അക്കൌണ്ടിൽ മിനിമം ബാലൻസുണ്ടോ? വിവിധ ബാങ്കുകളിൽ നിലനിർത്തേണ്ട മിനിമം ബാലൻസ് അറിയാം

മിനിമം ബാലൻസും പിഴയും

ബാങ്ക് ശാഖ സ്ഥിതി ചെയ്യുന്ന സ്ഥലം അനുസരിച്ചാണ് മിനിമം അക്കൌണ്ട് ബാലൻസ് നിലനിർത്താൻ ബാങ്കുകൾ അവരുടെ സേവിംഗ്സ് അക്കൗണ്ട് ഉപഭോക്താക്കളോട് ആവശ്യപ്പെടുന്നത്. അക്കൌണ്ട് ബാലൻസ് നിലനിർത്താത്തിന് ബാങ്കുകൾ ഉപഭോക്താക്കളിൽ നിന്ന് പിഴയും ഈടാക്കും. പിഴയുടെ മൂല്യവും വിവിധ ബാങ്ക് ശാഖകളിൽ വ്യത്യാസപ്പെടുന്നു.

ബാങ്കിൽ കാശ് നിക്ഷേപിക്കേണ്ട, പോസ്റ്റ് ഓഫീസാണ് ബെസ്റ്റ്, എന്തുകൊണ്ട്?

എസ്ബിഐ

എസ്ബിഐ അക്കൌണ്ട് ഉടമകൾക്ക് നിലവിൽ അക്കൌണ്ടുകളിൽ മിനിമം ബാലൻസ് നിലനിർത്തേണ്ട ആവശ്യമില്ല. ഈ വർഷം മാർച്ച് മുതൽ എസ്ബിഐ മിനിമം ബാലൻസ് ആവശ്യകത നീക്കം ചെയ്തു. നേരത്തെ എസ്‌ബി‌ഐ ശാഖകളുടെ മെട്രോ, നഗര പ്രദേശങ്ങളിൽ‌ സ്ഥിതിചെയ്യുന്ന ബാങ്കുകളിൽ അക്കൌണ്ടുള്ള ഉപഭോക്താക്കൾ‌ക്ക് 3,000 രൂപ മിനിമം ബാലൻസ് നിലനിർത്തേണ്ടിയിരുന്നു. സെമി-അർബൻ, റൂറൽ ബ്രാഞ്ച് ഉപഭോക്താക്കൾ യഥാക്രമം 2,000 രൂപയും 1,000 രൂപയും മിനിമം ബാലൻസ് ആണ് നിലനിർത്തേണ്ടിയിരുന്നത്.

എച്ച്ഡിഎഫ്സി

എച്ച്ഡിഎഫ്സി ബാങ്കിൽ മെട്രോ, അർബൻ ഏരിയ ഉപഭോക്താക്കൾ 10,000 രൂപ വീതം മിനിമം ബാലൻസ് നിലനിർത്തേണ്ടതുണ്ട്. സെമി-അർബൻ ബ്രാഞ്ചുകളിൽ, സാധാരണ സേവിംഗ്സ് അക്കൌണ്ട് ഉടമകൾ ഓരോ മാസവും 5,000 രൂപയുടെ മിനിമം ബാലൻസ് നിലനിർത്തേണ്ടതുണ്ട്. അർബൻ ബ്രാഞ്ച് അക്കൗണ്ടിലെ ശരാശരി മിനിമം ബാലൻസ് 2,500 രൂപയിൽ താഴെയാണെങ്കിൽ പ്രതിമാസ പിഴ 600 രൂപയും മിനിമം ബാലൻസ് 10,000 രൂപയിൽ താഴെയും 7,500 രൂപയ്ക്ക് മുകളിലുമാണെങ്കിൽ പിഴ 150 രൂപയുമാണ്.

ബാങ്കിൽ കാശിടും മുമ്പ് അറിയാൻ, ഫിക്സഡ് ഡിപ്പോസിറ്റിന് ഏറ്റവും കൂടുതൽ പലിശ ഏത് ബാങ്കിൽ?

ഐസിഐസിഐ ബാങ്ക്

മെട്രോ, നഗര പ്രദേശങ്ങളിലെ ഐസിഐസിഐ ബാങ്ക് അക്കൗണ്ടിൽ 10,000 രൂപയുടെ മിനിമം ബാലൻസ് ആവശ്യമാണ്. അർദ്ധനഗര, ഗ്രാമപ്രദേശങ്ങളിലെ മിനിമം ബാലൻസ് യഥാക്രമം 5,000 രൂപയും 2,000 രൂപയുമാണ്.

ജോയിന്റ് അക്കൗണ്ട് ഉടമയുടെ പേര് നീക്കം ചെയ്യാം; ചില ഘട്ടങ്ങളിലൂടെ

സീറോ ബാലൻസ് അക്കൌണ്ട്

സീറോ ബാലൻസ് അക്കൌണ്ട് വാഗ്ദാനം ചെയ്യുന്ന ചില ബാങ്കുകൾ താഴെ പറയുന്നവയാണ്.

• ഇൻ‌ഡസ് ഇൻ‌ഡ് ബാങ്ക്
• ഐ‌ഡി‌എഫ്‌സി ബാങ്ക്
• ആർ‌ബി‌എൽ ബാങ്ക്
• കൊട്ടക് മഹീന്ദ്ര ബാങ്ക്
• സ്റ്റാൻഡേർഡ് ചാർട്ടേഡ് ബാങ്ക്
• എച്ച്ഡിഎഫ്സി ബാങ്ക്
• ആക്‌സിസ് ബാങ്ക്
• ഐസിഐസിഐ ബാങ്ക്
• സ്റ്റേറ്റ് ബാങ്ക് ഓഫ് ഇന്ത്യ