ഇനി സ്ഥിര നിക്ഷേപം വേണ്ട, 8.2 ശതമാനം പലിശയിൽ 55 ലക്ഷം സമ്പാദിക്കാം, നിക്ഷേപം വെറും 10,000 രൂപ

നിങ്ങളുടെ മകളുടെ സുരക്ഷിതമായ ഭാവി ഉറപ്പാക്കാൻ നിങ്ങൾ ആഗ്രഹിക്കുന്നുവെങ്കിൽ ഇപ്പോൾ തന്നെ സാമ്പത്തിക നിക്ഷേപ പദ്ധതികളുടെ ഭാഗമാകണം. ഓരോദി ദിവസവും ചിലവുകൾ കൂടുന്ന പുതിയ കാലത്ത് കുട്ടികളുടെ ഭാവി സുരക്ഷിതമാക്കാൻ അത് മാത്രമാണ് ഏക വഴി. എന്നാൽ ഏത് പദ്ധതിയുടെ ഭാഗമാകും എന്നാണോ നിങ്ങൾ ചിന്തിക്കുന്നത്...? ഏറ്റവും മികച്ചത് സുകന്യ സമൃദ്ധി യോജന സ്കീം ആണ്. കേന്ദ്രസർക്കാർ പദ്ധതി ആയതുകൊണ്ടുതന്നെ സുരക്ഷ 100 ശതമാനമാണ്. അതോടൊപ്പം നിക്ഷേപത്തിന് ബാങ്ക് സ്ഥിര നിക്ഷേപത്തേക്കാൾ പലിശ നേടാനും സാധിക്കും. സുകന്യ സമൃദ്ധി യോജനയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

സുകന്യ സമൃദ്ധി യോജന

മകളുടെ ജനനത്തിനു തൊട്ടുപിന്നാലെയും അവൾക്ക് 10 വയസ്സ് തികയുന്നതുവരെയും മാതാപിതാക്കൾക്ക് ഈ പദ്ധതി പ്രകാരം അക്കൗണ്ട് തുറക്കാൻ കഴിയും. ഒരു കുട്ടിക്ക് ഒരു അക്കൗണ്ട് മാത്രമേ അനുവദിക്കൂ. മാതാപിതാക്കൾക്ക് അവരുടെ ഓരോ കുട്ടിക്കും പരമാവധി രണ്ട് അക്കൗണ്ടുകൾ തുറക്കാൻ കഴിയും. എന്നിരുന്നാലും, ഇരട്ടകളുടെയോ മൂന്നിരട്ടികളുടെയോ കാര്യത്തിൽ അധിക അക്കൗണ്ടുകൾ തുറക്കുന്നതിന് ഒരു ഇളവ് നൽകിയിട്ടുണ്ട്. അക്കൗണ്ട് ഇന്ത്യയിലെ ഏത് സ്ഥലത്തേക്കും മാറ്റാം.

ആവശ്യമുള്ള രേഖകൾ

ഈ സ്കീമിന് കീഴിൽ ഒരു അക്കൗണ്ട് തുറക്കാൻ നിങ്ങൾക്ക് പെൺകുട്ടിയുടെ ജനന സർട്ടിഫിക്കറ്റ്, തിരിച്ചറിയൽ രേഖ, താമസ രേഖ എന്നിവയുടെ രേഖകൾ ആവശ്യമാണ്.

നിക്ഷേപ തുക

സുകന്യ സമൃദ്ധി യോജന കുറഞ്ഞത് 250 രൂപ നിക്ഷേപിച്ച് ആരംഭിക്കാം. പരമാവധി വാർഷിക നിക്ഷേപ പരിധി 1,50,000 രൂപ ആണ്. ഈ പരിധി കവിയുന്ന ഏതൊരു നിക്ഷേപത്തിനും പലിശ ലഭിക്കില്ല, അത് തിരികെ ലഭിക്കും. അക്കൗണ്ട് തുറക്കുന്ന തീയതി മുതൽ പതിനഞ്ച് വർഷത്തേക്ക് നിക്ഷേപങ്ങൾ നടത്താം. പെൺകുട്ടിക്ക് 18 വയസ്സ് തികയുന്നത് വരെ അക്കൗണ്ട് രക്ഷിതാവ് കൈകാര്യം ചെയ്യും. 18 വയസ്സ് തികയുമ്പോൾ, ആവശ്യമായ രേഖകൾ സമർപ്പിച്ചുകൊണ്ട് അക്കൗണ്ട് ഉടമയ്ക്ക് അക്കൗണ്ടിന്‍റെ നിയന്ത്രണം ഏറ്റെടുക്കാം.

കുട്ടിക്ക് 18 വയസ്സ് തികയുമ്പോഴോ പത്താം ക്ലാസ് പാസാകുമ്പോഴോ അക്കൗണ്ടില്‍ നിന്ന് 50 ശതമാനം വരെ പണം പിന്‍വലിക്കാം. പെണ്‍കുട്ടിക്ക് 18 വയസ്സ് തികയുകയും വിവാഹിതയാകുകയും ചെയ്താല്‍, അക്കൗണ്ടില്‍ നിന്ന് മുഴുവന്‍ പണവും എടുത്ത് അക്കൗണ്ട് അവസാനിപ്പിക്കാനുള്ള ഓപ്ഷനും ഉണ്ട്.

ഓൺലൈനിൽ പണം നിക്ഷേപിക്കാം

**ഇന്ത്യൻ പോസ്റ്റ് പേയ്മെന്റ് ബാങ്ക് ആപ്പ് ഡൗൺലോഡ് ചെയ്‌ത് ഒരു അക്കൗണ്ട് സൃഷ്‌ടിക്കുക.

**നിങ്ങളുടെ ബാങ്ക് അക്കൗണ്ടിൽ നിന്ന് നിങ്ങളുടെ ഐപിപിബി അക്കൗണ്ടിലേക്ക് പണം ചേർക്കുക.

**സ്‌ക്രീനിൽ നിന്നും സുകന്യ സമൃദ്ധി യോജന അക്കൗണ്ട് തിരഞ്ഞെടുക്കുക.

**നിങ്ങളുടെ സുകന്യ സമൃദ്ധി യോജന അക്കൗണ്ട് നമ്പറും കസ്റ്റമർ ഐഡിയും നൽകുക

**നിങ്ങൾ അടയ്‌ക്കേണ്ട തുകയും ഇൻസ്‌റ്റാൾമെൻ്റ് കാലാവധിയും തിരഞ്ഞെടുക്കുക.

**പേയ്‌മെൻ്റ് ട്രാൻസ്ഫർ വിജയകരമാകുമ്പോൾ, ഐപിപിബി ആപ്പ് നിങ്ങളെ അറിയിക്കും.

55 ലക്ഷം രൂപ സമ്പാദിക്കാം

പ്രതിമാസം 10,000 രൂപ വീതം പദ്ധതിയില്‍ നിക്ഷേപിക്കുകയാണെങ്കില്‍ 15 വര്‍ഷം കൊണ്ട് മൊത്തം നിക്ഷേപം 18 ലക്ഷമാകും. 8.20 ശതമാനം പലിശ കൂടി കൂട്ടുമ്പോള്‍ അക്കൗണ്ടില്‍ 37.42 ലക്ഷം രൂപ ഉണ്ടാവും. അക്കൗണ്ട് തുറന്ന് 21 വര്‍ഷമാകുമ്പോള്‍ പലിശസഹിതം ആകെ 55.42 ലക്ഷം രൂപ സമ്പാദിക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.