എൻ.എസ്.സി vs എഫ്.ഡി: 5 ലക്ഷം രൂപയുടെ ഒറ്റത്തവണ നിക്ഷേപത്തിൽ നേട്ടം ഏത്?

കേന്ദ്ര ബജറ്റിൽ, ധനമന്ത്രി നിർമ്മല സീതാരാമൻ, ഇപിഎഫിനൊപ്പം എൻഎസ്‌സി അഥവ നാഷ്ണൽ സേവിംഗ്സ് സർട്ടിഫിക്കറ്റിനെയും പരമാവധി റിട്ടേൺസിൽ നികുതി ഇല്ലാത്ത നിക്ഷേപമാക്കി പ്രഖ്യാപിച്ചിരുന്നു. ഇത് എൻഎസ്‌സിയെ കൂടുതൽ ജനപ്രിയ നിക്ഷേപമാക്കി മാറ്റുകയും ചെയ്തിട്ടുണ്ട്. സർക്കാർ പിന്തുണയോടെയെത്തുന്ന പദ്ധതി നിലവിൽ 7.7 ശതമാനം പലിശ നിരക്കാണ് നിക്ഷേപകർക്ക് വാഗ്ദാനം ചെയ്യുന്നത്. അതേസമയം, അപകട സാധ്യത കുറഞ്ഞ നിക്ഷേപ രീതികൾ തിരയുന്നവരുടെ ആദ്യ തിരഞ്ഞെടുപ്പായി എഫ്ഡി അഥവ സ്ഥിര നിക്ഷേപം നിലനിൽക്കുന്നു. അഞ്ച് വർഷത്തേക്കുള്ള നിക്ഷേപത്തിൽ ഇതിൽ ഏതാണ് മികച്ച റിട്ടേൺസ് നൽകുന്നതെന്ന് നോക്കാം.

നാഷ്ണൽ സേവിംഗ്സ സർട്ടിഫിക്കറ്റിൽ പ്രതിവർഷം പലിശ കൂട്ടിച്ചേർക്കപ്പെടുമെങ്കിലും കാലാവധി പൂർത്തിയാകുമ്പോൾ മാത്രമായിരിക്കും ലഭ്യമാവുക. ഈ നിരക്ക് കണക്കിലെടുക്കുമ്പോൾ, അഞ്ച് വർഷം കൊണ്ട് 5 ലക്ഷം, 7 ലക്ഷം, 9 ലക്ഷം രൂപ നിക്ഷേപങ്ങളുടെ മെച്വൂരിറ്റി കാലയളവ് പൂർത്തിയാകുമ്പോൾ ലഭിക്കുന്ന റിട്ടേൺസ് യഥാക്രമം 7,27,607 രൂപ, 10,18,650 രൂപ, 13,09,693 രൂപ എന്നിങ്ങനെയായിരിക്കും.

ബാങ്കുകൾ വാഗ്ദാനം ചെയ്യുന്ന ഫിക്സഡ് ഡിപ്പോസിറ്റുകൾക്ക് ധനകാര്യ സ്ഥാപനത്തെയും കാലാവധിയെയും ആശ്രയിച്ച് വ്യത്യസ്ത പലിശനിരക്കുകൾ ഉണ്ട്. 2025-ന്റെ തുടക്കത്തിൽ, മുൻനിര ബാങ്കുകൾ അഞ്ച് വർഷത്തെ എഫ്ഡിയ്ക്ക് പ്രതിവർഷം 6.5 ശതമാനം മുതൽ 7.5 ശതമാനം വരെ വാഗ്‌ദാനം ചെയ്യുന്നു. ത്രൈമാസത്തിൽ ശരാശരി 7 Mlcevx പലിശ നിരക്ക് കണക്കാക്കിയാൽ, അഞ്ച് വർഷത്തിനുള്ളിൽ 5 ലക്ഷം, 7 ലക്ഷം, 9 ലക്ഷം രൂപയ്ക്കുള്ള റിട്ടേൺസ് യഥാക്രമം 7,12,894 രൂപ, 9,97,881 രൂപ, 12,82,868 രൂപ എന്നിങ്ങനെയും ആയിരിക്കും.

7 ശതമാനം പലിശ നിരക്കിൽ ഒരു എഫ്ഡിയുമായി താരതമ്യപ്പെടുത്തുമ്പോൾ എൻ.എസ്.സി അല്പം ഉയർന്ന മെച്യൂരിറ്റി തുക വാഗ്ദാനം ചെയ്യുന്നുവെന്ന് നേരിട്ടുള്ള താരതമ്യം കാണിക്കുന്നു. എൻഎസ്‌സി പലിശ വാർഷിക അടിസ്ഥാനത്തിൽ കൂട്ടിച്ചേർക്കുമ്പോൾ എഫ്‌ഡി പലിശ ത്രൈമാസത്തിൽ കൂട്ടിച്ചേർക്കപ്പെടുന്നതിനാൽ, കോമ്പൗണ്ടിംഗ് ഫ്രീക്വൻസിയിലെ വ്യത്യാസം വരുമാനത്തെ ചെറുതായി ബാധിക്കുന്നു. എന്നിരുന്നാലും, എൻഎസ്‌സിയുടെ ഉറപ്പുള്ള സർക്കാർ പിന്തുണയും സെക്ഷൻ 80 സി പ്രകാരമുള്ള നികുതി ആനുകൂല്യങ്ങളും ഇതിനെ ആകർഷകമായ ഓപ്ഷനാക്കി മാറ്റുന്നു.

1961 ലെ ആദായനികുതി നിയമത്തിലെ സെക്ഷൻ 80C പ്രകാരം പ്രതിവർഷം 1.5 ലക്ഷം രൂപ വരെ നികുതിയിളവുകൾക്ക് രണ്ട് നിക്ഷേപ രീതികളും യോഗ്യതയുണ്ട്. എന്നിരുന്നാലും, എൻഎസ്സി പലിശ വീണ്ടും നിക്ഷേപിക്കുകയും കാലാവധി പൂർത്തിയാകുമ്പോൾ മാത്രം നികുതി നൽകുകയും ചെയ്യുന്നു, അതേസമയം എഫ്ഡി പലിശയ്ക്ക് പ്രതിവർഷം നികുതി ചുമത്തുന്നു. ലിക്വിഡിറ്റി അനുസരിച്ച്, എഫ്ഡികൾ പിഴകളോടെ അകാല പിൻവലിക്കലുകൾ അനുവദിക്കുന്നു. അതേസമയം എൻഎസ്സിയിൽ അഞ്ച് വർഷത്തേക്ക് ലോക്ക് ഇൻ മാനദണ്ഡമുണ്ട്.