റിട്ടയർമെന്റ് പ്ലാനിംഗ്: മികച്ച 5 പോസ്റ്റ് ഓഫീസ് നിക്ഷേപ പദ്ധതികൾ

ഉയർന്ന പലിശയും ഉറപ്പായ റിട്ടേൺസുമാണ് പോസ്റ്റ് ഓഫീസ് നിക്ഷേപ പദ്ധതികളെ എന്നും ജനപ്രിയമാക്കുന്നത്. അത്തരത്തിൽ സുരക്ഷിതവും മികച്ച റിട്ടേൺസ് നൽകുന്നവയും ആയ നിരവധി നിക്ഷേപ മാർഗങ്ങൾ ഒരുക്കിയിട്ടുണ്ട്. ഇവയിൽ പലതും സാമ്പത്തിക സുരക്ഷയുള്ള റിട്ടയർമെന്റ് പദ്ധതികൾക്ക് ഏറ്റവും അനുയോജ്യമാണ്. ഭാവിയിലെ സ്ഥിരതയും സുരക്ഷയും ഉറപ്പാകുന്ന പോസ്റ്റ് ഓഫീസ് നിക്ഷേപ പദ്ധതികൾ എന്തോകെ എന്ന് നോക്കാം

പോസ്റ് ഓഫീസ് മന്തിലി ഇൻകം സ്കീം (POMIS) - പോസ്റ് ഓഫീസ് മന്ത്ലി ഇൻകം സ്കീം മുതിർന്ന പൗരന്മാർക്ക് സ്ഥിരമായ വരുമാനം ഉറപ്പാക്കുന്ന ഒരു പദ്ധതിയാണ്. ഏകദേശം 6.6 ശതമാനം പലിശ ( കാലാകാലങ്ങളിൽ മാറ്റം വരാം) ലഭിക്കുന്ന ഈ പദ്ധതി 5 വർഷം കാലാവധി ഉള്ളതാണ്. മാസവും പലിശ ലഭിക്കുന്നതിനാൽ മാർക്കറ്റ് ചേഞ്ചസിനെ ആശങ്കപെടാതെ സ്ഥിരമായ വരുമാനം ലഭിക്കാൻ ഇത് സഹായിക്കും.

സീനിയർ സിറ്റിസൺ സേവിംഗ്സ് സ്കീം (SCSS) - 60 വയസിന് മുകളിൽ ഉള്ളവർക്കായി രൂപകല്പന ചെയ്ത ഈ പദ്ധതി 7.4 ശതമാനം പലിശ( കാലാകാലങ്ങളിൽ മാറ്റം വന്നേക്കാം) വാഗ്ദാനം ചെയുന്നു. 5 വർഷത്തേക്ക് അക്കൗണ്ട് തുറക്കാം. പലിശ മൂന്ന് മാസത്തിൽ ഒരിക്കൽ ലഭിക്കും. അപകട സാധ്യത കുറഞ്ഞ സ്ഥിരമായ വരുമാനം ആഗ്രഹിക്കുന്ന ആളുകൾക്കും നികുതി ആനുകൂല്യങ്ങൾ അവശ്യമായവർക്കും ഇത് ഒരു നല്ല നിക്ഷേപ മാർഗം ആണ്.

പോസ്റ് ഓഫീസ് ടൈം ഡെപ്പോസിറ്റ് (POTD) - ഒരു വർഷം രണ്ട് വർഷം മൂന്ന് വർഷം നാൾ വർഷം അഞ്ച് വർഷം എന്നിങ്ങനെ പല കലാവധികളിൽ ഈ നിക്ഷേപം നടത്താം. പലിശ നിരക്ക് 5.5 ശതമാനം മുതൽ 6.7 ശതമാനം വരെ കാലാവധിയനുസരിച്ച് മാറ്റം വരുന്നു. 5 വർഷത്തെ ടൈം ഡെപ്പോസിറ്റ് പദ്ധതിക്ക് സെക്ഷൻ 80C പ്രകാരമുള്ള ടാക്സ് ആനുകൂല്യവും ലഭിക്കും. അതിനാൽ ദീർഘ കാല വിരമിക്കൽ പദ്ധതിക്ക് ഇത് നല്ലതാണ്.

പബ്ലിക് പ്രൊവിഡന്റ് ഫണ്ട് (PPF) - 7.1 ശതമാനം പലിശ ( കാലാകാലങ്ങളിൽ മാറ്റം വന്നേക്കാം) വാഗ്ദാനം ചെയ്യുന്നു. 15 വർഷം ലോഡ് ഇൻ കാലാവധി ഉള്ളത് കൊണ്ട് ദീർഘ കാല സമ്പത്ത് വളർത്താൻ ഇത് സഹായിക്കുന്നു. കോമ്പൗണ്ട് പലിശയും, ടാക്സ് ഫ്രീ റിട്ടേണുകളും ഉള്ളതിനാൽ സമ്പത്ത് വളർത്താൻ ഉത്തമമാണ്.

പോസ്റ് ഓഫീസ് റിക്യൂറിങ് ഡെപ്പോസിറ്റ് (RD) - ചെറിയ തുകയായി സ്ഥിരമായി നിക്ഷേപിക്കാൻ ആഗ്രഹിക്കുന്നവർക്ക് ആർഡി ഉചിതമാണ്. മാസം 100 രൂപ മുതൽ നിക്ഷേപിക്കാം. 5.8% മുതൽ 6.7% വരെ (കാലാവധി അനുസരിച്ച് മാറ്റം വന്നേക്കാം) ലഭിക്കും. ചെറിയ തുകയായി നിക്ഷേപിച്ച് ഭാവിയിലേക്ക് ഒരു വലിയ തുക സമ്പാദിക്കാൻ ഇത് സഹായിക്കുന്നു.