Click it and Unblock the Notifications
ജനുവരി ഒന്ന് മുതല് ഇന്ത്യയില് ഓണ്ലൈന് പെയ്മെന്റ് രീതികള് മാറുകയാണ്. പുതുവത്സരം തൊട്ട് ഫ്ളിപ്പ്കാര്ട്ട്, ആമസോണ്, മിന്ത്ര, സ്വിഗ്ഗി, സൊമാറ്റോ പോലുള്ള ഓണ്ലൈന് വെബ്സൈറ്റുകള് നിങ്ങളുടെ ഡെബിറ്റ്, ക്രെഡിറ്റ് കാര്ഡ് വിവരങ്ങള് സൂക്ഷിക്കില്ല. ഡെബിറ്റ്, ക്രെഡിറ്റ് കാര്ഡുകള് ഉപയോഗിച്ചുള്ള ഓണ്ലൈന് ഇടപാടുകള്ക്ക് കൂടുതല് സുരക്ഷ ഉറപ്പുവരുത്തുക ലക്ഷ്യമിട്ടാണ് റിസര്വ് ബാങ്കിന്റെ പുതിയ തീരുമാനം. ഇനിയങ്ങോട്ട് 'ടോക്കണൈസേഷന്' എന്ന പുതിയ സംവിധാനം വഴിയായിരിക്കും കാര്ഡ് പെയ്മെന്റുകള് നടക്കുക.
കാര്ഡ് ടോക്കണൈസേഷന്
നാളിതുവരെ ഓണ്ലൈന് വെബ്സൈറ്റുകളില് കാര്ഡ് വിവരങ്ങള് സൂക്ഷിച്ചായിരുന്നു ഉപഭോക്താക്കള് ഇടപാടുകള് നടത്തിയിരുന്നത്. വെബ്സൈറ്റുകള് ഉപഭോക്താക്കളുടെ 16 അക്ക ഡിജിറ്റല് കാര്ഡ് നമ്പറും കാലാവധിയും സേവ് ചെയ്തുവെയ്ക്കും. ആവശ്യമായ സമയത്ത് കാര്ഡിന് പിറകിലെ സിവിവി നമ്പറും ഒറ്റത്തവണ പാസ്വേഡും (ഒടിപി) നല്കിയാണ് ഉപഭോക്താക്കള് ഓണ്ലൈന് ഇടപാടുകള് പൂര്ത്തീകരിച്ചിരുന്നത്. ജനുവരി ഒന്നു മുതല് ഈ കീഴ്വഴക്കം മാറും.
ടോക്കണൈസേഷന് സംവിധാനം പ്രാബല്യത്തില് വരുന്നതോടെ കാര്ഡ് വിവരങ്ങള്ക്ക് പകരം ഓരോ തവണയും പ്രത്യേക കോഡുകള് ജനറേറ്റ് ചെയ്ത് ഓണ്ലൈന് ഇടപാടുകള് പൂര്ത്തീകരിക്കാം. ഇതുവഴി കാര്ഡ് വിവരങ്ങള് വെബ്സൈറ്റുകളുമായി പങ്കിടേണ്ട സാഹചര്യമില്ല.
ജനുവരി 1 മുതല് കാര്ഡ് ഉടമകള് ചെയ്യേണ്ടതെന്ത്?
ഓണ്ലൈന് വെബ്സൈറ്റില് നിന്നും പതിവുപോലെ പര്ച്ചേസ് ആരംഭിക്കുക
പെയ്മെന്റ് പൂര്ത്തീകരിക്കാനായി നിങ്ങളുടെ അനുമതിയോടെ ടോക്കണൈസേഷന് നടപടി വെബ്സൈറ്റ് തുടങ്ങും
അനുമതി നല്കുന്നപക്ഷം കാര്ഡ് നെറ്റ്വര്ക്കിലേക്ക് ടോക്കണൈസേഷന് റിക്വസ്റ്റ് വെബ്സൈറ്റ് അയക്കും
കാര്ഡ് നെറ്റ്വര്ക്കാണ് ടോക്കണ് അഥവാ പ്രത്യേക കോഡ് ജനറേറ്റ് ചെയ്യുക.
ഈ കോഡ് നിങ്ങളുടെ കാര്ഡ് നമ്പറിനെ പ്രതിനിധീകരിക്കും
ഈ കോഡാണ് മുന്നോട്ടുള്ള ഇടപാടുകള്ക്കായി വെബ്സൈറ്റ് സൂക്ഷിച്ചുവെയ്ക്കുക
തുടര്ന്ന് ബന്ധപ്പെട്ട കാര്ഡ് ഉപയോഗിച്ചുള്ള ഇടപാടുകള്ക്ക് സിവിവിയും ഒറ്റത്തവണ പാസ്വേഡും നല്കിയാല് മതി
മറ്റൊരു വെബ്സൈറ്റില് നിന്നോ മറ്റൊരു കാര്ഡില് നിന്നോ ആണ് അടുത്തതവണ പെയ്മെന്റ് നടത്താന് ശ്രമിക്കുന്നതെങ്കില് ടോക്കണൈസേഷന് നടപടി വീണ്ടും ആവര്ത്തിക്കണം
ബാങ്കുകള്ക്ക് ആശങ്ക
പുതിയ മാറ്റം ഉള്ക്കൊള്ളാന് റിസര്വ് ബാങ്ക് സാവകാശം നല്കിയില്ലെന്നതാണ് ഓണ്ലൈന് വെബ്സൈറ്റുകളുടെയും ബാങ്കുകളുടെയും പ്രധാന പരാതി. ടോക്കണൈസേഷന് നടപ്പിലായാല് ഉപഭോക്താക്കള്ക്ക് ഓരോ തവണയും കാര്ഡ് വിവരങ്ങള് നല്കേണ്ടതായി വരും. പലര്ക്കും ഇതു ബുദ്ധിമുട്ടായി തോന്നാം. ഓരോ തവണയും കാര്ഡ് വിവരങ്ങള് നല്കാന് മടിച്ച് കാഷ് ഓണ് ഡെലിവറി ഓപ്ഷന് തിരഞ്ഞെടുക്കാനും ഉപഭോക്താക്കള് മുതിര്ന്നേക്കാം. ഇങ്ങനെ സംഭവിച്ചാല് കാര്ഡ് ഇടപാടുകള് കുറയുന്നതിനൊപ്പം കാഷ് സര്ക്കുലേഷനും വര്ധിക്കുമെന്ന് ബാങ്കുകള് മുന്നറിയിപ്പ് നല്കുന്നു.
2021 സെപ്തംബറിലാണ് ടോക്കണൈസേഷനുമായി ബന്ധപ്പെട്ട മാര്ഗനിര്ദേശം റിസര്വ് ബാങ്ക് പുറത്തിറക്കിയത്. 2022 ജനുവരി 1 -ന് മുന്പായി ഇതുവരെ കൈവശം വെച്ചിട്ടുള്ള എല്ലാ ക്രെഡിറ്റ്, ഡെബിറ്റ് കാര്ഡ് വിവരങ്ങളും നീക്കം ചെയ്യണമെന്ന് റിസര്വ് ബാങ്ക് ഇന്ത്യയിലെ എല്ലാ കമ്പനികളോടും ആവശ്യപ്പെട്ടിട്ടുണ്ട്.
More From GoodReturns
ഓഹരി വിപണിയിൽ വൻ മാറ്റം: മൈക്രോക്യാപ് നിക്ഷേപകർക്ക് മുന്നറിയിപ്പുമായി എക്സ്ചേഞ്ചുകൾ
നാലാം ശനിയാഴ്ച ബാങ്ക് അവധി: പണമിടപാടുകൾ മുടങ്ങുമോ? അറിയേണ്ട പ്രധാന കാര്യങ്ങൾ
ദുബായിൽ സ്വർണ്ണവിലയിൽ മാറ്റമില്ല; കേരളത്തെ അപേക്ഷിച്ച് പ്രവാസികൾക്ക് വൻ ലാഭം!
ബംഗളൂരു മെട്രോ പിങ്ക് ലൈൻ: ഓഗസ്റ്റ് 15-ന് ഉദ്ഘാടനമില്ല; യാത്രക്കാർക്ക് വീണ്ടും കാത്തിരിപ്പ്
മാരുതി സുസുക്കി Q1 ഫലം: എസ്യുവി വിൽപന ലാഭത്തിൽ കുതിച്ചുചാട്ടമുണ്ടാക്കുമോ?
നിഫ്റ്റി ഓട്ടോയിൽ വൻ കുതിപ്പിന് സാധ്യത; എഫ് ആൻഡ് ഒ എക്സ്പയറിക്ക് മുന്നോടിയായി നിക്ഷേപകർ അറിയേണ്ടതെന്ത്?
എൽഐസി എജിഎം ഇന്ന്: ഡിവിഡന്റും ബോണസ് ഓഹരികളും പ്രഖ്യാപിക്കുമോ? നിക്ഷേപകർ ആകാംക്ഷയോടെ ഉറ്റുനോക്കുന്ന നിർണ്ണായക തീരുമാനങ്ങൾ
ബെംഗളൂരു മെട്രോ പിങ്ക് ലൈൻ: ഉദ്ഘാടനം വീണ്ടും വൈകുന്നു; യാത്രക്കാർക്ക് ഇനിയും കാത്തിരിക്കണം
ബിഎസ്ഇ മോക്ക് ട്രേഡിംഗ് ഇന്ന്: പെന്നി സ്റ്റോക്ക് നിക്ഷേപകർക്ക് നഷ്ടം ഒഴിവാക്കാൻ ഈ അവസരം പ്രയോജനപ്പെടുത്താം
ബെംഗളൂരു മെട്രോ യെല്ലോ ലൈൻ: സാങ്കേതിക തകരാറുകൾ പരിഹരിച്ചു, സർവീസുകൾ സാധാരണ നിലയിൽ; യാത്രക്കാർക്ക് ആശ്വാസം
ദുബായിൽ സ്വർണ്ണം വാങ്ങുമ്പോൾ ലാഭം ഇത്രയോ? ഇന്ത്യയുമായുള്ള വില വ്യത്യാസം ഞെട്ടിക്കും!
Sign in with Google