100 രൂപയിൽ തുടങ്ങാം, ഈ തുകയുണ്ടെങ്കിൽ 1 ലക്ഷം പലിശ ലഭിക്കും, ഇതാണ് പോസ്റ്റ് ഓഫീസ് പദ്ധതി

ഉറപ്പായ വരുമാനമുള്ള സ്ഥിരവും അച്ചടക്കമുള്ളതുമായ നിക്ഷേപങ്ങൾ ആഗ്രഹിക്കുന്ന വ്യക്തികൾക്ക് ഏറ്റവും നല്ലത് പോസ്റ്റ് ഓഫീസ് ആർ‌ഡി സ്കീം. കേന്ദ്രസർക്കാർ പിന്തുണയുള്ളത് കൊണ്ടുതന്നെ നിക്ഷേപിക്കുന്ന തുകയും സുരക്ഷ, ഉറപ്പായ പലിശ എന്നിവ പോസ്റ്റ് ഓഫീസ് ആർഡി വാഗ്ധാനം ചെയ്യുന്നു. പദ്ധതിയുടെ കൂടുതൽ വിശദാംശങ്ങൾ നമുക്ക് നോക്കാം.

പോസ്റ്റ് ഓഫീസ് ആർഡി

റിക്കറിംഗ് ഡെപ്പോസിറ്റ്, ഒരു തരം സേവിംഗ്സ് സ്കീമാണ്. അവിടെ ഓരോ മാസവും ഒരു നിശ്ചിത തുക പോസ്റ്റ് ഓഫീസിൽ നിക്ഷേപിക്കുന്നു. കാലക്രമേണ, ഈ തുക പലിശയോടൊപ്പം വളരുന്നു കാലാവധി പൂർത്തിയാകുമ്പോൾ ഒരു വലിയ തുക തിരികെ ലഭിക്കുന്നു. നിലവിൽ 6.7 ശതമാനം പലിശയാണ് പോസ്റ്റ് ഓഫീസ് ആർഡി വാഗ്ധാനം ചെയ്യുന്നത്. 5 വർഷമാണ് നിക്ഷേപത്തിന്‍റെ കാലാവധി. എന്നാൽ കാലാവധി പൂർത്തിയാകുമ്പോൾ അക്കൗണ്ട് മറ്റൊരു അഞ്ച് വർഷത്തേക്ക് നീട്ടാം അല്ലെങ്കിൽ കൂടുതൽ നിക്ഷേപങ്ങളില്ലാതെ അഞ്ച് വർഷം വരെ നിലനിർത്താനും സാധിക്കും.

അക്കൗണ്ട് തുറക്കാം

പ്രായപൂർത്തിയായ ഇന്ത്യയിൽ താമസിക്കുന്ന ആർക്കും പോസ്റ്റ് ഓഫീസ് ആർഡി അക്കൗണ്ട് തുറക്കാൻ യോഗ്യതയുണ്ട്. ഒറ്റയ്ക്കോ സംയുക്തമായോ ആർഡി അക്കൗണ്ട് തുറക്കാം. പ്രായപൂർത്തിയാകാത്തവർക്കോ മാനസികാവസ്ഥ മോശമായവർക്കോ വേണ്ടി രക്ഷകർത്താക്കൾക്കും പദ്ധതിയുടെ ഭാഗമാകാം. ഒരു ആർ‌ഡി അക്കൗണ്ട് തുറക്കാൻ, നിങ്ങൾക്ക് ആധാർ, പാൻ കാർഡ്, ഒരു പാസ്‌പോർട്ട് സൈസ് ഫോട്ടോ എന്നിവ ആവശ്യമാണ്. പ്രതിമാസം നിക്ഷേപം മുടങ്ങാതെ നടത്തണം. ഷെഡ്യൂൾ ചെയ്ത നിക്ഷേപം നഷ്ടപ്പെട്ടാൽ പിഴ ഈടാക്കുന്നു. അതുകൊണ്ടുതന്നെ നിക്ഷേപം മുടങ്ങാതിരിക്കാൻ പ്രത്യേകം ശ്രദ്ധിക്കണം.

പരമാവധി നിക്ഷേപം

പ്രതിമാസം കുറഞ്ഞത് 100 രൂപ നിക്ഷേപിക്കണം. അതേസമയം പരമാവധി നിക്ഷേപത്തിന് പരിധിയില്ല. തുകകൾ 10 രൂപയുടെ ഗുണിതങ്ങളായിരിക്കണം. നാല് മാസ തവണകൾ വരെ തിരിച്ചടയ്ക്കാൻ കഴിയാതെ വന്നാൽ അക്കൗണ്ട് നിർത്തലാക്കപ്പെടും. എന്നിരുന്നാലും നാലാമത്തെ വീഴ്ചയ്ക്ക് ശേഷം രണ്ട് മാസത്തിനുള്ളിൽ അക്കൗണ്ട് പുനരുജ്ജീവിപ്പിക്കൽ അനുവദനീയമാണ്. എന്നാൽ ചെറിയ പിഴ തുക നൽകേണ്ടി വരും.

അക്കൗണ്ട് ആരംഭിച്ച് മൂന്ന് വർഷത്തിന് ശേഷം അക്കൗണ്ടുകൾ അവസാനിപ്പിക്കാം. എന്നാൽ നേരത്തെ അക്കൗണ്ട് അവസാനിപ്പുക്കുമ്പോൾ പോസ്റ്റ് ഓഫീസ് സേവിംഗ്സ് അക്കൗണ്ട് പലിശ നിരക്ക് മാത്രമേ ലഭിക്കൂ.നിക്ഷേപകന്‍റെ മരണത്തിൽ, നോമിനികൾക്കോ ​​നിയമപരമായ അവകാശികൾക്കോ ​​ബാക്കി തുക ക്ലെയിം ചെയ്യാം. അല്ലെങ്കിൽ ഉടമസ്ഥാവകാശം അവരുടെ പേരിലേക്ക് മാറ്റിയ ശേഷം കാലാവധി പൂർത്തിയാകുന്നതുവരെ അക്കൗണ്ട് തുടരാം.

1 ലക്ഷം രൂപ പലിശ

നിങ്ങൾ അഞ്ച് വർഷത്തേക്ക് പ്രതിമാസം 10,000 രൂപ നിക്ഷേപിക്കുകയാണെങ്കിൽ, നിങ്ങൾക്ക് കാലാവധി പൂർത്തിയാകുമ്പോൾ 7,13,659 രൂപ ലഭിക്കും. ഇതിൽ നിങ്ങളുടെ ആകെ നിക്ഷേപമായ 6 ലക്ഷം രൂപയും പലിശ 1,13,659 രൂപയും ഉൾപ്പെടുന്നു, ഇതിൽ പലിശ ത്രൈമാസികമായി ചേർക്കുന്നു.

രാജ്യത്തുടനീളം വ്യാപിച്ചു കിടക്കുന്ന ഇന്ത്യ പോസ്റ്റ് നെറ്റ്‌വര്‍ക്ക് ഉപയോക്താക്കള്‍ക്കു നേട്ടമാണ്. പ്രത്യേകിച്ച ജോലി ചെയ്യുന്നവര്‍ക്ക് സ്ഥലമാറ്റ സാഹചര്യങ്ങളില്‍ കാര്യങ്ങള്‍ എളുപ്പമാക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.