പണത്തിന് അത്യാവശ്യമുണ്ടോ? കുറഞ്ഞ പലിശയിൽ നിങ്ങൾക്ക് വായ്പ കിട്ടും, ക്രെഡിറ്റ് സ്കോർ ശ്രദ്ധിക്കണേ!

ഉത്സവ സീസൺ എത്തുന്നതോടെ സാമ്പത്തിക ആവശ്യങ്ങൾ വർദ്ധിക്കുന്നു. എന്നാൽ പലപ്പോഴും പ്രതീക്ഷിക്കുന്ന തുക എല്ലാവരുടെയും കൈവശം ഉണ്ടായിരിക്കണമെന്നില്ല. ഇത്തരം പ്രതിസന്ധി ഘട്ടങ്ങളിൽ ആളുകൾ വ്യക്തി​ഗത വായ്പകൾ പരി​ഗണിക്കുന്നു. കേരളത്തിൽ ഓണം എത്താറായി. ആളുകൾ പലയിടങ്ങളിലേക്ക് യാത്ര പോവാനും, ഷോപ്പിം​ഗ് ചെയ്യാനും സമയം ചിലവഴിക്കുന്ന സമയമാണിത്. അടിയന്തിര ചിലവുകൾക്ക് വിവിധ ബാങ്കുകളിൽ വ്യക്തി​ഗത വായ്പ എടുക്കുവാൻ ആളുകൾ പരിശ്രമിക്കും.

നിങ്ങൾക്ക് ഉയർന്ന ക്രെഡിറ്റ് സ്കോറുണ്ടെങ്കിൽ കുറഞ്ഞ പലിശ നിരക്കോടെയും, കുറ‍ഞ്ഞ പ്രോസസ്സിം​ഗ് ഫീസോടെയും വ്യക്തി​ഗത വായ്പ സ്വന്തമാക്കാം. ഈട് നൽകാതെ നേടാവുന്ന വായ്പയായതിനാൽ കാലതാമസമില്ലാതെ തന്നെ നിങ്ങളുടെ സാമ്പത്തിക ആവശ്യങ്ങൾ വ്യക്തി​ഗത വായ്പകളിലൂടെ ഉറപ്പാക്കാം.

നിങ്ങൾക്ക് 5 ലക്ഷം ആവശ്യമുണ്ടെങ്കിൽ കുറഞ്ഞ പലിശ നിരക്കോടെ മികച്ച വായ്പ ഏത് ബാങ്കിലൂടെ ഉറപ്പാക്കാം? 5 വർഷത്തെ കാലാവധിയിൽ മികച്ച പൊതുമേഖലാ, സ്വകാര്യ മേഖലാ ബാങ്കുകൾ വാ​ഗ്ദാനം ചെയ്യുന്ന വ്യക്തി​ഗത വായ്പകളെ കുറിച്ചും അവയുടെ പലിശ നിരക്കിനെ കുറിച്ചും അറിയാം.

എസ്ബിഐ: രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ വാ​ഗ്ദാനം ചെയ്യുന്ന വ്യക്തിഗത വായ്പകളുടെ പലിശ നിരക്ക് 10.10 ശതമാനം മുതൽ തുടങ്ങുന്നു. അഞ്ച് വർഷത്തേക്ക് 5 ലക്ഷം രൂപ വായ്പ എടുത്താൽ പ്രതിമാസം 10,648 രൂപ അടക്കേണ്ടി വരും.

പിഎൻബി: മറ്റൊരു പൊതുമേഖലാ ബാങ്കായ പഞ്ചാബ് നാഷണൽ ബാങ്ക് വ്യക്തി​ഗത വായ്പകൾക്ക് 10.5 ശതമാനം മുതൽ പലിശ ഈടാക്കുന്നു. അഞ്ച് വർഷത്തെ കാലാവധിയിൽ 5 ലക്ഷം രൂപ വായ്പ പ്രതിമാസം 10,747 രൂപ ഇഎംഐ രീതിയിൽ തിരിച്ചടക്കണം.

യൂണിയൻ ബാങ്ക് ഓഫ്: ഈ ബാങ്ക് 10.75 ശതമാനം മുതലാണ് വ്യക്തി​ഗത വായ്പയുടെ പലിശ നിരക്ക് ഈടാക്കുന്നത്. 5 ലക്ഷം വായ്പ 5 വർഷത്തേക്ക് എടുത്താൽ പ്രതിമാസം 10,809 രൂപ ഇഎംഐ വേണം.

ബാങ്ക് ഓഫ് ബറോഡ: വ്യക്തിഗത വായ്പകൾക്ക് 10.90 ശതമാനം മുതൽ പലിശ ഈടാക്കുന്നു. 5 ലക്ഷം വായ്പയുടെ ഇഎംഐ തുക 10,846 രൂപയാണ്.

കാനറാ ബാങ്ക്: വ്യക്തി​ഗത വായ്പകൾക്ക് ഈ പൊതുമേഖലാ ബാങ്ക് 13.75 ശതമാനം മുതൽ പലിശ ഈടാക്കുന്നു. 5 വർഷത്തേക്ക് 5 ലക്ഷം രൂപ എടുത്താൽ എല്ലാ മാസവും 11,569 രൂപ അടക്കണം.

ആക്സിസ് ബാങ്ക്: ഈ സ്വകാര്യ ബാങ്ക് വ്യക്തിഗത വായ്പകൾക്ക് 9.99 ശതമാനം മുതൽ പലിശ നിരക്ക് ഈടാക്കുന്നു. അഞ്ച് വർഷത്തെ കാലാവധിയിൽ 5 ലക്ഷം വായ്പയെടുത്താൽ ഇഎംഐ 10,621 രൂപയായിരിക്കും.

ഐസിഐസിഐ ബാങ്ക്: ഇവിടെ വ്യക്തിഗത വായ്പകൾക്ക് 10.6 ശതമാനം മുതൽ പലിശ ഈടാക്കുന്നു. അഞ്ച് വർഷത്തേക്ക് 5 ലക്ഷം വായ്പയെടുത്താൽ ഇഎംഐ തുക 10,772 രൂപയായിരിക്കും.

എച്ച്ഡിഎഫ്‌സി ബാങ്ക്: 10.9 ശതമാനം മുതലാണ് ഈ ബാങ്ക് വ്യക്തിഗത വായ്പകളുടെ പലിശ ഈടാക്കുന്നത്. അഞ്ച് വർഷത്തെ കാലാവധിയിൽ 5 ലക്ഷം വായ്പയെടുത്താൽ ഇഎംഐ തുക 10,846 രൂപയായിരിക്കും.

കൊട്ടക് മഹീന്ദ്ര ബാങ്ക്: ഈ ബാങ്ക് വ്യക്തിഗത വായ്പകൾക്ക് 10.99 ശതമാനം മുതലാണ് പലിശ ഈടാക്കുന്നത്. അഞ്ച് വർഷത്തേക്ക് 5 ലക്ഷത്തിൻ്റെ വായ്പയെടുത്താൽ ഇഎംഐ 10,869 രൂപ അടക്കേണ്ടി വരും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.