5 വർഷം കൊണ്ട് ഉയർന്ന പലിശ നൽകുന്ന എഫ്.ഡി; സാധാരണ പൗരൻമാർക്ക് ഈ ബാങ്കിൽ നിക്ഷേപിക്കാം....

സ്ഥിര നിക്ഷേപങ്ങൾ ഒരു ജനപ്രിയ നിക്ഷേപ തിരഞ്ഞെടുപ്പാണ്. മറ്റു അപകട സാധ്യതകളില്ലാതെ സ്ഥിരമായ വരുമാനം വാഗ്ദാനം ചെയ്യുന്ന നിക്ഷേപ മാർ​ഗമാണിത്. താരതമ്യേന ഉയർന്ന പലിശ നിരക്കാണ് എഫ്.ഡി അഥവാ സ്ഥിര നിക്ഷേപങ്ങൾ ഉറപ്പ് നൽകുന്നത്. എസ്‌.ബി‌.ഐ, ബാങ്ക് ഓഫ് ബറോഡ, എച്ച്‌.ഡി‌.എഫ്‌.സി ബാങ്ക്, ഐ‌.സി‌.ഐ‌.സി‌.ഐ ബാങ്ക്, ആക്സിസ് ബാങ്ക് എന്നിവയുൾപ്പെടെ പ്രമുഖ ബാങ്കുകളെല്ലാം ആകർഷകമായ എഫ്‌.ഡി നിരക്കുകൾ വാഗ്ദാനം ചെയ്യുന്നു.

ഒരു സ്ഥിര നിക്ഷേപം തിരഞ്ഞെടുക്കുമ്പോൾ, പലിശ നിരക്ക്, ബാങ്ക്, കാലാവധിക്ക് മുന്നേയുള്ള പിൻവലിക്കൽ നിബന്ധനകൾ തുടങ്ങി നിരവധി ഘടകങ്ങൾ പരിഗണിക്കുക. പൊതുമേഖലാ ബാങ്കുകൾ സ്ഥിരത വാഗ്ദാനം ചെയ്യുന്നു, അതേസമയം സ്വകാര്യമേഖലാ ബാങ്കുകൾ പലപ്പോഴും ഉയർന്ന പലിശ നിരക്കുകൾ നൽകുന്നു. വ്യത്യസ്ത ബാങ്കുകളെ താരതമ്യം ചെയ്യുന്നതിലൂടെ മികച്ച ഓപ്ഷൻ തിരഞ്ഞെടുക്കാൻ നിങ്ങളെ സഹയിക്കുന്നു.

സ്വകാര്യ മേഖലയിലെ ബാങ്കുകൾ പ്രധാനമായും ലാഭക്ഷമതയിൽ ശ്രദ്ധ കേന്ദ്രീകരിക്കുകയും മികച്ച ഉപഭോക്തൃ സേവനം, സാങ്കേതിക പുരോഗതി, മത്സരാധിഷ്ഠിത പലിശ നിരക്കുകൾ എന്നിവ വാഗ്ദാനം ചെയ്യുകയും ചെയ്യുന്നു. എച്ച്.ഡി.എഫ്.സി ബാങ്ക്, ഐ.സി.ഐ.സി.ഐ ബാങ്ക്, ഫെഡറൽ ബാങ്ക് തുടങ്ങി നിരവധി ബാങ്കുകൾ ഈ ലിസ്റ്റിൽ ഉൾപ്പെടുന്നു.

കേന്ദ്രസർക്കാരിന്റെയോ സംസ്ഥാന സർക്കാരിന്റെയോ അല്ലെങ്കിൽ രണ്ടിന്റെയും ഉടമസ്ഥതയിലുള്ളതാണ് പൊതുമേഖലാ സ്ഥാപനങ്ങൾ (പി.എസ്.യു). ഉടമസ്ഥാവകാശത്തിന്റെ അടിസ്ഥാനത്തിൽ അവയെ കേന്ദ്ര പൊതുമേഖലാ സ്ഥാപനങ്ങൾ അല്ലെങ്കിൽ സംസ്ഥാന പൊതുമേഖലാ സ്ഥാപനങ്ങൾ എന്ന് തരംതിരിക്കുന്നു. സ്റ്റേറ്റ് ബാങ്ക് ഓഫ് ഇന്ത്യ, ബാങ്ക് ഓഫ് ബറോഡ, പഞ്ചാബ് നാഷണൽ ബാങ്ക് എന്നിവ മുൻനിര പൊതുമേഖലാ ബാങ്കുകളാണ്.

സ്ഥിര നിക്ഷേപങ്ങൾ ആകർഷകമായ പലിശ നിരക്ക് നൽകുന്നുണ്ട്. മുകളിൽ പരാമർശിച്ച ബാങ്കുകളുടെ അടിസ്ഥാനത്തിൽ അഞ്ച് വർഷത്തെ കാലാവധിയിൽ സാധാരണ നിക്ഷേപകർക്ക് ഏത് ബാങ്കാണ് ഏറ്റവും ഉയർന്ന പലിശ വരുമാനം വാഗ്ദാനം ചെയ്യുന്നതെന്ന് അറിയാം;

1. എസ്.ബി.ഐ 5 വർഷ എഫ്.ഡി....

സാധാരണ പൗരന്മാർക്ക് അഞ്ച് വർഷത്തെ സ്ഥിര നിക്ഷേപത്തിന് എസ്‌.ബി‌.ഐ 6.50 ശതമാനം പലിശ നിരക്ക് വാഗ്ദാനം ചെയ്യുന്നു. ‌

2. ബാങ്ക് ഓഫ് ബറോഡ 5 വർഷത്തെ എഫ്.ഡി...

അഞ്ച് വർഷത്തെ എഫ്‌.ഡിയിൽ സാധാരണ പൗരന്മാർക്ക് ഈ ബാങ്ക് 6.80 ശതമാനം പലിശ നൽകുന്നു.

3. പഞ്ചാപ് നാഷണൽ ബാങ്ക് 5 വർഷ എഫ്.ഡി

സാധാരണ പൗരന്മാർക്ക് അഞ്ച് വർഷത്തെ എഫ്‌.ഡിക്ക് പി.എൻ.ബി 6.50 ശതമാനം പലിശ വാഗ്ദാനം ചെയ്യുന്നു.

4. ഐ.സി.ഐ.സി.ഐ ബാങ്ക് 5 വർഷ എഫ്.‍ഡി

അഞ്ച് വർഷത്തെ എഫ്ഡിക്ക് സാധാരണ പൗരന്മാർക്ക് ഐസിഐസിഐ ബാങ്ക് 7.00 ശതമാനം പലിശ നൽകുന്നു.

5. എച്ച്‌.ഡി.എഫ്‌.സി ബാങ്ക് 5 വർഷ എഫ്.ഡി

അഞ്ച് വർഷത്തെ എഫ്‌.ഡിയിൽ എച്ച്‌.ഡി.എഫ്‌.സി ബാങ്ക് സാധാരണ പൗരന്മാർക്ക് 7.00 ശതമാനം പലിശ ഉറപ്പാക്കുന്നു.

6. ഫെഡറൽ ബാങ്ക് 5 വർഷ എഫ്.ഡി

സാധാരണ പൗരന്മാർക്ക് അഞ്ച് വർഷത്തെ എഫ്ഡിക്ക് ഫെഡറൽ ബാങ്ക് 7.10 ശതമാനം പലിശ നൽകുന്നു.

സ്വകാര്യ ബാങ്കുകളും പൊതുമേഖലാ ബാങ്കുകളും....

സ്വകാര്യ ബാങ്കുകൾ പൊതുമേഖലാ ബാങ്കുകളേക്കാൾ ഉയർന്ന പലിശ നിരക്കാണ് സ്ഥിര നിക്ഷേപങ്ങൾക്ക് നൽകുന്നത്. എസ്‌.ബി‌.ഐ, പി‌.എൻ‌.ബി തുടങ്ങിയ പൊതുമേഖലാ ബാങ്കുകൾ ഏകദേശം 6.50 ശതമാനം മുതൽ 6.80 ശതമാനം വരെ പലിശ വാ​ഗ്ദാനം ചെയ്യുന്നു. എന്നാൽ മറുവശത്ത് ഐ‌.സി‌.ഐ‌.സി‌.ഐ, എച്ച്‌.ഡി‌.എഫ്‌.സി, ഫെഡറൽ ബാങ്ക് തുടങ്ങിയ സ്വകാര്യ ബാങ്കുകൾ ഇതേ കാലാവധിയിൽ 7.00 ശതമാനം മുതൽ 7.10 ശതമാനം വരെ പലിശ വാഗ്ദാനം ചെയ്യുന്നു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.