സമ്പാദ്യം വളർത്താൻ നല്ലത് സ്ഥിര നിക്ഷേപം, പലിശ നിരക്കുയർത്തി പൊതുമേഖലാ ബാങ്ക്, നിക്ഷേപിക്കുന്നോ..?

ഏറ്റവും സുരക്ഷിതമായതും താരതമ്യേന മികച്ച ആദായം ഉറപ്പു നല്‍കുന്നതുമായ നിക്ഷേപ രീതിയാണ് ബാങ്ക് സ്ഥിര നിക്ഷേപങ്ങള്‍. ഇക്കാരണങ്ങള്‍ കൊണ്ടു തന്നെയാണ് ധാരാളം പേര്‍ക്ക് ഇപ്പോഴും പ്രിയപ്പെട്ട നിക്ഷേപമായി സ്ഥിര നിക്ഷേപം തുടരുന്നത്.

ബാങ്കില്‍ നേരിട്ട് ചെല്ലുകയോ, മണിക്കൂറുകള്‍ നീണ്ട് ക്യൂവില്‍ നില്‍ക്കുകയോ ഒന്നും ഇപ്പോള്‍ സ്ഥിര നിക്ഷേപങ്ങള്‍ ആരംഭിക്കുവാന്‍ ആവശ്യമില്ല. ഈ ഇന്റര്‍നെറ്റ് കാലത്ത് മൊബൈല്‍ ഫോണിലോ കമ്പ്യൂട്ടറിലോ കുറച്ചു മിനുട്ടുകള്‍ ചിലവഴിച്ചാല്‍ നിങ്ങള്‍ക്ക് എളുപ്പത്തില്‍ സ്ഥിര നിക്ഷേപങ്ങള്‍ ആരംഭിക്കുവാന്‍ സാധിക്കും.

രാജ്യത്തെ ഏറ്റവും വലിയ പൊതുമേഖലാ ബാങ്കുകളിൽ ഒന്നായ ബാങ്ക് ഓഫ് ബറോഡ സ്ഥിര നിക്ഷേപത്തിന്‍റെ പലിശ നിരക്കുകൾ പരിഷ്കരിച്ചു. 7 ദിവസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപമാണ് ബാങ്ക് വാഗ്ധാനം ചെയ്യുന്നത്. 3 കോടി രൂപവരെയുള്ള സ്ഥിര നിക്ഷേപത്തിന്‍റെ പലിശ നിരക്കുകൾ നമുക്ക് പരിശോധിക്കാം.

1. 7 ദിവസം മുതൽ 14 ദിവസം വരെ - പൊതുജനങ്ങൾക്ക്: 4.25 ശതമാനം; മുതിർന്ന പൗരന്മാർക്ക്: 4.75 ശതമാനം

2. 15 ദിവസം മുതൽ 45 ദിവസം വരെ - പൊതു ജനങ്ങൾ: 4.50 ശതമാനം; മുതിർന്ന പൗരന്മാർ: 5 ശതമാനം

3. 46 ദിവസം മുതൽ 90 ദിവസം വരെ - പൊതു ജനങ്ങൾ: 5.50 ശതമാനം; മുതിർന്ന പൗരന്മാർ: 6 ശതമാനം

4. 91 ദിവസം മുതൽ 180 ദിവസം വരെ - പൊതുജനങ്ങൾ: 5.60 ശതമാനം; മുതിർന്ന പൗരന്മാർ: 6.10 ശതമാനം

5. 181 ദിവസം മുതൽ 210 ദിവസം വരെ - പൊതു ജനങ്ങൾ: 5.75 ശതമാനം; മുതിർന്ന പൗരന്മാർ: 6.25 ശതമാനം

6. 211 ദിവസം മുതൽ 270 ദിവസം വരെ - പൊതു ജനങ്ങൾ: 6.15 ശതമാനം; മുതിർന്ന പൗരന്മാർ: 6.65 ശതമാനം

7. 271 ദിവസവും അതിൽ കൂടുതലും 1 വർഷത്തിൽ താഴെയും - പൊതു ജനങ്ങൾ: 6.25 ശതമാനം; മുതിർന്ന പൗരന്മാർ: 6.75 ശതമാനം

8. 333 ദിവസങ്ങൾ മൺസൂൺ ധമാക്ക - പൊതുജനങ്ങൾ: 7.15 ശതമാനം; മുതിർന്ന പൗരന്മാർക്ക്: 7.65 ശതമാനം

9. 360 ദിവസം - പൊതുജനങ്ങൾക്ക്: 7.10 ശതമാനം; മുതിർന്ന പൗരന്മാർക്ക്: 7.60 ശതമാനം

10. 1 വർഷം - പൊതുസമൂഹം: 6.85 ശതമാനം; മുതിർന്ന പൗരന്മാർ: 7.35 ശതമാനം

11. 399 ദിവസങ്ങൾ മൺസൂൺ ധമാക്ക - പൊതുജനങ്ങൾ: 7.25 ശതമാനം; മുതിർന്ന പൗരന്മാർ: 7.75 ശതമാനം

12. 1 വർഷം മുതൽ 400 ദിവസം വരെ - പൊതു ജനങ്ങൾ: 6.85 ശതമാനം; മുതിർന്ന പൗരന്മാർ: 7.35 ശതമാനം

13. 400 ദിവസം മുതൽ 2 വർഷം വരെ - പൊതു ജനങ്ങൾ: 6.85 ശതമാനം; മുതിർന്ന പൗരന്മാർ: 7.35 ശതമാനം

14. 2 വർഷം മുതൽ 3 വർഷം വരെ - പൊതു ജനങ്ങൾ: 7.15 ശതമാനം; മുതിർന്ന പൗരന്മാർ: 7.65 ശതമാനം

15. 3 വർഷം മുതൽ 5 വർഷം വരെ - പൊതു ജനങ്ങൾ: 6.50 ശതമാനം; മുതിർന്ന പൗരന്മാർ: 7.15 ശതമാനം

16. 5 വർഷം മുതൽ 10 വർഷം വരെ - പൊതുസമൂഹം: 6.50 ശതമാനം; മുതിർന്ന പൗരന്മാർക്ക്: 7.50 ശതമാനം