Just In
-
-
-
-
Don't Miss
-
പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില് -
എന്റെ ഏഴ് ആഴ്ച കളഞ്ഞു; അവൻ ഒരു വാക്ക് പറഞ്ഞാൽ മതിയായിരുന്നു; പൊട്ടിക്കരഞ്ഞ് ജാസ്മിൻ -
കേരളത്തില് ആവേശക്കടലായി കൊട്ടിക്കലാശം, പരസ്യപ്രചാരണം അവസാനിച്ചു; ചെണ്ടകൊട്ടി ധര്മജന് -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ശമ്പള വേതനക്കാരായ ജീവനക്കാര്‍ക്കെല്ലാം ഏറെ പരിചിതമായ നിക്ഷേപ പദ്ധതിയാണ് പബ്ലിക് പ്രൊവിഡന്റ് ഫണ്ട് (പിപിഎഫ്). നിക്ഷേപത്തിനായുള്ള പരമ്പരാഗത മാര്‍ഗങ്ങളില്‍ ഒന്നാണിത്. സാധാരണക്കാരായ ജനങ്ങള്‍ക്ക് ആശങ്കകളില്ലാതെ ആശ്രയിക്കാവുന്ന നിക്ഷേപ മാര്‍ഗം.
നിലവില്‍ 7.1 ശതമാനം പലിശ നിരക്കാണ് പിപിഎഫ് വാഗ്ദാനം ചെയ്യുന്നത്. ബാങ്ക് സ്ഥിര നിക്ഷേപങ്ങളേക്കാള്‍ ഉയര്‍ന്ന പലിശ നിരക്കാണിത്. മറ്റ് ടാക്‌സ് സേവിംഗ്‌സ് നിക്ഷേപ പദ്ധതികളായ 5 വര്‍ഷ സ്ഥിര നിക്ഷേപങ്ങള്‍, നാഷണല്‍ സേവിംഗ് സര്‍ട്ടിഫിക്കറ്റ്, ടൈം ഡെപ്പോസിറ്റ് സ്‌കീം എന്നിവയെക്കാളും ഉയര്‍ന്ന പലിശ നിരക്ക് ലഭിക്കുന്നതും പിപിഎഫിലാണ്.
നിങ്ങളുടെ ചെറിയ ചെറിയ നിക്ഷേപ തുകകള്‍ വലിയ സമ്പാദ്യമാക്കി മാറ്റണമെങ്കില്‍ തീര്‍ച്ചായായും നിങ്ങള്‍ക്ക് പിപിഎഫ് നിക്ഷേപം തെരഞ്ഞെടുക്കാം. നിങ്ങള്‍ക്ക് ആവശ്യമായി വേണ്ടത് അല്‍പ്പം ക്ഷമ മാത്രമാണ്. എങ്കില്‍ ദീര്‍ഘകാല നിക്ഷേപത്തിലൂടെ നിങ്ങള്‍ക്ക് കോടിപതിയായി മാറാം.
നിങ്ങള്‍ ഒരു സാമ്പത്തീക വര്‍ഷത്തില്‍ 1.5 ലക്ഷം രൂപയോളം പിപിഎഫില്‍ നിക്ഷേപിക്കുന്നു എന്ന് കരുതുക. അതായത് ഒരു മാസം 12,500 രൂപ പിപിഎഫ് നിക്ഷേപത്തിനായി മാറ്റി വയ്ക്കുന്നു. എങ്കില്‍ ദീര്‍ഘകാല നിക്ഷേപത്തിലൂടെ നിങ്ങള്‍ക്ക് കോടിപതിയാകുവാന്‍ സാധിക്കും.
നിലവില്‍ പിപിഎഫ് അക്കൗണ്ട് നിക്ഷേപങ്ങള്‍ക്ക് കേന്ദ്ര സര്‍ക്കാര്‍ വാഗ്ദാനം ചെയ്യുന്നത് 7.1 ശതമാനം പലിശ നിരക്കാണ്. 15 വര്‍ഷമാണ് പിപിഎഫിലെ ചുരുങ്ങിയ നിക്ഷേപ കാലാവധി. ഈ 15 വര്‍ഷക്കാലയളവിലേക്ക് നിങ്ങള്‍ മാസം 12,500 രൂപ വീതം നിക്ഷേപിച്ചാല്‍ മെച്യുരിറ്റി സമയത്ത് ആകെ നിക്ഷേപ തുക 40,68,209 രൂപയായിരിക്കും. അതില്‍ നിങ്ങള്‍ നിക്ഷേപം നടത്തിയിരിക്കുന്നത് 22.5 ലക്ഷം രൂപയും അതിന്റെ പലിശ ആദായം 18,18,209 രൂപയുമാണ്.
ആ തുക പിന്‍വലിക്കുന്നതിന് പകരം കോടിപതി എന്ന ലക്ഷ്യത്തിലെത്തുന്നതിനായി വീണ്ടും ഒരു പത്ത് വര്‍ഷത്തേക്ക് കൂടി നമുക്കാ പിപിഎഫ് നിക്ഷേപ കാലാവധി ദീര്‍ഘിപ്പിക്കാം. ആദ്യത്തെ 5 വര്‍ഷ മെച്യുരിറ്റി കാലയളവ് അവസാനിക്കുമ്പോള്‍ നിങ്ങളുടെ നിക്ഷേപ തുക 66,58,288 രൂപയായി മാറും.
അടുത്ത 5 വര്‍ഷങ്ങള്‍ കൂടി പിന്നിടുമ്പോള്‍, അതായത് പിപിഎഫ് നിക്ഷേപം ആരംഭിച്ച് 25 വര്‍ഷം പൂര്‍ത്തിയാകുമ്പോള്‍ നിങ്ങളുടെ നിക്ഷേപം 1,03,08,015 രൂപയായി മാറും. അതായത് ക്ഷമയോടു കൂടി ദീര്‍ഘകാല നിക്ഷേപം തുടര്‍ന്നാല്‍ മാസം ചെറിയ തുക മാറ്റി വച്ചും നിങ്ങള്‍ക്ക് കോടിപതിയാകാം. ഇവിടെ ഓരോ മാസവും 12,500 രൂപ നിക്ഷേപം നടത്തുവാന്‍ നിങ്ങള്‍ ഒരു ദിവസം മാറ്റി വയ്‌ക്കേണ്ടത് 416 രൂപ മാത്രമാണ്.
