നിങ്ങൾ ഒരു റിസ്ക്ക് എടുക്കാൻ താത്പര്യമില്ലാത്ത നിക്ഷേപകനാണെങ്കിൽ, സ്ഥിര നിക്ഷേപങ്ങളിൽ പണം നിക്ഷേപിക്കാൻ ആഗ്രഹിക്കുന്നുണ്ടെങ്കിൽ നിരവധി ഓപ്ഷനുകൾ നിങ്ങൾക്ക് മുന്നിലുണ്ട്. ബാങ്ക് ടേം ഡെപ്പോസിറ്റ്, പോസ്റ്റ് ഓഫീസ് ടൈം ഡിപ്പോസിറ്റ്, കോർപ്പറേറ്റ് നിക്ഷേപം എന്നിങ്ങനെ നിക്ഷേപ മാർഗങ്ങൾ നിരവധി. ഓരോ സ്കീമിനും അതിന്റേതായ നേട്ടങ്ങളും കുറവുകളുമുണ്ട്. എന്നാൽ ഉയർന്ന പലിശ നേടുന്നതിനും മൂലധനത്തിന്റെ സുരക്ഷ ഉറപ്പാക്കുന്നതിനും നിരവധി ഘടകങ്ങൾ പരിഗണിക്കേണ്ടതുണ്ട്. സ്ഥിര നിക്ഷേപങ്ങളിൽ (എഫ്ഡി) നിക്ഷേപിക്കുന്നതിന് മുമ്പ് ശ്രദ്ധിക്കേണ്ട ചില ഘടകങ്ങൾ ഇതാ..
കാലാവധി
ഏഴ് ദിവസം മുതൽ 10 വർഷം വരെ വിവിധ കാലാവധികളിലുള്ള എഫ്ഡികൾ ബാങ്കുകൾ വാഗ്ദാനം ചെയ്യുന്നുണ്ട്. കൂടുതൽ കാലാവധിയുള്ള എഫ്ഡിക്ക് ഉയർന്ന പലിശ ലഭിക്കുമെന്ന് കരതേണ്ട. എഫ്ഡികളുടെ പലിശനിരക്കിനെ ബാധിക്കുന്ന വിവിധ ഘടകങ്ങളുണ്ട്. ഈ ഘടകങ്ങൾ ഓരോ ബാങ്കിലും വ്യത്യസ്തമായിരിക്കും. അതിനാൽ നിങ്ങളുടെ ആവശ്യകതയുമായി പൊരുത്തപ്പെടുന്ന പ്രത്യേക കാലയളവിൽ ഏത് ബാങ്കാണ് ഉയർന്ന പലിശ വാഗ്ദാനം ചെയ്യുന്നതെന്ന് അറിയാൻ വിവിധ ബാങ്കുകളിൽ അന്വേഷിക്കുന്നത് നല്ലതാണ്.
ഫിക്സഡ് ഡിപ്പോസിറ്റിന്റെ കാലം കഴിയുന്നു, പകരം ഇനി എന്ത്? കാശ് നിക്ഷേപിക്കേണ്ടത് എവിടെ?
നേരത്തെയുള്ള പിൻവലിക്കൽ
സാധാരണഗതിയിൽ കാലാവധിയ്ക്ക് മുമ്പുള്ള പിൻവലിക്കലിന്, ബാങ്കുകൾ 0.5 മുതൽ 1% വരെ പിഴ ചുമത്തും. എന്നാൽ, ചില ബാങ്കുകൾ കാലാവധിയ്ക്ക് മുമ്പുള്ള പിൻവലിക്കൽ ഇല്ലാതെയാണ് സ്ഥിര നിക്ഷേപം വാഗ്ദാനം ചെയ്യുന്നത്. സാധാരണ എഫ്ഡികളുമായി താരതമ്യപ്പെടുത്തുമ്പോൾ ഈ എഫ്ഡികൾ ഉയർന്ന പലിശയായിരിക്കും വാഗ്ദാനം ചെയ്യുക. മികച്ച വരുമാനം നേടുന്നതിന് നിങ്ങൾക്ക് ഈ എഫ്ഡികൾ തിരഞ്ഞെടുക്കാം.
ചെറുകിട ധനകാര്യ ബാങ്ക് എഫ്ഡി
2016 മുതലാണ് ചെറുകിട ധനകാര്യ ബാങ്കുകൾ പ്രവർത്തനമാരംഭിച്ചു തുടങ്ങിയത്. ഈ ബാങ്കുകൾ മുൻനിര ബാങ്കുകളുമായി താരതമ്യപ്പെടുത്തുമ്പോൾ ഉയർന്ന പലിശനിരക്കാണ് വാഗ്ദാനം ചെയ്യുന്നത്. മെച്ചപ്പെട്ട വരുമാനം ലഭിക്കുന്നതിന് കുറച്ച് തുക ചെറുകിട ധനകാര്യ ബാങ്കുകളിൽ നിക്ഷേപിക്കാവുന്നതാണ്.
സ്വർണമാണോ ഫിക്സഡ് ഡിപ്പോസിറ്റാണോ ഏറ്റവും മികച്ച നിക്ഷേപ മാർഗം?
ബാങ്ക് എഫ്ഡിയുടെ സുരക്ഷ
എല്ലാ ബാങ്ക് നിക്ഷേപങ്ങളും ഡെപ്പോസിറ്റ് ഇൻഷുറൻസ്, ക്രെഡിറ്റ് ഗ്യാരണ്ടി കോർപ്പറേഷൻ (ഡിഐസിജിസി) സ്കീമിന് കീഴിലാണുള്ളത്. ഈ പദ്ധതി നിക്ഷേപകരുടെ ബാങ്ക് നിക്ഷേപത്തിന് ഒരു ലക്ഷം രൂപ വരെ ഇൻഷുറൻസ് വാഗ്ദാനം ചെയ്യുന്നുണ്ട്.
കേരള സർക്കാരിന്റെ കെടിഡിഎഫ്സി ഫിക്സഡ് ഡിപ്പോസിറ്റ്: ഉഗ്രൻ പലിശ, ബാങ്ക് എഫ്ഡിയേക്കാൾ ബെസ്റ്റ്