം

മ്യൂച്വൽ ഫണ്ടുകളിൽ നിക്ഷേപിക്കുന്നതിന്റെ ഏറ്റവും പ്രധാനപ്പെട്ട നേട്ടങ്ങളിലൊന്ന് വൈവിധ്യവൽക്കരണമാണ്. ഒന്നിലധികം മേഖലകളിൽ ഒരു നിക്ഷേപം വ്യാപിപ്പിക്കുന്ന പ്രക്രിയയാണിത്.

2. ചെറിയ തുകകള്‍ നിക്ഷേപിക്കാം

ഓരോ മാസവും 500 രൂപ മുതലുള്ള നിക്ഷേപങ്ങള്‍ മ്യൂച്വല്‍ ഫണ്ടുകളില്‍ നടത്താവുന്നതാണ്. ഈ രീതിയെ പൊതുവിൽ സിസ്റ്റമാറ്റിക് ഇന്‍വെസ്റ്റ്‌മെന്‍റ് പ്ലാന്‍ അഥവാ എസ്ഐപി എന്ന് പറയുന്നു.

3. തിരഞ്ഞെടുപ്പ്

മ്യൂച്വല്‍ ഫണ്ടുകളിൽ രണ്ടായിരത്തിലധികം സ്‌കീമുകൾ ലഭ്യമാണ്. ഇതിൽ നിന്നും നിക്ഷേപകര്‍ക്ക് അവരുടെ ആവശ്യത്തിനനുസരിച്ചുള്ള നിക്ഷേപ പദ്ധതികള്‍ തിരഞ്ഞെടുക്കാന്‍ കഴിയും.

4. ഉയര്‍ന്ന ലിക്വിഡിറ്റി

നിങ്ങളുടെ സൗകര്യത്തിന് അനുസരിച്ച് ഏതു സമയത്തും യൂണിറ്റുകള്‍ വാങ്ങാനും വില്‍ക്കാനും ഇവിടെ സാധിക്കും. മ്യൂച്വല്‍ ഫണ്ടിലെ ഒന്നോ അതില്‍ അധികമോ ഫണ്ടുകള്‍ മോശം പ്രകടനം കാഴ്ച വെക്കുകയാണെങ്കില്‍ നിക്ഷേപകന് പണം പിന്‍വലിച്ച് മികച്ച പ്രകടനം കാഴ്ച വെക്കുന്ന ഫണ്ടുകളിലേക്ക് പോകാവുന്നതാണ്. ഏത് സമയത്തും പണം പിന്‍വലിക്കാനുള്ള സൗകര്യം അവ നല്‍കുന്നു.

5. നികുതി ഇളവ്

നികുതി ഇളവും സ്വത്ത് സമ്പാദിക്കലുമാണ് മ്യൂച്വല്‍ ഫണ്ടുകളിൽ നിന്നും ലഭിക്കുന്ന മറ്റൊരു നേട്ടം. 1961ലെ ആദായ നികുതി നിയമത്തിലെ സെക്ഷന്‍ 80 സി പ്രകാരം ഇഎല്‍എസ്എസില്‍ നിക്ഷേപങ്ങള്‍ക്ക് നികുതി ഇളവ് ലഭിക്കും.

ഒരു വർഷത്തിനുള്ളിൽ മികച്ച വരുമാനം നൽകിയ ഫണ്ടുകൾ

1. ഇൻവെസ്കോ ഇന്ത്യ ഫോക്കസ്ഡ് ഫണ്ട് - റെഗുലർ പ്ലാൻ

NAV: 29.40 രൂപ
1 വർഷത്തെ വരുമാനം: 74.16%
കുറഞ്ഞ നിക്ഷേപം: 1000 രൂപ
ഫണ്ട് വലുപ്പം: 3080 കോടി രൂപ
ചെലവ് അനുപാതം: 1.92%
ഒരു ലക്ഷം രൂപയുടെ നിക്ഷേപം 1,74,158 രൂപയായി വളരുമായിരുന്നു.

2. മോത്തിലാൽ ഓസ്വാൾ മിഡ്‌ക്യാപ് ഫണ്ട് - റെഗുലർ പ്ലാൻ

NAV: 108.02 രൂപ
1 വർഷത്തെ വരുമാനം: 72.97%
കുറഞ്ഞ നിക്ഷേപം: 500 രൂപ
ഫണ്ട് വലുപ്പം: 15,940 കോടി രൂപ
ചെലവ് അനുപാതം: 1.65%
ഒരു ലക്ഷം രൂപയുടെ നിക്ഷേപം 1,72,975 രൂപയായി വളരുമായിരുന്നു.

3. എൽഐസി എംഎഫ് ഇൻഫ്രാസ്ട്രക്ചർ ഫണ്ട്

NAV: 51.17 രൂപ
1 വർഷത്തെ വരുമാനം: 72.22%
കുറഞ്ഞ നിക്ഷേപം: 5,000 രൂപ
ഫണ്ട് വലുപ്പം: 725 കോടി രൂപ
ചെലവ് അനുപാതം: 2.40%
ഒരു ലക്ഷം രൂപയുടെ നിക്ഷേപം 1,72,217 രൂപയായി വളരുമായിരുന്നു.

4. മോത്തിലാൽ ഓസ്വാൾ ഇഎൽഎസ്എസ് ടാക്സ് സേവർ ഫണ്ട് - റെഗുലർ പ്ലാൻ

NAV: 55.95 രൂപ
1 വർഷത്തെ വരുമാനം: 71.46%
കുറഞ്ഞ നിക്ഷേപം: 500 രൂപ
ഫണ്ട് വലുപ്പം: 3,984 കോടി രൂപ
ചെലവ് അനുപാതം: 1.83%
ഒരു ലക്ഷം രൂപയുടെ നിക്ഷേപം 1,65,087 രൂപയായി വളരുമായിരുന്നു.

5. ഐസിഐസിഐ പ്രുഡൻഷ്യൽ നിഫ്റ്റി അടുത്ത 50 ഇൻഡക്സ് ഫണ്ട്

NAV: 67.48 രൂപ
1 വർഷത്തെ വരുമാനം: 69.24%
കുറഞ്ഞ നിക്ഷേപം: 100 രൂപ
ഫണ്ട് വലുപ്പം: 6,863 കോടി രൂപ
ചെലവ് അനുപാതം: 0.66%
ഒരു ലക്ഷം രൂപയുടെ നിക്ഷേപം 1,57,489 രൂപയായി വളരുമായിരുന്നു.

അറിയിപ്പ് : മുകളിൽ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങൾ എടുക്കും മുൻപ് സാമ്പത്തിക വിദഗ്ധന്റെ നിർദേശം തേടാം. മ്യൂച്വൽ ഫണ്ടിലെ നിക്ഷേപം നഷ്ട സാധ്യതകൾക്ക് വിധേയമാണ്. സ്വന്തം റിസ്‌കിൽ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തിൽ സംഭവിക്കുന്ന ലാഭനഷ്ടങ്ങൾക്ക് ഗ്രേനിയം ഇൻഫർമേഷൻ ടെക്നോളജീസും ലേഖകനും ഉത്തരവാദികളല്ല.