റിട്ടയർമെന്റ് സമയത്ത് 5 കോടി കോർപ്പസ് കിട്ടാൻ നിങ്ങൾ എത്ര രൂപ നിക്ഷേപിക്കണം? അറിയാം...

ജോലിയിൽ നിന്ന് വിരമിച്ചാലും സാമ്പത്തിക സ്വാതന്ത്ര്യം ആവശ്യമാണ്. അതിനാൽ റിട്ടയർമെന്റിനു ശേഷമുള്ള ജീവിതം സുരക്ഷിതമാക്കാൻ നിക്ഷേപങ്ങൾ നേരത്തെ ആരംഭിക്കണം. എവിടെ നിക്ഷേപിക്കും എന്നതിനെ കുറിച്ച് വ്യക്തമായ ധാരണ ഉണ്ടായിരിക്കണം. മാത്രമല്ല റിട്ടയർമെന്റിനു ശേഷം നിങ്ങൾക്ക് എത്ര രൂപ കോർപ്പസ് കിട്ടണമെന്ന പ്ലാനിം​ഗും നേരത്തെ തീരുമാനിക്കുക. ഒരു വലിയ ആ​ഗ്രഹിക്കുന്നുണ്ടെങ്കിൽ നിങ്ങൾക്ക് അത് സമ്പാദ്യത്തിലൂടെയും നിക്ഷേപത്തിലൂടെയും നേടിയെടുക്കാം.

നേരത്തെ സമ്പാദിക്കാൻ തുടങ്ങിയാൽ റിട്ടയർമെന്റ് സമയത്തേക്ക് പണം വളരും. മാത്രമല്ല ഇത് നിങ്ങൾക്ക് വലിയ നേട്ടങ്ങൾ ഉണ്ടാക്കാം. വിമിക്കുമ്പോൾ കുറഞ്ഞത് 5 കോടി രൂപ കോർപ്പസ് കെട്ടിപ്പടുക്കാൻ സാധിക്കുമോ? എങ്കിൽ നിങ്ങളുടെ ജീവിതം കൂടുതൽ സുരക്ഷിതമാവും. ഇങ്ങനെ 5 കോടി നേടാൻ നിങ്ങൾ പ്രതിമാസം 15,000 രൂപയെങ്കിൽ മാറ്റി വെക്കേണ്ടി വരും. എന്നാൽ ഇത്രയും വലിയ തുക കോർപ്പസായി ലഭിക്കുന്നതെങ്ങനെ? അറിയാം....

റിട്ടയർമെന്റ് പ്ലാൻ ചെയ്യാം....

ജീവിതനിലവാരം നിലനിർത്താനും സാമ്പത്തിക ആവശ്യങ്ങൾക്ക് മറ്റുള്ളവരെ ആശ്രയിക്കാതിരിക്കാനും റിട്ടയർമെന്റ് പ്ലാൻ ആസൂത്രണം ചെയ്യണം. ജോലിയിൽ പ്രവർത്തിക്കുമ്പോൾ തന്നെ റിട്ടയർമെന്റിനു വേണ്ടി പ്ലാൻ ചെയ്യാം. നേരത്തെ പ്ലാൻ ചെയ്താൽ പണം വളരും, ഒപ്പം വലിയ റിട്ടേണായി മാറും എന്നത് ഉറപ്പാണ്. നിങ്ങൾ ആ​ഗ്രഹിക്കുന്നതു പോലെ വമ്പൻ നേട്ടം ലഭിക്കാൻ എസ്.ഐ.പിയിൽ നിക്ഷേപിക്കുന്നതാണ് ഉചിതം.

റിട്ടയർമെന്റ് പ്ലാനിം​ഗ് എസ്.ഐ.പി വഴി...

എസ്.ഐ.പി വഴി മ്യൂച്വൽ ഫണ്ടിൽ നിക്ഷേപിക്കുന്ന ഒരു മികച്ച തീരുമാനമായിരിക്കും. റിട്ടയർമെന്റിലേക്ക് വലിയൊരു തുക റിട്ടേണായി കിട്ടും. നിങ്ങളുടെ ഇഷ്ടാനുസരണം ദിവസേന, പ്രതിവാരം, പ്രതിമാസം, അർദ്ധവാർഷികം അല്ലെങ്കിൽ വാർഷികം എന്നിങ്ങനെ കൃത്യമായ ഇടവേളകളിൽ ഒരു നിശ്ചിത തുക നിങ്ങൾക്ക് നിക്ഷേപിക്കാം. ഇത് കാലക്രമേണ നിക്ഷേപിക്കുന്നതിലും ഇരട്ടിയായി കിട്ടും.

റിട്ടയർമെന്റ് പ്ലാൻ തയ്യാറാക്കുമ്പോൾ ആദ്യം നിങ്ങളുടെ ലക്ഷ്യം തിരിച്ചറിയുക. ശേഷം നിങ്ങളുടെ സാമ്പത്തിക സ്ഥിതി മനസിലാക്കി ഒരു പ്ലാൻ തിരഞ്ഞെടുക്കാം.

15,000 രൂപയ്ക്ക് 5 കോടി സമ്പാദിക്കാൻ സാധിക്കുമോ?

നിങ്ങൾ 25 വയസ്സിൽ നിക്ഷേപം ആരംഭിക്കുന്നുവെങ്കിൽ എളുപ്പത്തിൽ ലക്ഷ്യത്തിലേക്ക് എത്താം. അതായത് നിക്ഷേപകർക്ക് 15,000 രൂപയുടെ പ്രതിമാസ എസ്.ഐ.പി ഉപയോഗിച്ച് 12 ശതമാനം വാർഷിക റിട്ടേണിൽ 5 കോടി രൂപയുടെ റിട്ടയർമെൻ്റ് കോർപ്പസ് ഉറപ്പാക്കാൻ ഏകദേശം 30 വർഷമെടുക്കും. ഇത് 10 വർഷം കൊണ്ടും 20 വർഷം കൊണ്ടും 30 വർഷം കൊണ്ടും എത്ര രൂപ കോർപ്പസ് നേടാമെന്ന് പരിശോധിക്കാം.

10 വർഷത്തിനുള്ളിൽ റിട്ടയർമെൻ്റ് കോർപ്പസ് എത്രയാകും?

10 വർഷത്തിനുള്ളിൽ, പ്രതിമാസ എസ്.ഐ.പി വഴിയുള്ള നിക്ഷേപ തുക 18,00,000 രൂപയായിരിക്കും. കണക്കാക്കിയ മൂലധന നേട്ടം 16,85,086 രൂപയുമാണ്. അതായത് 10 വർഷം കൊണ്ട് 34,85,086 ലക്ഷം രൂപയായിരിക്കും നിങ്ങളുടെ റിട്ടയർമെൻ്റ് കോർപ്പസ്.

20 വർഷത്തിനുള്ളിൽ റിട്ടയർമെൻ്റ് കോർപ്പസ് എത്രയാകും?

20 വർഷം കൊണ്ടി നിങ്ങളുടെ നിക്ഷേപിച്ച തുക 36,00,000 രൂപയായിരിക്കും. ഇതിൽ മൂലധന നേട്ടം 1,13,87,219 രൂപയാവുന്നു. അതായത് നിങ്ങളുടെ മൊത്തം റിട്ടയർമെൻ്റ് കോർപ്പസ് 1,49,87,219 കോടി രൂപയാവുന്നു.

30 വർഷത്തിനുള്ളിൽ റിട്ടയർമെൻ്റ് കോർപ്പസ് എത്രയാകും?

ഈ കാലയളവിൽ നിങ്ങൾ നിക്ഷേപിച്ച തുക 54,00,000 രൂപയാവുന്നു. 4,75,48,707 രൂപയാണ് മൂലധന നേട്ടമായി കണക്കാക്കുന്നത്. എന്നാൽ കാലാവധി പൂർത്തിയാവുമ്പോൾ നിങ്ങളുടെ റിട്ടയർമെൻ്റ് കോർപ്പസ് 5,29,48,707 രൂപയാവുന്നു. അതായത് 30 വർഷം കൊണ്ട് 5 കോടിയ്ക്ക് മുകളിൽ സമ്പാദിക്കാം.....