പോസ്റ്റ് ഓഫീസ് സ്കീമുകളിൽ പരിഷ്കാരം: ഈ അക്കൗണ്ടുകൾ തുറക്കാൻ ഇനി മുതൽ ആധാർ കാർഡ് വേണം

പോസ്റ്റ് ഓഫീസിൻ്റെ ചെറുകിട സമ്പാദ്യ പദ്ധതികളായ റിക്കറിം​ഗ് ഡെപ്പോസിറ്റ്, പിപിഎഫ് അഥവാ പബ്ലിക് പ്രൊവിഡന്റ് ഫണ്ട് എന്നീ സ്കീമുകളിൽ അക്കൗണ്ട് തുറക്കുന്നത് ഇനി മുതൽ കൂടുതൽ എളുപ്പമാവുന്നു. അതായത് നിങ്ങൾക്ക് ആധാർ ബയോമെട്രിക്സ് വഴി ഇ-കെവൈസിയിലൂടെ ഈ അക്കൗണ്ടുകൾ തുറക്കാനും, സ്കീമിലെ നേട്ടത്തിൽ എളുപ്പത്തിൽ ഉറപ്പാക്കാനും സാധിക്കും.

പോസ്റ്റ് ഓഫീസിൽ പോയി അനാവശ്യമായി ചിലവഴിക്കുന്ന സമയം ഈ പുതിയ സേവനത്തിലൂടെ ഒഴിവാക്കാം. നേരത്തെ, ഇ-കെവൈസി ഡിജിറ്റൽ സൗകര്യം പ്രതിമാസ വരുമാന പദ്ധതി (എംഐഎസ്), ടൈം ഡെപ്പോസിറ്റ് (ടിഡി), കിസാൻ വികാസ് പത്ര (കെവിപി), നാഷണൽ സേവിംഗ്സ് സർട്ടിഫിക്കറ്റ് (എൻഎസ്‌സി) എന്നിവകൾക്ക് മാത്രമായിരുന്നു.

പുതിയ ആധാർ ബയോമെട്രിക് ഇ-കെവൈസി സേവനം

ഇന്ത്യാ പോസ്റ്റിന്റെ ബാങ്കിംഗ് സൗകര്യമുള്ള ശാഖകളിലെ എല്ലാ ചെറുകിട സമ്പാദ്യ സ്കീമുകളെയും ഇ-കെവൈസി ഡിജിറ്റൽ സൗകര്യത്തിൽ ഉൾപ്പെടുത്തും. എന്നാൽ തുടക്കത്തിൽ ആർഡി, പിപിഎഫ് പദ്ധതികളിൽ ശ്രദ്ധ കേന്ദ്രീകരിക്കും. 2025 ജനുവരിയിൽ, പോസ്റ്റ് ഓഫീസ് അക്കൗണ്ടുകൾ തുറക്കുന്നതിനുള്ള പുതിയ ഉപഭോക്താക്കൾക്ക് ആധാർ അധിഷ്ഠിത ഇ-കെവൈസി സൗകര്യം ആരംഭിച്ചു. പ്രതിമാസ വരുമാന പദ്ധതി, ടൈം ഡെപ്പോസിറ്റ്, കിസാൻ വികാസ് പത്ര, നാഷണൽ സേവിംഗ്സ് സർട്ടിഫിക്കറ്റുകൾ തുടങ്ങിയ ജനപ്രിയ സമ്പാദ്യ പദ്ധതികൾക്കും പോസ്റ്റൽ വകുപ്പ് അടുത്തിടെ ഇ-കെവൈസി സൗകര്യം നൽകി.

ആധാർ ഇ-കെവൈസി വഴി ആർ‌ഡി, പി‌പി‌എഫ് അക്കൗണ്ടുകൾക്ക് കിഴിൽ വിവിധ സേവനങ്ങൾ ഉറപ്പാക്കാൻ സാധിക്കുന്നു. ഓരോന്നും വിശദമായി അറിയാം;

2025 ജൂൺ 27 മുതൽ പ്രാബല്യത്തിൽ വന്ന ഇന്ത്യാ പോസ്റ്റിന്റെ കോർ ബാങ്കിംഗ് സൊല്യൂഷൻ (സിബിഎസ്) പ്രകാരം, പോസ്റ്റ് ഓഫീസുകളിൽ ആളുകൾക്ക് ആധാർ അടിസ്ഥാനമാക്കിയുള്ള ബയോമെട്രിക് ഇ-കെവൈസി ഉപയോഗിക്കാം.

ആർ‌ഡി, പി‌പി‌എഫ് വായ്പകൾ തുറക്കുന്നതിനു പുറമേ, ആളുകൾക്ക് ആർ‌ഡി, പി‌പി‌എഫ് അക്കൗണ്ടുകളിലൂടെ വായ്പകൾ തിരിച്ചടയ്ക്കാനും പരിധിയില്ലാതെ തുക പിൻവലിക്കാനും കഴിയും. പോസ്റ്റ് ഓഫീസുകളിൽ ആധാർ ബയോമെട്രിക് ഉപയോഗിച്ച് ഈ കാര്യങ്ങൾ ചെയ്യാം.

2025 ജൂലൈ മുതൽ സെപ്റ്റംബർ വരെയുള്ള പാദത്തിലെ ചെറുകിട സമ്പാദ്യ പദ്ധതികളുടെ ഏറ്റവും പുതിയ പലിശ നിരക്കുകൾ പ്രഖ്യാപിച്ചു. നിലവിൽ കാര്യമായ മാറ്റങ്ങളൊന്നും പലിശ നിരക്കിൽ ഇല്ല. കൂടാതെ അക്കൗണ്ട് ക്ലോഷർ, നോമിനേഷൻ മാറ്റങ്ങൾ, അക്കൗണ്ട് ട്രാൻസ്ഫറുകൾ എന്നിവയെല്ലാം ഇ-കെവൈസിയിലൂടെ പൂർത്തിയാക്കാനുള്ള ശ്രമങ്ങളും നടക്കുന്നുണ്ട്.

മാസ്ക് ചെയ്ത ആധാർ കാർഡ്

ഇ-കെവൈസി ഇടപാടുകൾ നടത്തുമ്പോൾ ഉപഭോക്താക്കളിൽ നിന്ന് ലഭിക്കുന്ന എല്ലാ അക്കൗണ്ട് തുറക്കൽ ഫോമുകളിലും മറ്റ് രേഖകളിലും ആധാർ നമ്പറുകൾ പൂർണമായും ദൃശ്യമാവില്ല. അവ മാസ്ക്ഡ് രൂപത്തിലായിരിക്കും. ആധാർ നമ്പറിന്റെ ആദ്യത്തെ എട്ട് അക്കങ്ങൾ കറുത്ത മഷി ഉപയോഗിച്ച് മറച്ചിട്ടുണ്ടെന്ന് പോസ്റ്റ് മാസ്റ്റർ ഉറപ്പാക്കും.

"എല്ലാ പോസ്റ്റ് ഓഫീസുകളും സിബിഎസ്-സിപിസികളും നിലവിലുള്ള എല്ലാ രേഖകളിലും ആധാർ നമ്പർ മാസ്ക് ചെയ്തിട്ടുണ്ടെന്ന് ഉറപ്പാക്കണം, അതിൽ ആധാറിന്റെ പകർപ്പ് ഉൾപ്പെടെ ആധാർ നമ്പർ അടങ്ങിയിരിക്കുന്നു," ഉത്തരവിൽ പറയുന്നു.

പേ-ഇൻ-സ്ലിപ്പ് ഇല്ല

ഇ-കെവൈസി വഴി ആർ‌ഡി, പി‌പി‌എഫ്, ആർ‌ഡി ലോൺ അക്കൗണ്ടുകളിലെ ക്രെഡിറ്റ് അല്ലെങ്കിൽ ഡെബിറ്റ് ഇടപാടുകൾക്ക് നിക്ഷേപകർക്ക് പേ-ഇൻ സ്ലിപ്പ് ആവശ്യമില്ല. കാരണം നിങ്ങൾ ഇതിനകം ആധാർ ബയോമെട്രിക് സേവനത്തിലൂടെ അക്കൗണ്ടുകൾ കൈകാര്യം ചെയ്യുന്നുണ്ടായിരിക്കും. അതിനാൽ ഇടപാടുകൾക്ക് സ്ലിപ്പ് വേണമെന്ന് നിർ‌ബന്ധമില്ല.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.