സര്ക്കാറിന് കീഴിലുള്ള ചെറുകിട നിക്ഷേപ പദ്ധതികളെല്ലാം കുറഞ്ഞ റിസ്ക് കൊണ്ടും ഉറപ്പുള്ള വരുമാനം കൊണ്ടും സുരക്ഷിതവും ആകര്ഷകവുമാണ്. പോസ്റ്റ് ഓഫീസുകളിലാണ് സാധാരണയായി ഇത്തരം നിക്ഷേപ പദ്ധതികള് ലഭിച്ചു വരുന്നത്. അപൂര്വ്വം ചില ബാങ്കുകളിലും ഈ സേവനം വാഗ്ദാനം ചെയ്യപ്പെടുന്നുണ്ട്. കേന്ദ്ര സര്ക്കാറിന്റെ സുരക്ഷിതത്വമുള്ള നിക്ഷേപ പദ്ധതികളാണിവ. ഒരു സാമ്പത്തിക വര്ഷത്തിലെ ഓരോ പാദത്തിലും ചെറുകിട നിക്ഷേപ പദ്ധതികളുടെ പലിശ നിരക്ക് കേന്ദ്ര സര്ക്കാര് വിലയിരുത്തി പുതുക്കിക്കൊണ്ടിരിക്കും.
കഴിഞ്ഞ രണ്ട് പതിറ്റാണ്ടുകളായി ചെറുകിട നിക്ഷേപ പദ്ധതികളുടെ പലിശ നിരക്ക് കുറഞ്ഞു വരുന്നതായാണ് കാണുന്നത്. 2015ന് മുമ്പ് പലിശ നിരക്കിലെ വെട്ടിച്ചുരുക്കലുകള് വലിയ അളവിലും കൂടുതല് തവണയും നടക്കുമായിരുന്നു. വിപണി നിരക്കുമായി പൊരുത്തപ്പെടുത്തുന്നതിനായി 2017ലാണ് സര്ക്കാര് ഓരോ പാദത്തിലുമുള്ള പലിശ നിരക്ക് വിലയിരുത്തല് ആരംഭിച്ചത്. 2015ന് മുമ്പ് എല്ലാ ചെറുകിട നിക്ഷേപങ്ങള്ക്കും നിരക്ക് വെട്ടിച്ചുരുക്കലുകള് ബാധകമായിരുന്നു. 1.6 ശതമാനം മുതല് 2.9 ശതമാനം വരെയായിരുന്നു ഈ വെട്ടിച്ചുരുക്കലുകള്.
2021 മാര്ച്ച് 31ന് ചെറുകിട നിക്ഷേപ പദ്ധതികളുടെ പലിശ നിരക്ക് കുറയ്ക്കുന്നതായി കേന്ദ്ര സര്ക്കാര് പ്രഖ്യാപിച്ചിരുന്നു. എന്നാല് പിറ്റേ ദിവസം രാവിലെ തന്നെ നിരക്ക് കുറച്ചു കൊണ്ട് നടത്തിയ ആ ഉത്തരവ് കേന്ദ്ര ധനമന്ത്രി നിര്മലാ സീതാരാമന് പിന്വലിക്കുകയാണുണ്ടായത്. അതോടെ ജൂലൈയില് അവസാനിക്കുന്ന പാദം വരെ നിലവിലുള്ള പലിശ നിരക്ക് തുടരുമെന്നും വ്യക്തമായി. 2021 മാര്ച്ചില് നില നിന്നിരുന്ന പലിശ നിക്കുകള് തന്നെയായിരിക്കും ജൂലൈ വരെ തുടരുക. ചെറുകിട നിക്ഷേപ പദ്ധതികളുടെ പലിശ നിരക്കില് സര്ക്കാര് മാറ്റങ്ങള് വരുത്താത്ത തുടര്ച്ചയായ നാലാമത്തെ പാദമാണിത്.
വിദ്യാഭ്യാസ വായ്പ എടുക്കുവാന് തയ്യാറെടുക്കുകയാണോ? ഈ അഞ്ച് കാര്യങ്ങള് അറിയൂ
ചെറുകിട നിക്ഷേപ പദ്ധതികളുടെ നിലവിലുള്ള പലിശ നിരക്കുകള് എങ്ങനെയാണെന്ന് നമുക്കൊന്ന് നോക്കാം.
പബ്ലിക് പ്രൊവിഡന്റ് ഫണ്ടില് നിക്ഷേപകര്ക്ക് ഈ പാദത്തില് ലഭിക്കുന്ന പലിശ നിരക്ക് 7.1 ശതമാനമണ്. നാഷണല് സേവിംഗ്ത് സ്കീം അഥവാ എന്എസ്സിയില് ലഭിക്കുന്ന പലിശ നിരക്ക് 6.8 ശതമാനമാണ്. സീനിയര് സിറ്റിസണ് സേവിംഗ്സ് സ്കീമില് ആ പാദത്തില് 7.4 ശതമാനം പലിശ നിരക്ക് ലഭിക്കും. 5 വര്ഷ റെക്കറിംഗ് നിക്ഷേപങ്ങളിലെ പലിശ നിരക്ക് 5.8 ശതമാനമാണ്. 1 വര്ഷം മുതല് 3 വര്ഷം വരെയുള്ള ടൈ ഡെപ്പോസിറ്റുകള്ക്ക് 5.5 ശതമാനമാണ് പലിശ നിരക്ക്. 5 വര്ഷ ടൈം ഡെപ്പോസിറ്റുകള്ക്ക് 6.7 ശതമാനം പലിശ നിരക്ക് ലഭിക്കും. പോസ്റ്റ് ഓഫീസ് സേവിംഗ്സ നിക്ഷേപങ്ങളില് 4 ശതമാനമാണ് പലിശ നിരക്ക്. സുകന്യ സമൃദ്ധി അക്കൗണ്ടില് ഈ പാദത്തില് 7.6 ശതമാനം പലിശ നിരക്ക് ലഭിക്കും. കിസാന് വികാസ് പത്രയില് 6.9 ശതമാനമാണ് പലിശ നിരക്ക്.