എസ്‌.ബി‌.ഐ എഫ്‌.ഡി VS എസ്‌.സി‌.എസ്‌.എസ്: 7.5 ലക്ഷം നിക്ഷേപിച്ചാൽ ഉയർന്ന വരുമാനം ഏത് സ്കീമിലൂടെ നേടാം...?

സമ്പാദ്യ ശീലം ചെറുപ്പത്തിൽ തന്നെ വളർത്തുന്നതാണ് എപ്പോഴും നല്ലത്. സാമ്പത്തികമായി മുന്നേറ്റം ആ​ഗ്രഹിക്കുമ്പോൾ അതിനായി പ്രവർത്തിക്കുകയും വേണം. സ്ഥിര നിക്ഷേപം അഥവാ എഫ്.ഡി ഒരു സുരക്ഷിതമായ നിക്ഷേപ മാർ​ഗമാണ്. ബാങ്കുകൾ, പോസ്റ്റ് ഓഫീസ് അല്ലെങ്കിൽ വിവിധ എൻ.ബി.എഫ്.സി വഴി എഫ്.ഡികളിൽ നിക്ഷേപിക്കാം. ഇതിൽ എല്ലാ നിക്ഷേപകർക്കും ഒരുപോലെ നിക്ഷേപിക്കാൻ സാധിക്കും.

എഫ്.ഡി പോലെ സുരക്ഷിതമായി നിക്ഷേപിക്കാവുന്ന മാർ​ഗമാണ് സീനിയർ സിറ്റിസൺസ് സേവിംഗ്സ് സ്കീം (SCSS). ഇത് സർക്കാരിന്റെ പിന്തുണയുള്ള ഒരു പദ്ധതിയാണ്. പക്ഷേ എഫ്.ഡി പോലെ എല്ലാവർക്കും ഇതിൽ നിക്ഷേപിക്കാൻ സാധിക്കില്ല. ജോലിയിൽ നിന്ന് വിരമിച്ച 60 വയസ്സും അതിൽ കൂടുതലുമുള്ള മുതിർന്ന പൗരൻമാർക്കായി രൂപകൽപ്പന ചെയ്ത സ്കീമാണിത്. ഈ സ്കീം പ്രകാരം നിക്ഷേപകർക്ക് മൂന്ന് മാസത്തിലൊരിക്കൽ ഉയർന്ന പലിശ നിരക്കോടെ മികച്ച വരുമാനം ഉറപ്പാക്കാം. 5 വർഷത്തേക്കാണ് ഈ സ്കീമിൻ്റെ കാലാവധി.

രണ്ട് ഓപ്ഷനുകളും അപകടരഹിതമായ നിക്ഷേപങ്ങളാണ്. പക്ഷേ വരുമാനത്തിലും ലിക്വിഡിറ്റിയിലും വ്യത്യാസപ്പെട്ടിരിക്കുന്നു. നിങ്ങൾ 7,50,000 രൂപ നിക്ഷേപിക്കുകയാണെങ്കിൽ, എസ്.ബി.ഐയുടെ 5 വർഷത്തെ എഫ്.ഡിയിലൂടെ ലഭിക്കുന്ന വരുമാനവും സീനിയർ സിറ്റിസൺസ് സേവിംഗ്സ് സ്കീമിലൂടെ ലഭിക്കുന്ന വരുമാനം പരിശോധിക്കാം. മാത്രമല്ല അവയുടെ പലിശ നിരക്കുകൾ, വരുമാനം, മെച്യൂരിറ്റി ആനുകൂല്യങ്ങൾ എന്നിവ താരതമ്യം ചെയ്യാം.

എസ്‌.ബി‌.ഐ എഫ്‌.ഡി പലിശ നിരക്കുകൾ

• സാധാരണ നിക്ഷേപകർക്കുള്ള പലിശ നിരക്ക്: പ്രതിവർഷം 3.50%-7.25%
• മുതിർന്ന പൗരന്മാർക്കുള്ള പലിശ നിരക്ക്: പ്രതിവർഷം 4.00%-7.75%

എസ്‌.ബി‌.ഐ ടാക്സ് സേവിംഗ് എഫ്‌ഡി

• സാധാരണ നിക്ഷേപകർക്ക്: 6.50%
• മുതിർന്ന പൗരന്മാർക്ക്: 7.50%
• എൻ.ആർ.ഐകൾക്ക് ഒന്നിലധികം കറൻസികളിലുള്ള NRO, NRE, RFC, FCNR (B)എഫ്.ഡികളിൽ നിക്ഷേപിക്കാം.

എസ്‌.ബി‌.ഐ 5 വർഷത്തെ എഫ്‌ഡിയിൽ 7,50,000 രൂപ നിക്ഷേപിച്ചാൽ....

• നിക്ഷേപിച്ച തുക: 7,50,000 രൂപ
• ആകെ ലഭിച്ച പലിശ: 2,85,315 രൂപ
• കാലാവധി പൂർത്തിയാകുമ്പോൾ ലഭിക്കുന്നത്: 10,35,315 രൂപ

സീനിയർ സിറ്റിസൺസ് സേവിംഗ്സ് സ്കീം (SCSS) - പലിശ നിരക്കുകൾ

• ഈ സ്കീം പ്രകാരം നിലവിലെ പലിശ നിരക്ക് പ്രതിവർഷം 8.2%

സീനിയർ സിറ്റിസൺസ് സേവിംഗ്സ് സ്കീമിൻ്റെ യോഗ്യതാ മാനദണ്ഡം

• 60 വയസ്സിനു മുകളിൽ പ്രായമുള്ള വ്യക്തികൾക്ക് മാത്രം നിക്ഷേപിക്കാം...
• വിരമിച്ച സിവിലിയൻ ജീവനക്കാർ (55-60 വയസ്സ്)
• വിരമിച്ച പ്രതിരോധ ജീവനക്കാർ (50-60 വയസ്സ്)
• ജോയിന്റ് അക്കൗണ്ട്: പങ്കാളിയുമായി മാത്രമേ അനുവദിക്കൂ.

SCSS നിക്ഷേപ പരിധികളും നികുതി ആനുകൂല്യങ്ങളും

• കുറഞ്ഞ നിക്ഷേപം: 1,000 രൂപ
• പരമാവധി നിക്ഷേപം: 30 ലക്ഷം
• ആദായ നികുതി നിയമത്തിലെ സെക്ഷൻ 80C പ്രകാരം കിഴിവിന് യോഗ്യതയുണ്ട്.

7,50,000 രൂപയുടെ നിക്ഷേപത്തിൽ നിന്നുള്ള ത്രൈമാസ വരുമാനം.

• കാലാവധി പൂർത്തിയാകുമ്പോൾ ലഭിക്കുന്ന തുക: 10,57,500 രൂപ
• ത്രൈമാസ പലിശ: 15,375 രൂപ
• 5 വർഷത്തിനുള്ളിൽ നേടിയ ആകെ പലിശ: 3,07,500 രൂപ

അടിയന്തര ചെലവുകൾ വന്നോ? ജാമ്യം ആവശ്യമില്ലാത്ത മിനി ലോണിന് അപേക്ഷിക്കുന്നതിനു മുന്നേ ഇതെല്ലാം അറിയണം

SCSS കാലാവധിക്കു മുന്നേ പണം പിൻവലിക്കൽ...

• ഒരു വർഷത്തിന് മുമ്പ്: പലിശയില്ലാതെ പണം പിൻവലിക്കാം...
• 1-2 വർഷം: മൊതലിന് 1.5% പിഴ ഈടാക്കും
• 2-5 വർഷം: മൊതലിന് 1% പിഴ ഈടാക്കും

SCSS അക്കൗണ്ട് ക്ലോസ് ചെയ്യുന്നത് എങ്ങനെ?

• 5 വർഷത്തിനു ശേഷം പിൻവലിക്കൽ അപേക്ഷയിലൂടെ അക്കൗണ്ട് ക്ലോസ് ചെയ്യാം.
• ആവശ്യമെങ്കിൽ 3 വർഷത്തേക്ക് കൂടി കാലാവധി നീട്ടാനും ഓപ്ഷനുണ്ട്.

സീനിയർ സിറ്റിസൺസ് സേവിംഗ്സ് സ്കീമിലെ പലിശയ്ക്ക് നികുതി

• SCSS ടി.ഡി.എസ് കിഴിവ്: ആകെ പലിശ പ്രതിവർഷം 50,000 രൂപയിൽ കൂടുതലാണെങ്കിൽ. ഈടാക്കും
• ഫോം 15G/15H: പലിശ വരുമാനം പരിധിക്കുള്ളിലാണെങ്കിൽ ഇളവ് ലഭിക്കാൻ ഈ ഫോം ആവശ്യമാണ്.