Just In
-
-
-
-
Don't Miss
-
ഇത് ശൈലജ ടീച്ചറാണ്: നിപയും കോവിഡും മാത്രമല്ല, കോണ്ഗ്രസും നാടിനാപത്തെന്ന് എം സ്വരാജ് -
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
നിങ്ങള്‍ക്ക് പോസ്റ്റ് ഓഫീസില്‍ അക്കൗണ്ട് ഉണ്ടെങ്കില്‍ ഈ സന്തോഷ വാര്‍ത്ത നിങ്ങള്‍ക്കുള്ളതാണ്. നിക്ഷേപ പദ്ധതികളെക്കുറിച്ചുള്ള പല നിയമങ്ങളിലും പോസ്റ്റ് ഓഫീസ് മാറ്റങ്ങള്‍ വരുത്തിക്കഴിഞ്ഞു. പോസ്റ്റ് ഓഫീസ് സേവിംഗ്സ് സ്‌കീമുകളില്‍ നിന്ന് അക്കൗണ്ട് ഉടമയ്ക്ക് പിന്‍വലിക്കുവാന്‍ സാധിക്കുന്ന തുകയുടെ പരിധിയിലും പോസ്റ്റ് ഓഫീസ് വര്‍ധനവ് വരുത്തിയിട്ടുണ്ട്. ഇതുവഴി പോസ്റ്റ് ഓഫീസ് സേവിംഗ്സ് സ്‌കീമുകള്‍ക്ക് ബാങ്ക് നിക്ഷേപങ്ങളുമായി മത്സരിക്കുവാന്‍ സാധിക്കും. ദീര്‍ഘ കാലാടിസ്ഥാനത്തില്‍ പോസ്റ്റ് ഓഫീസ് നിക്ഷേപങ്ങള്‍ ഉയരുകയും ചെയ്യും.
ദിവസം 20,000 രൂപ വരെ പിന്‍വലിക്കാം
ഇപ്പോള്‍ അക്കൗണ്ട് ഉടമകള്‍ക്ക് ഗ്രാമീണ്‍ ഡാക് സേവ ശാഖയില്‍ നിന്നും ഒരു ദിവസം 20,000 രൂപ വരെ പിന്‍വലിക്കുവാന്‍ സാധിക്കും. നേരത്തേ ഈ പിന്‍വലിക്കല്‍ പരിധി ദിവസം 5,000 രൂപ എന്നതായിരുന്നു. ഇതിന് പുറമേ, ഒരു ശാഖാ പോസ്റ്റ് മാസ്റ്ററും (ബിപിഎം) ഒരു ദിവസം അക്കൗണ്ടില്‍ 50,000 രൂപയ്ക്ക് മുകളിലുള്ള നിക്ഷേപ ഇടപാടുകള്‍ സ്വീകരിക്കുകയില്ല എന്നും പുതിയ നിയമ പ്രകാരം വ്യക്തമാക്കുന്നു. അതായത് ഒരു അക്കൗണ്ടില്‍ ഒരു ദിവസം 50,000 രൂപയ്ക്ക് മുകളിലുള്ള പണ ഇടപാടുകള്‍ സാധ്യമല്ല എന്നര്‍ഥം.
പിന്‍വലിക്കലും നിക്ഷേപവും നിശ്ചിത ഫോറത്തിലൂടെ മാത്രം
പിപിഎഫ്, കെവിപി, എന്‍എസ്‌സി നിയമങ്ങളിലും മാറ്റം വന്നിട്ടുണ്ട്. പുതിയ നിയമ പ്രകാരം, സേവിംഗ്സ് അക്കൗണ്ടുകള്‍ക്ക് പുറമേ, പബ്ലിക് പ്രൊവിഡന്റ് ഫണ്ട് (പിപിഎഫ്), സീനിയര്‍ സിറ്റിസണ്‍ സേവിംഗ്സ് സ്‌കീം (എസ്‌സിഎസ്എസ്), മന്ത്‌ലി ഇന്‍കം സ്‌കീം (എംഐഎസ്), കിസാന്‍ വികാസ് പത്ര (കെവിപി), നാഷണല്‍ സേവിംഗ്സ് സര്‍ട്ടിഫിക്കറ്റ് (എന്‍എസ്‌സി) പദ്ധതികള്‍ക്കും ചെക്ക് നിക്ഷേപങ്ങള്‍ സാധ്യമാണ്. നിശ്ചിത ഫോറത്തിലൂടെ മാത്രമേ തുകയുടെ പിന്‍വലിക്കലും നിക്ഷേപവും സാധ്യമാവുകയുള്ളൂ.
അക്കൗണ്ട് മെയിന്റനന്‍സ് ചാര്‍ജ്
പോസ്റ്റ് ഓഫീസ് സേവിംഗ്സ് സ്‌കീമുകളില്‍ നിന്നും നിക്ഷേപകര്‍ക്ക് ലഭിക്കുന്ന പലിശ നിരക്ക് 4 ശതമാനമാണ്. പോസ്റ്റ് ഓഫീസില്‍ ആരംഭിക്കുന്ന സേവിംഗ്സ് അക്കൗണ്ടുകളില്‍ മിനിമം ബാലന്‍സ് തുകയായി 500 രൂപ നിലനിര്‍ത്തുകയും വേണം. ഇനി നിങ്ങളുടെ അക്കൗണ്ടിലുള്ള തുക 500 രൂപയ്ക്ക് താഴെയാണെങ്കില്‍ അക്കൗണ്ട് മെയിന്റനന്‍സ് ചാര്‍ജായി 100 രൂപ ഈടാക്കുന്നതാണ്.
വിവിധ പ്ലാനുകള്‍
പോസ്റ്റ് ഓഫീസ് സേവിംഗ്സ് അക്കൗണ്ട്, 5 വര്‍ഷ കാലാവധിയുള്ള പോസ്റ്റ് ഓഫീസ് റെക്കറിംഗ് ഡെപ്പോസിറ്റ് അക്കൗണ്ട്. പോസ്റ്റ് ഓഫീസ് ഫിക്‌സ്ഡ് ഡിപ്പോസിറ്റ് അക്കൗണ്ട്, പോസ്റ്റ് ഓഫീസ് മന്ത്‌ലി ഇന്‍കം സ്‌കീം അക്കൗണ്ട്, സീനിയര്‍ സിറ്റിസണ്‍ സേവിംഗ്സ് സ്‌കീം, 15 വര്‍ഷ കാലയളവുള്ള പബ്ലിക് പ്രൊവിഡന്റ് ഫണ്ട് അക്കൗണ്ട്, സുകന്യ സമൃദ്ധി അക്കൗണ്ട്, നാഷണല്‍ സേവിംഗ്സ് സര്‍ട്ടിഫിക്കറ്റ്, കിസാന്‍ വികാസ് പത്ര എന്നിങ്ങനെയാണ് പോസ്റ്റ് ഓഫീസ് നിക്ഷേപകര്‍ക്കായി വാഗ്ദാനം ചെയ്യുന്ന വിവിധ പ്ലാനുകള്‍.
നിരവധി സേവിംഗ്സ് സ്‌കീമുകള്‍
തപാല്‍ വകുപ്പ് ഒരാള്‍ക്ക് തിരഞ്ഞെടുക്കാവുന്ന പ്രയോജനകരമായ നിരവധി സേവിംഗ്സ് സ്‌കീമുകള്‍ വാഗ്ദാനം ചെയ്യുന്നുണ്ട്. പോസ്റ്റോഫീസുകള്‍ക്ക് കീഴിലുള്ള സേവിംഗ് സ്‌കീമുകളില്‍ ചേരുന്നതും വളരെയെളുപ്പമാണ്. ഇത് ഗ്രാമീണ, നഗര നിക്ഷേപകര്‍ക്ക് ഏറ്റവും അനുയോജ്യമായ ഒരു നിക്ഷേപ മാര്‍ഗമാണ്. മാന്യമായ സ്ഥിര വരുമാനവും റിസ്‌ക് എടുക്കാന്‍ താത്പര്യം കുറഞ്ഞ വ്യക്തിയുമാണ് നിങ്ങളെങ്കില്‍ പോസ്റ്റ് ഓഫീസ് നിക്ഷേപങ്ങള്‍ തന്നെ നിങ്ങള്‍ക്ക് തിരഞ്ഞെടുക്കാം.
പോസ്റ്റ് ഓഫീസ് നിക്ഷേപങ്ങളുടെ പലിശ നിരക്ക്
പോസ്റ്റ് ഓഫീസ് സേവിംഗ്സ് അക്കൗണ്ട് 4.0 ശതമാനം
1 വര്‍ഷത്തെ ടിഡി അക്കൗണ്ട് 5.5 ശതമാനം,
2 വര്‍ഷത്തെ ടൈം ഡെപ്പോസിറ്റ് 5.5 ശതമാനം
5 വര്‍ഷത്തെ ടൈം ഡെപ്പോസിറ്റ് 6.7 ശതമാനം
5 വര്‍ഷ റെക്കറിംഗ്് നിക്ഷേപങ്ങള്‍ 5.8 ശതമാനം
സീനിയര്‍ സിറ്റിസണ്‍ സേവിംഗ്സ് സ്‌കീം 7.4 ശതമാനം
പിപിഎഫ് നിക്ഷേപം 7.1 ശതമാനം
കിസ്സാന്‍ വികാസ് പത്ര - 6.9 ശതമാനം
സുകന്യ സമൃദ്ധി അക്കൗണ്ട് 7.6 ശതമാനം
