യാത്രകൾ ഇനി ടെൻഷനില്ലാതെ പ്ലാൻ ചെയ്യാം; ഒരു എഫ്‌ഡി തുടങ്ങേണ്ടതിന്റെ കാരണങ്ങൾ

അടുത്ത അവധിക്കാലത്ത് ഒരു ഗോവൻ യാത്രയാണോ അതോ യൂറോപ്പിലേക്കുള്ള വിദേശ യാത്രയാണോ നിങ്ങൾ പ്ലാൻ ചെയ്യുന്നത്? ഏതായാലും ശരി, കൃത്യമായ സാമ്പത്തിക ആസൂത്രണം ഉണ്ടെങ്കിൽ മാത്രമേ ഈ സ്വപ്നങ്ങൾ യാഥാർത്ഥ്യമാകൂ. ഇന്ത്യയ്ക്കകത്തുള്ള യാത്രകൾക്ക് കുറഞ്ഞത് 1.5 ലക്ഷം രൂപയും വിദേശയാത്രകൾക്ക് 3 ലക്ഷം രൂപയും വരെ ചിലവ് വരാം. ഇത്രയും വലിയ തുക പെട്ടെന്ന് കണ്ടെത്തുക പ്രയാസമാണ്. ഇവിടെയാണ് ഫിക്സഡ് ഡിപ്പോസിറ്റുകൾ നിങ്ങളുടെ രക്ഷയ്‌ക്കെത്തുന്നത്.

ഉറപ്പുള്ള ലാഭവിഹിതം, വഴക്കമുള്ള കാലാവധികൾ, സുരക്ഷിതത്വം എന്നിവ വാഗ്ദാനം ചെയ്യുന്നതിലൂടെ ഫിക്സഡ് ഡിപ്പോസിറ്റുകൾ നിങ്ങളുടെ യാത്രാ ലക്ഷ്യങ്ങൾ കൈപ്പിടിയിലാക്കുന്നു. നിങ്ങൾ ഒരു ചെറിയ ആഭ്യന്തര യാത്രയോ അതോ ദീർഘമായ ഒരു വിദേശ യാത്രയോ ആണ് ആസൂത്രണം ചെയ്യുന്നതെങ്കിൽ, ഒരു എഫ്ഡിയുടെ സ്ഥിരത ആത്മവിശ്വാസത്തോടെ സമ്പാദിക്കാൻ നിങ്ങളെ സഹായിക്കും. ഹ്രസ്വകാല-ഇടക്കാല അവധിക്കാല ആസൂത്രണങ്ങൾക്ക് എഫ്ഡി എന്നും വിശ്വസനീയമായ ഒരു ഓപ്ഷനാണ്.

എന്തുകൊണ്ട് യാത്രകൾക്കായി എഫ്.ഡി തിരഞ്ഞെടുക്കണം?

ഓഹരി വിപണിയിലെ ചാഞ്ചാട്ടങ്ങൾ നിങ്ങളുടെ സമ്പാദ്യത്തെ ബാധിക്കുമെന്ന പേടിയില്ലാതെ പണം വളർത്താൻ എഫ്.ഡി സഹായിക്കുന്നു. ഇതിന്റെ പ്രധാന ഗുണങ്ങൾ താഴെ പറയുന്നവയാണ്:

ഉറപ്പുള്ള ലാഭം: വിപണിയിൽ എന്ത് മാറ്റമുണ്ടായാലും നിങ്ങൾ നിക്ഷേപിക്കുമ്പോൾ ഉറപ്പുനൽകിയ പലിശ നിരക്ക് ലഭിക്കുമെന്ന് ഉറപ്പാണ്. ഇത് നിങ്ങളുടെ യാത്രാ ബജറ്റ് സുരക്ഷിതമാക്കുന്നു.

ഫ്ലെക്സിബിൾ നിക്ഷേപ കാലയളവ്: നിങ്ങളുടെ യാത്രയുടെ സമയം അനുസരിച്ച് 6 മാസം മുതൽ 5 വർഷം വരെ കാലയളവിലേക്ക് എഫ്.ഡി തുടങ്ങാം.

6-12 മാസം: അടുത്തുള്ള സ്ഥലങ്ങളിലേക്ക് ചെറിയ യാത്രകൾ പ്ലാൻ ചെയ്യുന്നവർക്ക്.

1-2 വർഷം: അന്താരാഷ്ട്ര യാത്രകൾ ലക്ഷ്യമിടുന്നവർക്ക്.

3-5 വർഷം: വലിയ ആഡംബര യാത്രകൾ ആഗ്രഹിക്കുന്നവർക്ക്.

എഫ്.ഡി ലാഡറിംഗ്: സ്മാർട്ട് യാത്രക്കാർക്കുള്ള തന്ത്രം

യാത്രയുടെ ഓരോ ഘട്ടത്തിലും പണം ലഭ്യമാക്കാൻ 'ലാഡറിംഗ്' രീതി ഉപയോഗിക്കാം. ഉദാഹരണത്തിന്, 6 മാസത്തെ എഫ്.ഡി വിസ അപേക്ഷകൾക്കും ഇൻഷുറൻസിനും വേണ്ടി വിനിയോഗിക്കാം. 12 മാസത്തെ എഫ്.ഡി ഫ്ലൈറ്റ് ടിക്കറ്റുകൾക്കും താമസം ബുക്ക് ചെയ്യാനും, 18 മാസത്തെ എഫ്.ഡി കറങ്ങാനും ഷോപ്പിംഗിനും മറ്റു ചിലവുകൾക്കും ഉപയോഗിക്കാം. ഇങ്ങനെ പല കാലയളവുകളിലായി പണം നിക്ഷേപിക്കുന്നത് വഴി, ആവശ്യം വരുമ്പോൾ കൃത്യമായി തുക കൈയ്യിൽ കിട്ടുകയും ബാക്കി പണത്തിന് കൂടുതൽ പലിശ ലഭിക്കുകയും ചെയ്യും.

പ്ലാനുകൾ മാറിയാൽ പേടിക്കണ്ട

യാത്ര മാറ്റിവെക്കേണ്ടി വന്നാലോ? എഫ്.ഡി നിക്ഷേപങ്ങൾ ഇടയ്ക്ക് വെച്ച് പിൻവലിക്കാൻ സാധിക്കും. ചെറിയൊരു പെനാൽറ്റി നൽകേണ്ടി വരുമെങ്കിലും, സേവിംഗ്സ് അക്കൗണ്ടിൽ പണം ഇടുന്നതിനേക്കാൾ ലാഭം ഇതിലൂടെ ലഭിക്കും. കൂടാതെ, എഫ്.ഡി തുകയുടെ 90% വരെ വായ്പയായും എടുക്കാം.

നികുതി

അടിസ്ഥാന നികുതി നിയമങ്ങളെക്കുറിച്ചും ആവശ്യമായ രേഖകളെക്കുറിച്ചും മനസ്സിലാക്കുന്നത് നിങ്ങളുടെ യാത്രാ ഫണ്ട് കൃത്യമായി ആസൂത്രണം ചെയ്യാനും അപ്രതീക്ഷിത ചെലവുകൾ ഒഴിവാക്കാനും സഹായിക്കും. ഫിക്സഡ് ഡിപ്പോസിറ്റുകളിൽ നിന്നുള്ള പലിശ നികുതി വിധേയമാണ്. വാർഷിക പലിശ വരുമാനം നിശ്ചിത പരിധി കടന്നാൽ ടിഡിഎസ് ബാധകമാകും; എന്നാൽ ചെറിയ യാത്രാ ഫണ്ടുകൾ എല്ലായ്പ്പോഴും ഈ പരിധിയിൽ എത്തണമെന്നില്ല.