മുതിർന്ന പൗരനാണോ..? എല്ലാ മാസവും 20,000 രൂപ സമ്പാദിക്കാം, ഈ പോസ്റ്റ് ഓഫീസ് പദ്ധതിയിൽ ചേരൂ...

ജോലിയിൽ നിന്നും വിരമിക്കുമ്പോൾ പലരുടേയും ആശങ്ക വിരമിക്കൽ ജീവിതത്തിലെ സാമ്പത്തിക സുരക്ഷയെ പറ്റിയാണ്. പെൻഷൻ അനിശ്ചിതത്വങ്ങൾ, വിപണിയിലെ ചാഞ്ചാട്ടങ്ങൾ, ജീവിതച്ചെലവ് വർദ്ധിക്കുന്നത് എന്നിവ പലപ്പോഴും മുതിർന്ന പൗരന്മാരെ ജോലിക്ക് ശേഷമുള്ള ജീവിതത്തെക്കുറിച്ച് ഉത്കണ്ഠാകുലരാക്കുന്നു. എന്നാൽ ഈ ആശങ്ക വളരെ എളുപ്പത്തിൽ പരിഹരിക്കാനാകും. അതിന് ബുദ്ധിപൂർവ്വം പോസ്റ്റ് ഓഫീസ് നിക്ഷേപം തിരഞ്ഞെടുത്താൽ മതി. പോസ്റ്റ് ഓഫീസ് വളരെക്കാലമായി മുതിർന്ന പൗരന്മാർക്കായി മികച്ച സുരക്ഷയുടെ സാമ്പത്തിക നിക്ഷേപ പദ്ധതികൾ വാഗ്ധാനം ചെയ്യുന്നുണ്ട്. ഏതാണ് നിക്ഷേപ പദ്ധതിയെന്നാണോ ആലോചിക്കുന്നത്. മറ്റൊന്നുമല്ല സീനിയർ സിറ്റിസൺസ് സേവിംഗ്സ് സ്കീം (SCSS) ആണ് ആ പദ്ധതി.

സീനിയർ സിറ്റിസൺസ് സേവിംഗ്സ് സ്കീം (SCSS)

60 വയസും അതിൽ കൂടുതലുമുള്ള വ്യക്തികൾക്കായി രൂപകൽപ്പന ചെയ്ത ഈ സാമ്പത്തിക നിക്ഷേപ പദ്ധതി മുതിർന്ന പൌരന്മാർക്ക് പ്രതിമാസം 20,500 രൂപ വരെ വരുമാനം ലഭിക്കാൻ സഹായിക്കുന്നു. ഓരോ പാദത്തിലും പലിശ നിരക്ക് പരിഷ്‌കരിക്കുമെങ്കിലും, നിലവില്‍ 8.2% പലിശ നിരക്കാണ് ഈ പദ്ധതി നല്‍കുന്നത്. അഞ്ച് വർഷമാണ് നിക്ഷേപ കാലാവധി. എന്നാൽ ആവശ്യമെങ്കിൽ മൂന്ന് വര്‍ഷത്തേക്ക് കൂടി നീട്ടാനുള്ള സൗകര്യവുമുണ്ട്.

മുമ്പ് ഒരു നിക്ഷേപകന് 15 ലക്ഷം രൂപയായി പരിമിതപ്പെടുത്തിയിരുന്ന ഈ പദ്ധതി ഇപ്പോൾ പരമാവധി 30 ലക്ഷം രൂപ നിക്ഷേപിക്കാൻ അനുവദിക്കുന്നു, ഇത് മുതിർന്ന പൗരന്മാർക്ക് ആനുപാതികമായി അവരുടെ വരുമാനം വർദ്ധിപ്പിക്കാൻ അനുവദിക്കുന്നു. ആധാർ, പാൻ കാർഡ് എന്നിവയുൾപ്പെടെയുള്ള തിരിച്ചറിയൽ രേഖകൾ ഉപയോഗിച്ച് ഏത് പോസ്റ്റ് ഓഫീസിലോ അംഗീകൃത ബാങ്കിലോ അക്കൗണ്ട് തുറക്കാം. നിക്ഷേപിക്കുന്ന തുകയ്ക്ക് നികുതിയില്ല. എന്നാൽ ലഭിക്കുന്ന പലിശ നികുതിക്ക് വിധേയമാണ്.

സുരക്ഷ, മികച്ച പലിശ

കേന്ദ്രസർക്കാർ പിന്തുണയുള്ളത് കൊണ്ടുതന്നെ പോസ്റ്റ് ഓഫീസ് നിക്ഷേപങ്ങൾ സുരക്ഷതമാണ്. അതോടൊപ്പം മികച്ച പലിശയും നേടാം. ഒരുപക്ഷെ രാജ്യത്തെ ബാങ്ക് സ്ഥിര നിക്ഷേപത്തേക്കാൾ പലിശ സീനിയർ സിറ്റിസൺസ് സേവിംഗ്സ് സ്കീം വാഗ്ധാനം ചെയ്യുന്നുണ്ട്. എസ്ബിഐ, ഐ.സി.ഐ.സി.ഐ. ബാങ്ക്, കാനറ ബാങ്ക് തുടങ്ങി പൊതുമേഖലാ-സ്വകാര്യ മേഖലാ ബാങ്കുകൾ നൽകുന്നതിനേക്കാൾ ഉയർന്നതാണ് സീനിയർ സിറ്റിസൺസ് സേവിംഗ്സ് സ്കീമിന്‍റെ പലിശ. ലക്ഷക്കണക്കിന് മുതിർന്ന പൗരന്മാർ ഇതിനകം തന്നെ ഈ പദ്ധതി പ്രയോജനപ്പെടുത്തുന്നതിനാൽ, ഇന്ത്യയിലെ വിരമിക്കൽ ആസൂത്രണത്തിലെ പ്രധാനിയായ എസ്സിഎസ്എസ് തുടരുന്നു.

പ്രതിമാസം 20,050 രൂപ ഉറപ്പാക്കാം

നിങ്ങൾ 30 ലക്ഷം രൂപയാണ് സിംഗിൾ അക്കൗണ്ടിൽ നിക്ഷേപിക്കുന്നതെങ്കിൽ 8.2 ശതമാനം വാർഷിക പലിശ നിരക്ക് അനുസരിച്ച് ഓരോ പാദത്തിലും 60,150 രൂപ പലിശയായി മാത്രം ലഭിക്കുന്നു. അങ്ങനെ വരുമ്പോൾ പ്രതിമാസ വരുമാനം 20,050 രൂപയായിരിക്കും. നിക്ഷേപം തുടങ്ങി ഒരു വര്‍ഷത്തിനകം പലിശയില്ലാതെയും ഒരു വര്‍ഷത്തിനു ശേഷം 1.5% കിഴിവോടെയും രണ്ട് വര്‍ഷത്തിനു ശേഷം 1% കിഴിവോടെയും നിങ്ങൾക്ക് ആവശ്യമെങ്കിൽ ഈ തുക പിന്‍വലിക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.