മികച്ച റിട്ടേൺസിനൊപ്പം നികുതി ആനുകൂല്യങ്ങളും; മികച്ച 7 സമ്പാദ്യ പദ്ധതികൾ

2024-25 സാമ്പത്തിക വർഷം അവസാനിക്കാൻ ഇനി 2 മാസത്തിൽ താഴെ മാത്രം ദിവസങ്ങളാണ് ബാക്കിയുള്ളത്. അത്തരമൊരു സാഹചര്യത്തിൽ, നികുതി കുറയ്ക്കാൻ ആഗ്രഹിക്കുന്നവർക്ക് ശരിയായ നിക്ഷേപം നടത്താൻ കൂടുതൽ സമയമില്ല. പലരും നികുതി ഇളവിലൂടെ സാമ്പത്തിക നേട്ടമുണ്ടാക്കുന്നതോടൊപ്പം പല തരത്തിലുള്ള സാമ്പത്തിക ലക്ഷ്യങ്ങലിലേക്ക് എത്താനുള്ള മികച്ച നിക്ഷേപ രീതികൾ തിരയുകയാണ്. കൃത്യസമയത്ത് നികുതി ആസൂത്രണം ചെയ്യേണ്ടത് പ്രധാനമാണ്, അതിനാൽ നിങ്ങൾക്ക് പിന്നീട് ഒരു പ്രശ്നവും നേരിടേണ്ടിവരില്ല. നികുതി ലാഭിക്കാനും നല്ല വരുമാനം നേടാനും കഴിയുന്ന ചില മികച്ച സ്കീമുകളെക്കുറിച്ചാണ് ഈ ലേഖനത്തിൽ ചർച്ച ചെയ്യുന്നത്.

1. ഇക്വിറ്റി ലിങ്ക്ഡ് സേവിംഗ്സ് സ്കീം - ഇഎൽഎസ്എസ് ഫണ്ട് ഒരു മികച്ച നികുതി ലാഭിക്കൽ തിരഞ്ഞെടുപ്പായിരിക്കും, അതിൽ ആദായനികുതി നിയമത്തിലെ സെക്ഷൻ 80 സി പ്രകാരം 1.5 ലക്ഷം രൂപ വരെ ഇളവ് ലഭ്യമാണ്. കുറഞ്ഞത് 500 രൂപയിൽ നിങ്ങൾക്ക് ഇതിൽ നിക്ഷേപം ആരംഭിക്കാം. അതിറെ ലോക്ക്-ഇൻ കാലയളവ് മൂന്ന് വർഷം മാത്രമാണ്, മറ്റ് നികുതി ലാഭിക്കൽ ഓപ്ഷനുകളെ അപേക്ഷിച്ച് ഇത് ഏറ്റവും കുറവാണ്.

2. നാഷ്ണൽ പെൻഷൻ സ്കീം - പെൻഷൻ ആസൂത്രണത്തിന്റെ ഭാഗമായി നിക്ഷേപിക്കുന്നവരുടെ ആദ്യ തിരഞ്ഞെടുപ്പായിരിക്കും സർക്കാർ പിന്തുണയോടെയെത്തുന്ന നാഷ്ണൽ പെൻഷൻ സ്കീം അഥവ എൻപിഎസ്. ഈ പദ്ധതിയും സെക്ഷൻ 80സിസിഡി (1ബി) പ്രകാരം 50,000 രൂപയും 80സി പ്രകാരം 1.5 ലക്ഷം രൂപയും അധിക കിഴിവ് വാഗ്ദാനം ചെയ്യുന്ന, വിരമിച്ചവർക്ക് എൻപിഎസ് ഒരു നല്ല ഓപ്ഷനാണ്. നികുതി ലാഭിക്കുന്നതിനും സുരക്ഷിതമായ ഭാവി നേടുന്നതിനും ഇത് നിങ്ങളെ സഹായിക്കുന്നു.

3. പബ്ലിക് പ്രൊവിഡന്റ് ഫണ്ട് - മറ്റൊരു ജനപ്രിയ നിക്ഷേപ പദ്ധതിയായ പബ്ലിക് പ്രൊവിഡന്റ് ഫണ്ട് അഥവ പിപിഎഫും സുരക്ഷിതവും നികുതി രഹിതവുമായ നിക്ഷേപ ഓപ്ഷനാണ്. ഇത് 80 സി പ്രകാരം ഇളവ് വാഗ്ദാനം ചെയ്യുന്നു, കൂടാതെ പലിശയും മെച്യൂരിറ്റി തുകയും നികുതി രഹിതവുമാണ്. ദീർഘകാലത്തേക്ക് നിക്ഷേപിക്കാൻ ആഗ്രഹിക്കുന്നവർക്ക് ഇത് വളരെ നല്ലതാണ്.

4. യൂണിറ്റ് ലിങ്ക്ഡ് ഇൻഷുറൻസ് പ്ലാൻ - ഇത് ലൈഫ് ഇൻഷുറൻസിനൊപ്പം നിക്ഷേപത്തിറെ ആനുകൂല്യവും നിങ്ങൾക്ക് ലഭിക്കും. അഞ്ച് വർഷത്തെ ലോക്ക്-ഇൻ കാലയളവിലാണ് ഇത് വരുന്നത്. ഇത് പ്രീമിയത്തിന് നികുതി ഇളവ് വാഗ്ദാനം ചെയ്യുന്നു കൂടാതെ മെച്യൂരിറ്റി തുകയും നികുതി രഹിതമാണ്.

5. ടാക്സ് സേവർ ഫിക്സഡ് ഡിപ്പോസിറ്റ് - നിങ്ങൾക്ക് അപകട സാധ്യത കുറഞ്ഞ ഓപ്ഷൻ വേണമെങ്കിൽ, ടാക്സ് സേവർ എഫ്ഡി അഥവ സ്ഥിര നിക്ഷേപം ഒരു നല്ല ഓപ്ഷനാണ്. ഇതിന് അഞ്ച് വർഷത്തെ ലോക്ക്-ഇൻ കാലയളവ് ഉണ്ട് കൂടാതെ 80 സി പ്രകാരം 1.5 ലക്ഷം രൂപ വരെ ഇളവ് ലഭ്യമാണ്. എന്നിരുന്നാലും, പണം അകാലത്തിൽ പിൻവലിക്കാൻ കഴിയില്ല.

6. സീനിയർ സിറ്റിസൺ സേവിംഗ്സ് സ്കീം - മുതിർന്ന പൗരന്മാർക്കായി രൂപൽപ്പന ചെയ്തിരിക്കുന്ന ഈ പദ്ധതി വളരെ പ്രയോജനകരമാണ്. ഇത് 8.2 ശതമാനം വാർഷിക പലിശ നൽകുന്നു, കൂടാതെ 30 ലക്ഷം രൂപ വരെയുള്ള നിക്ഷേപ തുകയ്ക്ക് നികുതിയിളവും ലഭിക്കും.

7. സുകന്യ സമൃദ്ധി യോജന - 10 വയസ്സിൽ താഴെയുള്ള പെൺമക്കൾക്കായി പ്രത്യേകം രൂപകൽപ്പന ചെയ്തിട്ടുള്ളതാണ് ഈ പദ്ധതി. ഇത് 80 സി പ്രകാരം 1.5 ലക്ഷം രൂപ വരെ നികുതി ഇളവ് നൽകുന്നു, അതിന്റെ റിട്ടേണും നികുതി രഹിതമാണ്. 

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.