പോസ്റ്റ് ഓഫീസ് എഫ്ഡി vs എൻ.എസ്.സി; റിട്ടയർമെന്റ് കാലത്തേക്കുള്ള മികച്ച സമ്പാദ്യമേത്? കണക്കുകൾ പറയുന്നതിങ്ങനെ..

അപകട രഹിതമായ നിക്ഷേപ ഓപ്ഷനുകൾ തിരയുന്നവരുടെ ഇഷ്ട തിരഞ്ഞെടുപ്പാണ് പോസ്റ്റ് ഓഫീസ് വാഗ്ദാനം ചെയ്യുന്ന സ്ഥിര നിക്ഷേപ പദ്ധതിയായ ടൈം ഡെപ്പോസിറ്റ് സ്കീമും നാഷ്ണൽ സേവിംഗ്സ് സർട്ടിഫിക്കറ്റ് അഥവ എൻ.എസ്.സിയും. സർക്കാർ പിന്തുണയിലെത്തുന്ന രണ്ട് പദ്ധതികളും ഉയർന്ന റിട്ടേൺസും വാഗ്ദാനം ചെയ്യുന്നു. എന്നാൽ ഇതിൽ തന്നെ ഏത് പദ്ധതിയാണ് മികച്ചതെന്ന കാര്യത്തിൽ സാധാരണക്കാരായ ആളുകൾക്കിടയിൽ സംശയമുണ്ടാകും. രണ്ടും പദ്ധതികളെക്കുറിച്ചുമുള്ള വിശദമായ അവലോകനവും 5, 7 ലക്ഷം രൂപയുടെ നിക്ഷേപത്തിന് രണ്ട് പദ്ധതികളിൽ നിന്നു ലഭിക്കുന്ന റിട്ടേൺസും താരതമ്യം ചെയ്യുകയാണ് ഈ ലേഖനത്തിൽ.

നാഷ്ണൽ സേവിംഗ്സ് സർട്ടിഫിക്കറ്റ് (എൻ.എസ്.സി)

* പലിശ നിരക്ക്: 7.7 ശതമാനം വാർഷിക പലിശയാണ് പദ്ധതി വാഗ്ദാനം ചെയ്യുന്നത്. ഇത് വാർഷിക അടിസ്ഥാനത്തിൽ നിക്ഷേപ മൂലധനത്തോടൊപ്പം കൂട്ടിച്ചേർക്കപ്പെടുകയും മെച്വൂരിറ്റി കാലയളവിന് ശേഷം മൊത്തമായി നിക്ഷേപകന് ലഭിക്കുകയും ചെയ്യുന്നു.

* നിക്ഷേപ പരിധി: 1000 രൂപയാണ് എൻ.എസ്.സിയിലെ കുറഞ്ഞ നിക്ഷേപ പരിധി. 100ന്റെ ഗുണിതങ്ങളായി 1000ന് മുകളിൽ എത്ര രൂപ വേണമെങ്കിലും നിക്ഷേപിക്കാവുന്നതാണ്. പരമാവധി നിക്ഷേപ പരിധിയില്ല.

* നികുതി ആനുകൂല്യങ്ങൾ: ആദായ നികുതി നിയമത്തിന്റെ സെക്ഷൻ 80 സി പ്രകാരം നികുതി ആനുകൂല്യങ്ങൾക്ക് അർഹമാണ് എൻ.എസ്.സി നിക്ഷേപങ്ങൾ

* മെച്വൂരിറ്റി കാലയളവ്: നിക്ഷേപിക്കുന്ന ദിവസം മുതൽ 5 വർഷമാണ് പദ്ധതിയിലെ മെച്വൂരിറ്റി കാലയളവ്

* നേരത്തെയുള്ള പിൻവലിക്കൽ: അക്കൗണ്ട് ഉടമയുടെ മരണം, കോടതി ഉത്തരവ്, അല്ലെങ്കിൽ ഗസറ്റഡ് ഓഫീസറായ ഒരു പണയ കണ്ടുകെട്ടൽ എന്നിവ ഉണ്ടായാൽ മാത്രമേ മെച്വൂരിറ്റി കാലയളവിന് മുൻപുള്ള പിൻവലിക്കൽ അനുവദിക്കൂ.

* പണയം വയ്ക്കൽ: ബാങ്കുകൾ, സഹകരണ സംഘങ്ങൾ, സർക്കാർ സ്ഥാപനങ്ങൾ എന്നിവയ്ക്ക് സെക്യൂരിറ്റിയായി നിക്ഷേപം പണയം വയ്ക്കാം.

എൻ‌എസ്‌സി നിക്ഷേപങ്ങളുടെ കാലാവധി പൂർത്തിയാകുന്ന മൂല്യം

* 5 ലക്ഷം രൂപ അഞ്ച് വർഷം കൊണ്ട് 7,24,517 രൂപയായി വളരുന്നു. പലിശ: ഇനത്തിൽ മാത്രം 2,24,517 രൂപയാണ് ലഭിക്കുന്നത്.

* 7 ലക്ഷം രൂപ അഞ്ച് വർഷത്തെ മെച്വൂരിറ്റി കാലയളവിൽ 10,14,324 രൂപയായി വളരുന്നു. പലിശയായി ലഭിക്കുന്നത് 3,14,324 രൂപയാണ്.

പോസ്റ്റ് ഓഫീസ് എഫ്ഡി (ടൈം ഡെപ്പോസിറ്റ്)

* പലിശ നിരക്ക്: 7.5 ശതമാനം പലിശ നിരക്കാണ് പോസ്റ്റ് ഓഫീസ് എഫ്ഡി നിക്ഷേപകർക്ക് നൽകുന്നത്. ഇത് ഓരോ പാദത്തിലും കണക്കാക്കുകയും വാർഷംതോറും ലഭിക്കുകയും ചെയ്യുന്നു.

* നിക്ഷേപ പരിധി: 1000 രൂപയാണ് പോസ്റ്റ് ഓഫീസ് എഫ്ഡിയിലെ കുറഞ്ഞ നിക്ഷേപ പരിധി. 100ന്റെ ഗുണിതങ്ങളായി 1000ന് മുകളിൽ എത്ര രൂപ വേണമെങ്കിലും നിക്ഷേപിക്കാവുന്നതാണ്. പരമാവധി നിക്ഷേപ പരിധിയില്ല.

* നികുതി ആനുകൂല്യങ്ങൾ: ആദായ നികുതി നിയമത്തിന്റെ സെക്ഷൻ 80 സി പ്രകാരം നികുതി ആനുകൂല്യങ്ങൾക്ക് അർഹമാണ് ഈ നിക്ഷേപവും.

* മെച്വൂരിറ്റി കാലയളവ്: നിക്ഷേപിക്കുന്ന ദിവസം മുതൽ 5 വർഷമാണ് പദ്ധതിയിലെ മെച്വൂരിറ്റി കാലയളവ്. ഇത് നീട്ടാനുള്ള അവസരവും പോസ്റ്റ് ഓഫീസ് വാഗ്ദാനം ചെയ്യുന്നു.

* നേരത്തെയുള്ള പിൻവലിക്കൽ: നിക്ഷേപിച്ച് ആറ് മാസത്തിന് ശേഷം പണം പിൻവലിക്കാൻ പോസ്റ്റ് ഓഫീസ് നിക്ഷേപകരെ അനുവദിക്കുന്നു. പക്ഷെ പലിശ കുറയും.

* പണയം വയ്ക്കൽ: ബാങ്കുകൾ, ധനകാര്യ സ്ഥാപനങ്ങളിൽ സെക്യൂരിറ്റിയായി നിക്ഷേപം പണയം വയ്ക്കാം.

പോസ്റ്റ് ഓഫീസ് 5 വർഷത്തെ സ്ഥിര നിക്ഷേപം പൂർത്തിയാകുന്ന മൂല്യം

* 5 ലക്ഷം രൂപ 5 വർഷ കാലയളവിൽ 7,24,974 രൂപയായി വളരുന്നു. പലിശ ഇനത്തിൽ ലഭിക്കുന്നത് 2,24,974 രൂപയാണ്.

* 7 ലക്ഷം രൂപയാണ് 5 വർഷത്തേയ്ക്ക് നിക്ഷേപിക്കുന്നതെങ്കിൽ ആകെ റിട്ടേൺസ് 10,14,324 രൂപയായി വളരുന്നു. പലിശ ഇനത്തിൽ മാത്രം ലഭിക്കുക 3,14,324 രൂപയായിരിക്കും.

ഏത് നിക്ഷേപ പദ്ധതിയാണ് ഉയർന്ന വരുമാനം നൽകുന്നത്?

5,00,000 രൂപയും 7,00,000 രൂപയും നിക്ഷേപങ്ങൾക്ക്, രണ്ട് സ്കീമുകളും സമാനമായ മെച്യൂരിറ്റി മൂല്യങ്ങൾ നൽകുന്നു, സ്ഥിര നിക്ഷേപം അല്പം മുന്നിലാണ്. എന്നിരുന്നാലും, എൻ‌എസ്‌സി കോമ്പൗണ്ടിംഗ് ആനുകൂല്യങ്ങൾ വാഗ്ദാനം ചെയ്യുന്നു, ഇത് മെച്യൂരിറ്റി തുക വീണ്ടും നിക്ഷേപിക്കുന്നവർക്ക് കൂടുതൽ പ്രയോജനകരമാണ്. കൂടാതെ, എൻ‌എസ്‌സി ആനുകാലിക പേഔട്ടുകൾ വാഗ്ദാനം ചെയ്യുന്നില്ല, അതേസമയം എഫ്‌ഡി വാർഷിക പലിശ പേയ്‌മെന്റുകൾ നൽകുന്നു, ഇത് വാർഷിക വരുമാനം ആഗ്രഹിക്കുന്നവർക്ക് അനുയോജ്യമാക്കുന്നു.

പോസ്റ്റ് ഓഫീസ് എഫ്ഡി vs എൻ.എസ്.സി

* നിങ്ങൾക്ക് കോമ്പൗണ്ടഡ് റിട്ടേണുകൾ ഇഷ്ടമാണെങ്കിൽ, ഇടക്കാല പേഔട്ടുകൾ ആവശ്യമില്ലെങ്കിൽ നാഷ്ണൽ സേവിംഗ്സ് സർട്ടിഫിക്കറ്റ് തിരഞ്ഞെടുക്കുക.

* വാർഷിക പലിശ പേഔട്ടുകൾ ആവശ്യമുണ്ടെങ്കിൽ അല്ലെങ്കിൽ വീണ്ടും നിക്ഷേപിക്കാൻ പദ്ധതിയിടുകയാണെങ്കിൽ പോസ്റ്റ് ഓഫീസ് ഫിക്സഡ് ഡെപ്പോസിറ്റ് (എഫ്ഡി) തിരഞ്ഞെടുക്കുക.

* രണ്ട് ഓപ്ഷനുകളും അപകട സാധ്യതയില്ലാത്ത, സർക്കാർ പിന്തുണയുള്ള റിട്ടേണുകൾ വാഗ്ദാനം ചെയ്യുന്നു, ഇത് സ്ഥിരതയും നികുതി ആനുകൂല്യങ്ങളും ആഗ്രഹിക്കുന്ന യാഥാസ്ഥിതിക നിക്ഷേപകർക്ക് അനുയോജ്യമാക്കുന്നു.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.