മ്യൂച്വല് ഫണ്ട് എന്നത് ഏറെ ജനപ്രിയമായ ഒരു നിക്ഷേപ ഉപാധിയാണ്. ഒരു അസറ്റ് മാനേജ്മെന്റ് കമ്പനിയോ, ഫണ്ട് ഹൗസോ പല വ്യക്തികളില് നിന്നും ഇന്സ്റ്റിറ്റിയുഷണല് നിക്ഷേപകരില് നിന്നുമുള്ള നിക്ഷേപങ്ങള് ഒരു പൊതുവായ നിക്ഷേപ ലക്ഷ്യത്തോടെ സംയോജിപ്പിക്കുമ്പോഴാണ് മ്യൂച്വല് ഫണ്ടുകള് രൂപം കൊള്ളുന്നത്.
അതിനു ശേഷം ഒരു ഫണ്ട് മാനേജറെ നിയമിക്കുകയും സാമ്പത്തിക വിദഗ്ധനായ ആ ഫണ്ട് മാനേജര് സംയോജിപ്പിക്കപ്പെട്ട നിക്ഷേപം കൈകാര്യം ചെയ്യുകയും സ്റ്റോക്കുകളും ബോണ്ടുകളുമൊക്കെ വാങ്ങിക്കുകയും ചെയ്യും. മ്യൂച്വല് ഫണ്ടുകളില് നിക്ഷേപിക്കുന്നതിലൂടെ ഒരു വ്യക്തിയ്ക്ക് വിദഗ്ധര് കൈകാര്യം ചെയ്യുന്ന പോര്ട്ട്ഫോളിയോയുടെ നേട്ടം ലഭിക്കും. നിക്ഷേപത്തിന് അനുസരിച്ചാണ് ഫണ്ട് വിന്യാസം എന്നതിനാല് ലാഭ നഷ്ടങ്ങളും അത്ന് ആനുപാതികമായിരിക്കും.
500 രൂപാ നോട്ട് കൈയ്യില് ഉണ്ടോ? പകരമായി 10,000 രൂപ നേടാം
ഇക്വിറ്റി ഫണ്ടുകള്, ഡെബ്റ്റ് ഫണ്ടുകള്, ബാലന്സ്ഡ് മ്യൂച്വല് ഫണ്ടുകള് എന്നിങ്ങനെയാണ് അവയുടെ ആസ്തി വിന്യാസമനുസരിച്ച് മ്യൂച്വല് ഫണ്ടുകള് തരംതിരിക്കപ്പെട്ടിരിക്കുന്നത്. ഇവ ഓരോന്നിന്റെയും പ്രത്യേകതകള് എന്തൊക്കെയാണെന്ന് നമുക്ക് നോക്കാം.
ഇക്വിറ്റി ഫണ്ടുകള്
കമ്പനികളുടെ ഇക്വിറ്റി ഷെയറുകളിലാണ് ഇക്വിറ്റി ഫണ്ടുകള് നിക്ഷേപിക്കുന്നത്. പോര്ട്ട്ഫോളിയോയുടെ ചുരുങ്ങിയത് 65 ശതമാനമെങ്കിലും ഇക്വിറ്റി ഇന്സ്ട്രുമെന്റികളിലാണ് നിക്ഷേപിക്കുന്നത് എങ്കില് ആ മ്യൂച്വല് ഫണ്ട് ഇക്വിറ്റി ഫണ്ടുകളുടെ ഗണത്തിലാണ് ഉള്പ്പെടുക. മറ്റെല്ലാ മ്യൂച്വല് ഫണ്ട് വിഭാഗങ്ങളെക്കാളും ഉയര്ന്ന ആദായം നിക്ഷേപകര്ക്ക് നല്കുന്നത് ഇക്വിറ്റി ഫണ്ടുകളാണ്. എന്നാല് വിപണിയിലെ ഏറ്റക്കുറച്ചിലുകള്ക്ക് അനുസൃതമായിട്ടായിരിക്കും ആദായം ലഭിക്കുന്നത്.
ബാങ്ക് തട്ടിപ്പിനിരയായോ? 10 ദിവസത്തിനുള്ളില് നഷ്ടപ്പെട്ട മുഴുവന് തുകയും തിരികെ ലഭിക്കും
ഡെബ്റ്റ് മ്യൂച്വല് ഫണ്ടുകള്
ഡെബ്റ്റ് ഫണ്ടുകള് പ്രധാനമായും ഡെബ്റ്റ്, മണി മാര്ക്കറ്റ്, ട്രഷറി ബില്ലുകള്, ഗവ. ബോണ്ടുകള്, സെര്ട്ടിഫിക്ക്റ്റ് ഓഫ് ഡെപ്പോസിറ്റ് തുടങ്ങിയ ഫിക്സഡ് ഇന്കം ഇന്സ്ട്രുമെന്റുകള് തുടങ്ങിയവയിലാണ് നിക്ഷേപം നടത്തുന്നത്. പോര്ട്ട്ഫോളിയോയുടെ ചുരുങ്ങിയത് 65 ശതമാനമെങ്കിലും ഡെബ്റ്റ് സെക്യൂരിറ്റികളില് നിക്ഷേപിക്കുന്ന മ്യൂച്വല് ഫണ്ടുകളെയാണ് ഡെബ്റ്റ് മ്യൂച്വല് ഫണ്ടുകള് എന്ന് പറയുന്നത്. കുറഞ്ഞ റിസ്ക് മാത്രം എടുക്കുവാന് താത്പര്യപ്പെടുന്ന നിക്ഷേപകര്ക്ക് അനുയോജ്യമായ മ്യൂച്വല് ഫണ്ടാണിത്. വിപണിയിലെ ചാഞ്ചാട്ടം ഈ മ്യൂച്വല് ഫണ്ട് നിക്ഷേപങ്ങളെ കാര്യമായി സ്വാധീനിക്കുകയില്ല. അതിനാല് തന്നെ ആദായം മുന്കൂട്ടി കാണുവാന് സാധിക്കുകയും ചെയ്യും.
ഹൈബ്രിഡ് മ്യൂച്വല് ഫണ്ടുകള്
ഇക്വിറ്റികളിലും ഡെബ്റ്റ് ഇന്സ്ട്രുമെന്റുകളിലും ഇത്തരം ഫണ്ടുകള് നിക്ഷേപം നടത്തുന്നു. റിസ്കും ആദായവും തമ്മിലുള്ള അനുപാതം സമതുലിതമായി നിലനിര്ത്തുക എന്നതാണ് പ്രധാന ലക്ഷ്യം. വിപണിയുടെ നില അനുസരിച്ച് ഫണ്ട് മാനേജര്ക്ക് ആസ്തി വിന്യാസത്തില് മാറ്റങ്ങള് വരുത്താവുന്നതാണ്. ഇതുവഴി നിക്ഷേപകരുടെ നഷ്ട സാധ്യതകള് കുറയ്ക്കുവാനും സാധിക്കും. ഹൈബ്രിഡ് ഫണ്ടുകളില് നിക്ഷേപിക്കുന്നതിലൂടെ നിങ്ങളുടെ പോര്ട്ട്ഫോളിയോ വൈവിധ്യവത്ക്കരണത്തിലേക്ക് നയിക്കും. ഒപ്പം ഇക്വിറ്റികളിലേയും ഡെബ്റ്റ് ഇന്സ്ട്രുമെന്റുകളിലേയും നേട്ടങ്ങള് സ്വന്തമാക്കുവാനും സാധിക്കും.