12,000 രൂപ നിക്ഷേപിച്ചാൽ പി.പി.എഫിലൂടെ 98 ലക്ഷം വരെ സമ്പാദിക്കാം; എത്ര വർഷം കൊണ്ട് ലാഭം നേടാം?

സുരക്ഷിതമായി നിക്ഷേപിക്കാൻ ആ​ഗ്രഹിക്കുന്നവർക്ക് ഒരു മികച്ച നിക്ഷേപ മാർ​ഗമാണ് പി.പി.എഫ് അഥവാ പബ്ലിക്ക് പ്രൊവിഡൻ്റ് ഫണ്ട് സ്കീം. ഇത് പോസ്റ്റ് ഓഫീസ് വഴി അപേക്ഷിക്കാൻ സാധിക്കും. സർക്കാർ പിന്തുണയുള്ള പദ്ധതിയായതിനാൽ പൂർണമായും അപകടരഹിതമായിരിക്കും. മാത്രമല്ല ഇതൊരു ദീർഘകാല നിക്ഷേപമെന്ന നിലയിൽ വിലയ തുക സമ്പാദിക്കാനും സാധിക്കും.

പി.പി.എഫിൻ്റെ ഏറ്റവും വലിയ സവിശേഷത നികുതി ആനുകൂല്യങ്ങളും ഉറപ്പായ വരുമാനവുമാണ്. അതിനാൽ മികച്ച നേട്ടം ഉറപ്പായും ലഭിക്കും. നിങ്ങൾക്ക് ആകെ ഒരു പി.പി.എഫ് അക്കൗണ്ട് മാത്രമേ തുറക്കാൻ സാധിക്കു. പോസ്റ്റ് ഓഫീസിനു പുറമേ ബാങ്കിലും അക്കൗണ്ട് ആരംഭിക്കാം. പി.പി.എഫിലെ ഏറ്റവും കുറഞ്ഞ നിക്ഷേപ തുക ഒരു സാമ്പത്തിക വർഷത്തിൽ കുറഞ്ഞത് 500 രൂപയും പരമാവധി 1.50 ലക്ഷം രൂപയുമാണ്.

പി.പി.എഫ് നിക്ഷേപത്തിൻ്റെ കാലാവധി എത്രയാണ്?

നിക്ഷേപം ആരംഭിച്ച് 15 വർഷങ്ങൾക്ക് ശേഷം മാത്രമേ അക്കൗണ്ടിൻ്റെ കാലാവധി പൂർത്തിയാകുള്ളൂ. കാലാവധി പൂർത്തിയാൽ ആവശ്യമെങ്കിൽ കാലാവധി നീട്ടാൻ സാധിക്കും. അത് 5 വർഷത്തെ ഓരോ ബ്ലോക്കായിട്ട് നീട്ടാം. ഇതിനായി കാലാവധി പൂർത്തിയാവുന്നതിനു ഒരു വർഷം മുന്നേ അപേക്ഷിക്കാവുന്നതാണ്.

പി.പി.എഫ് എങ്ങനെയെല്ലാം പിൻവലിക്കാം?

കാലാവധി പൂർത്തിയാവുന്നതിനു മുന്നേ നിങ്ങളുടെ പി.പി.എഫ് അക്കൗണ്ടിൽ നിന്ന് പണം പിൻവലിക്കാം. എന്നാൽ ആദ്യത്തെ വർഷങ്ങളിൽ അത് എളുപ്പമല്ല. നിക്ഷേപം ആരംഭിച്ച് 5 വർഷത്തിനുശേഷം മാത്രമേ ഇത്തരത്തിൽ പണം പിൻവലിക്കാൻ അനുവാദമുള്ളൂ. ബാലൻസിന്റെ 50 ശതമാനം വരെ പിൻവലിക്കാൻ സാധിക്കും.

പി.പി.എഫിൻ്റെ നേട്ടങ്ങൾ ഇതെല്ലാമാണ്. എങ്കിൽ 3,000 രൂപ, 6,000 രൂപ, 12,000 രൂപ എന്നിങ്ങനെ ഓരോ മാസവും ലാഭിച്ച് പി.പി.എഫിൽ നിക്ഷേപിച്ചാൽ 25 വർഷത്തിനുള്ളിൽ നിങ്ങളുടെ വരുമാനം എത്രയാവും? ഇവിടെ 15 വർഷത്തിനു ശേഷം 2 തവണ കാലാവധി നീട്ടിയാൽ 25 വർഷം വരെ നിക്ഷേപിക്കാം. മാത്രമല്ല 7.1 ശതമാനം പലിശ നിരക്കിൽ കണക്കാക്കിയാൽ ലാഭം എത്ര പ്രതീക്ഷിക്കാം? വിശദമായി മനസിലാക്കാം;

പ്രതിമാസം 3,000 രൂപ ലാഭിച്ചാൽ പി.പി.എഫ് കോർപ്പസ് എത്രയായിരിക്കും?

എല്ലാ മാസവും 3,000 രൂപ ലാഭിച്ചാൽ വാർഷിക നിക്ഷേപം 36,000 രൂപയാവും. അതായത് പി.പി.എഫിൽ വാർഷിക കണക്കിലാണ് നിക്ഷേപം നടത്തുന്നത്. 36,000 രൂപ 25 വർഷം കൊണ്ട് 9,00,000 രൂപയാവും. 25 വർഷം കൊണ്ട് 15,73,924 രൂപ പലിശയിനത്തിൽ നിങ്ങൾക്ക് ലഭിക്കുന്നു. അതായത് കാലാവധി പൂർത്തിയാക്കുമ്പോൾ ലഭിക്കുന്ന മൊത്തം തുക 24,73,924 രൂപയായിരിക്കും.

പ്രതിമാസം 6,000 രൂപ ലാഭിച്ചാൽ 25 വർഷത്തിനുശേഷം പി.പി.എഫ് കോർപ്പസ് എത്രയായിരിക്കും?

6,000 രൂപ വീതം എല്ലാ മാസവും ലാഭിച്ചാൽ ഒരു വർഷത്തെ നിക്ഷേപം 72,000 രൂപയാവും. ഇവിടെ 25 വർഷത്തിനുള്ളിൽ നിങ്ങളുടെ ആകെ നിക്ഷേപ തുക 18,00,000 രൂപയായിരിക്കും. പലിശയിനത്തിൽ ലഭിക്കുന്നത് 31,47,847 രൂപയും, മെച്യൂരിറ്റി തുകയായി ലഭിക്കുന്നത് 49,47,847 രൂപയാണ്.

പ്രതിമാസം 12,000 രൂപ ലാഭിച്ചാൽ പി.പി.എഫ് കോർപ്പസ് എത്രയായിരിക്കും?

12,000 രൂപ എല്ലാ മാസവും ലാഭിക്കാൻ സാധിച്ചാൽ നിങ്ങളുടെ വാർഷിക നിക്ഷേപ തുക 1,44,000 രൂപയാവും. ഈ തുക എല്ലാ വർഷവും നിക്ഷേപിച്ചാൽ 25 വർഷത്തിനുള്ളിൽ നിങ്ങളുടെ ആകെ നിക്ഷേപ തുക 36 ലക്ഷം രൂപയായിരിക്കും. ഈ 36 ലക്ഷത്തിന് നിങ്ങൾക്ക് ലഭിക്കുന്ന മൊത്തം പലിശത്തുക 62,95,694 രൂപയാണ്. അതായത് കാലാവധി പൂർത്തിയാവുമ്പോൾ ലഭിക്കുന്ന ആകെ തുക 98,95,694 രൂപയായിരിക്കും. 1 കോടി രൂപയ്ക്കടുത്ത് നേട്ടം കൊയ്യാൻ സാധിക്കുന്നു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.