ഭവനവായ്പ എടുക്കാൻ ഇതിലും നല്ല സമയം വേറെയില്ല! വായ്പാ നിരക്കുകളിൽ വൻ ഇളവുകളുമായി പ്രമുഖ ബാങ്കുകൾ

ആർബിഐ തുടർച്ചയായ നാലാം തവണയും അടിസ്ഥാന പലിശ നിരക്ക് വെട്ടിക്കുറച്ചത് നിക്ഷേപകർക്ക് നിരാശയുണ്ടാക്കിയെങ്കിലും ഭവന വായ്പക്കാർക്ക് നേട്ടമായി. ഇത്തവണ ഡിസംബറിൽ നടന്ന മോണിറ്ററി പോളിസി യോ​ഗത്തിൽ 25 ബേസിസ് പോയിൻ്റാണ് കുറച്ചത്. ഇതോടെ രാജ്യത്തെ വിവിധ ബാങ്കുകൾ അവരുടെ ഭവന വായ്പാ പലിശ നിരക്കിൽ മാറ്റം കൊണ്ടു വന്നിട്ടുണ്ട്.

ആർ‌ബി‌ഐ റിപ്പോ നിരക്ക് കുറച്ചതോടെ പൊതുമേഖലാ ബാങ്കായ യൂണിയൻ ബാങ്ക് ഓഫ് ഇന്ത്യ ഭവനവായ്പ നിരക്കുകൾ 30 ബേസിസ് പോയിന്റ് കുറച്ച് പലിശ 7.15 ശതമാനമാക്കി. ഈ പരിഷ്കരിച്ച നിരക്ക് ഡിസംബർ 18 മുതൽ പ്രാബല്യത്തിൽ വന്നു. മാത്രമല്ല, ഗ്രീൻ ഹോം ലോണുകൾക്ക് 0.10% ഇളവും യൂണിയൻ ബാങ്ക് വാഗ്ദാനം ചെയ്യുന്നു. യൂണിയൻ ബാങ്ക് മാത്രമല്ല, വിവിധ ബാങ്കുകളും ഭവന വായ്പാ നിരക്കുകൾ കുറച്ചിട്ടുണ്ട്. ഓരോ ബാങ്കിൻ്റെയും പുതുക്കിയ നിരക്കുകൾ അറിയാം;

സ്റ്റേറ്റ് ബാങ്ക് ഓഫ് ഇന്ത്യ : ഭവന വായ്പകൾക്ക് എസ്‌ബി‌ഐ 25 ബേസിസ് പോയിന്റ് വരെ കുറച്ചു. ഇതോടെ പലിശ നിരക്ക് 7.50 ശതമാനമായി. ഡിസംബർ 15 മുതലാണ് പുതുക്കിയ നിരക്കുകൾ പ്രാബല്യത്തിൽ വന്നത്.

എച്ച്ഡിഎഫ്സി ബാങ്ക്: ഈ സ്വകാര്യ ബാങ്ക് ഭവന വായ്പാ നിരക്കുകൾ 5 ബേസിസ് പോയിന്റ് വരെ കുറച്ചു. ഇപ്പോൾ പലിശ നിരക്ക് 7.90% മുതൽ ആരംഭിക്കുന്നു.

ബാങ്ക് ഓഫ് മഹാരാഷ്ട്ര : ഇപ്പോൾ 25 ബേസിസ് പോയിന്റ് കുറച്ചതോടെ ഭവന വായ്പാ നിരക്ക് 7.10% ആയിട്ടുണ്ട്.

പഞ്ചാബ് നാഷണൽ ബാങ്ക് : ഈ പൊതുമേഖലാ ബാങ്ക് ഭവന വായ്പാ നിരക്ക് 8.35 ശതമാനത്തിൽ നിന്ന് 8.10 ശതമാനമായി കുറച്ചു.

കാനറ ബാങ്ക് : 25 ബേസിസ് പോയിന്റ് കുറച്ചതോടെ ഭവന വായ്പാ നിരക്ക് 8 ശതമാനമായി കുറഞ്ഞു.

ഇന്ത്യൻ ബാങ്ക് : റിപ്പോ നിരക്ക് കുറഞ്ഞതോടെ മുൻപ് 8.20% ആയിരുന്ന ഭവന വായ്പാ നിരക്ക് ഇപ്പോൾ 7.95% ആയി കുറച്ചു. ഡിസംബർ 6 മുതൽ പുതുക്കിയ നിരക്കുകൾ പ്രാബല്യത്തിൽ വന്നു.

ബാങ്ക് ഓഫ് ബറോഡ : റിപ്പോ നിരക്ക് കുറച്ചതിനുശേഷം ബാങ്ക് ഓഫ് ബറോഡ ഭവന വായ്പാ നിരക്ക് 7.90 ശതമാനമായി കുറച്ചു.

ഇന്ത്യയിലെ മിക്ക വായ്പാ നിരക്കുകളും റിപ്പോ നിരക്കുമായി ബന്ധപ്പെട്ടിരിക്കുന്നു. റിപ്പോ നിരക്ക് കുറയുമ്പോൾ, ബാങ്കുകൾക്ക് കേന്ദ്ര ബാങ്കിൽ നിന്ന് കുറഞ്ഞ നിരക്കിൽ വായ്പയെടുക്കാൻ കഴിയും. മിക്ക കേസുകളിലും, ബാങ്കുകൾ ഈ ആനുകൂല്യം ഉപഭോക്താക്കൾക്ക് കൈമാറുന്നു, അതുകൊണ്ടാണ് ഉപഭോക്താക്കൾക്കും വായ്പാ നിരക്കുകൾ കുറയുന്നത്. ഡിസംബറിൽ റിപ്പോ നിരക്ക് കുറച്ചതിനുശേഷം, നിരവധി വായ്പാദാതാക്കൾ പലിശ നിരക്കുകൾ കുറച്ചു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.