PM Awas Yojana: വീടില്ലാത്തവർക്കുള്ള സുരക്ഷിത പദ്ധതി; ആർക്കെല്ലാം അപേക്ഷിക്കാം, യോഗ്യത എന്തൊക്കെ?

ഒരു മനുഷ്യായുസ്സിലെ ഏറ്റവും വലിയ ആ​ഗ്രഹമാണ് സ്വന്തമായൊരു വീട്. എല്ലാവർക്കും ഈ ലക്ഷ്യത്തിലേക്ക് എത്താൻ സാധിക്കാറില്ല. രാജ്യത്തെ ജനങ്ങൾക്ക് സുരക്ഷിതവും ഉറപ്പുള്ളതുമായ വീടുകൾ നിർമ്മിക്കുന്നതിന് സാമ്പത്തിക സഹായം നൽകുന്ന പദ്ധതിയാണ് പ്രധാനമന്ത്രി ആവാസ് യോജന ഗ്രാമീൺ (PMAY-G). ​ഗ്രാമവികസന മന്ത്രാലയത്തിനു കീഴിൽ പ്രവർത്തിക്കുന്ന ഈ പദ്ധതി ഇന്ത്യയിലെ ഗ്രാമങ്ങളിൽ സാമ്പത്തികമായി പിന്നാക്കം നിൽക്കുന്ന വിഭാഗക്കാർക്കായി രൂപകൽപ്പന ചെയ്തിരിക്കുന്നു.

അപേക്ഷകൻ്റെ യോ​ഗ്യതകൾ പരിശോധിച്ച ശേഷമായിരിക്കും ഈ പദ്ധതിയുടെ ആനുകൂല്യങ്ങൾ ലഭിക്കുന്നത്. സമതല പ്രദേശങ്ങളിൽ ഒരു കുടുംബത്തിന് 1.2 ലക്ഷം രൂപ വരെയും, കുന്നിൻ പ്രദേശങ്ങളിൽ 1.3 ലക്ഷം രൂപ വരെയും സാമ്പത്തിക സഹായം ഈ പദ്ധതിയിലൂടെ ലഭിക്കും. പ്രധാനമന്ത്രി ആവാസ് യോജന ഗ്രാമീൺ പദ്ധതിയുടെ 2025ലെ ഏറ്റവും പുതിയ ഗുണഭോക്തൃ പട്ടിക കേന്ദ്ര സർക്കാർ ഔദ്യോഗികമായി പുറത്തിറക്കി.

ഈ വർഷം പദ്ധതിയിൽ നിരവധി മാറ്റങ്ങൾ കൊണ്ടു വരുമെന്ന് നേരത്തെ പ്രഖ്യാപിച്ചിരുന്നു. അതിൻ്റെ ഭാ​ഗമായി പ്രധാനമന്ത്രി ആവാസ് യോജന ഗ്രാമീൺ പദ്ധതിയുടെ ശ്രദ്ധേയമായ കാര്യങ്ങൾ അറിയാം;

1) ആവാസ്ആപ്പ്: നിർമ്മാണത്തിലിരിക്കുന്ന വീടിൻ്റെ ലൈവ് സ്റ്റാറ്റസ് പരിശോധിക്കാനും, ജിയോ-ടാഗിംഗ്, പരാതി പരിഹാരം തുടങ്ങിയവക്കെല്ലാം ഉപയോ​ഗിക്കാവുന്ന ഒരു മൊബൈൽ ആപ്പാണിത്.

2) രണ്ടാം ഘട്ട പട്ടിക: മുമ്പ് പട്ടികപ്പെടുത്താത്ത അപേക്ഷകർക്ക് മറ്റൊരു അവസരം വാഗ്ദാനം ചെയ്യാൻ രണ്ടാം ഘട്ടത്തിലൂടെ സാധിക്കും.

3) സംസ്ഥാനാടിസ്ഥാനത്തിലുള്ള സർവേകൾ: അരികുവൽക്കരിക്കപ്പെട്ട സമൂഹങ്ങളുടെ സുതാര്യതയും മറ്റും ഉറപ്പാക്കുന്നതിന് ജില്ലകളിലെ വീടുതോറുമുള്ള പരിശോധനകൾ നടത്തും.

യോഗ്യതയും അപേക്ഷാ പ്രക്രിയയും

• ഒരു ഗ്രാമപ്രദേശത്ത് താമസിക്കുന്നവരായിരിക്കണം
• സ്വന്തമായി ഒരു ഉറപ്പുള്ള വീടില്ലാത്തവർ
• SC/ST, ഒബിസി, ന്യൂനപക്ഷങ്ങൾ, EWS വിഭാഗങ്ങളിൽ പെടുന്നവർ, അല്ലെങ്കിൽ ഭൂരഹിത തൊഴിലാളികൾ എന്നിവർക്കും അപേക്ഷിക്കാം.

നിങ്ങളുടെ ആധാർ കാർഡ്, BPL/SECC രേഖ, ബാങ്ക് വിവരങ്ങൾ പോലുള്ള രേഖകൾ സഹിതം ഔദ്യോ​ഗിക വെബ് പോർട്ടൽ വഴിയോ, ഒരു പൊതു സേവനാ കേന്ദ്രം വഴിയോ പദ്ധതിക്കായി അപേക്ഷിക്കാം. അപേക്ഷാ പ്രക്രിയ പൂർണമായും സൗജന്യമാണ്. ഓരോ വർഷവും അപ്ഡേറ്റ് ചെയ്യുന്ന മുൻഗണനാ പട്ടികയെ അടിസ്ഥാനമാക്കിയാണ് അപേക്ഷകൾ അം​ഗീകരിക്കുന്നത്.

2025ലെ പ്രധാനമന്ത്രി ആവാസ് യോജനയിൽ നിങ്ങളുടെ പേര് പരിശോധിക്കാം

രജിസ്ട്രേഷൻ നമ്പർ ഇല്ലാതെ തന്നെ നിങ്ങൾക്ക് ഓൺലൈനായോ മൊബൈൽ വഴിയോ ​ഗുണഭോക്തൃ ലിസ്റ്റ് പരിശോധിക്കാം. ഔദ്യോഗിക പോർട്ടലിൽ എങ്ങനെ പരിശോധിക്കാമെന്ന് നോക്കാം;

• ഔ​ദ്യോ​ഗിക വെബ്സൈറ്റായ pmayg.nic.in സന്ദർശിക്കുക.
• അതിൽ 'സ്റ്റേക്ക്‌ഹോൾഡേഴ്‌സ്' വിഭാഗത്തിൽ ക്ലിക്ക് ചെയ്‌ത് 'IAY/PMAYG ഗുണഭോക്താവ്' അല്ലെങ്കിൽ 'ബെനിഫിഷ്യറി സെർച്ച്' എന്ന ഓപ്ഷൻ തിരഞ്ഞെടുക്കുക.
• നിങ്ങൾക്ക് ഒരു രജിസ്ട്രേഷൻ നമ്പർ ഇല്ലെങ്കിൽ, 'അഡ്വാൻസ്ഡ് സെർച്ച്' എന്ന ഓപ്ഷൻ തിരഞ്ഞെടുക്കുക.
• ഡ്രോപ്പ്ഡൗൺ മെനുവിൽ നിന്ന് നിങ്ങളുടെ സംസ്ഥാനം, ജില്ല, ബ്ലോക്ക്, ഗ്രാമം എന്നിവ തിരഞ്ഞെടുക്കുക.
• അതിനു ശേഷം കാപ്‌ച നൽകി 'സബ്മിറ്റ്' എന്ന് ക്ലിക്ക് ചെയ്യുക -
• ഇത്രയും പൂർത്തിയായാൽ പൂർണമായ വിവരങ്ങൾ ലഭ്യമാവും.

ഈ വർഷത്തെ ലിസ്റ്റിൽ നിങ്ങളുടെ പേരോ അല്ലെങ്കിൽ നിങ്ങൾക്ക് പരിചയമുള്ളവരുടെ പേരോ ഉണ്ടെങ്കിൽ ഈ മാർ​ഗത്തിലൂടെ അറിയാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.