എൽഐസിയുടെ കിടിലൻ പദ്ധതി, 45 രൂപ നിക്ഷേപിച്ചാൽ 25 ലക്ഷം നേടാം, ഇന്ന് തന്നെ ചേരു...

നമുക്ക് ചുറ്റും നിരവധി സാമ്പത്തിക നിക്ഷേപ പദ്ധതികളുണ്ട്. അതിൽ പലതും ജനപ്രിയ പദ്ധതികളാണ്. എന്നാൽ എൽഐസി പോളിസികളോട് ഒരൽപ്പം കൂടുതൽ ഇഷ്ടം രാജ്യത്തെ ജനങ്ങൾക്കുണ്ട്. ഓരോരുത്തരുടേയും വരുമാന നിലയ്ക്ക് അനുയോജ്യമായ പദ്ധതികളാണ് എൽഐസി അവതരിപ്പിക്കുന്നത് എന്നത് തന്നെയാണ് ആ ഇഷ്ടക്കൂടുതലിന് കാരണം. അതോടൊപ്പം എല്ലാ പ്രായക്കാർക്കും അനുയോജ്യമായ പോളിസികളാണ് എൽഐസി വാഗ്ധാനം ചെയ്യുന്നത്. അതിൽ ചെറിയ തുകകൾ നിക്ഷേപിച്ചാലും നിങ്ങൾക്ക് ഒരു വലിയ ഫണ്ട് സ്വരൂപിക്കാൻ കഴിയും. അത്തരത്തിലുള്ള ഒരു പദ്ധതിയാണ് എൽഐസിയുടെ ജീവൻ ആനന്ദ് പോളിസി. പോളിസിയെക്കുറിച്ച് നമുക്ക് വിശദമായി അറിയാം.

ജീവൻ ആനന്ദ് പോളിസി

ചെറിയ സമ്പാദ്യം, കുറഞ്ഞ പ്രീമിയത്തിൽ നിങ്ങൾക്കായി ഒരു വലിയ ഫണ്ട് സ്വരൂപിക്കാൻ ആഗ്രഹിക്കുന്നുവെങ്കിൽ, ജീവൻ ആനന്ദ് പോളിസി നിങ്ങൾക്ക് ഒരു മികച്ച തിരഞ്ഞെടുപ്പാണ്. പ്രതിദിനം വെറും 45 രൂപ നിക്ഷേപിക്കുന്നതിലൂടെ ഏകദേശം 25 ലക്ഷം രൂപയോളം സമ്പാദിക്കാൻ ജീവൻ ആനന്ദ് പോളിസിയിലൂടെ സാധിക്കും.

പ്രായപരിധി

18നും 50നും ഇടയിൽ പ്രായമുള്ള ആർക്കും ജീവൻ ആനന്ദ് പോളിസി എടുക്കാൻ സാധിക്കും. പരമാവധി മെച്യൂരിറ്റി പ്രായം ഏകദേശം 75 വയസാണ്. പോളിസിയിലെ ഏറ്റവും കുറഞ്ഞ കാലാവധി 15 വർഷവും കൂടിയ കാലാവധി 35 വർഷവുമാണ്. പോളിസിയിലെ വരിസംഖ്യ പ്രതിമാസമായോ ത്രൈമാസമായോ അർദ്ധവാർഷികമായോ വാർഷികമായോ അടയ്ക്കാനുള്ള സൗകര്യം നൽകിയിട്ടുണ്ട്. പോളിസിയിൽ ലോൺ സൗകര്യവും ലഭ്യമാണ്.

25 ലക്ഷം രൂപ നേടാം

5 ലക്ഷം അഷ്വേർഡ് തുകയിൽ പോളിസി എടുക്കുകയാണെങ്കിൽ, നിങ്ങൾ പ്രതിമാസം അടയ്‌ക്കേണ്ട തുക 1358 രൂപയാണ്. അതയാത് ദിവസം 45 രൂപ. ഇങ്ങനെ ഒരു വർഷത്തിലെ നിങ്ങളുടെ നിക്ഷേപ തുക 16,300 രൂപയും 35 വർഷത്തിലെ നിങ്ങളുടെ ആകെ നിക്ഷേപം 5,70,500 രൂപയുമായിരിക്കും. 35 വർഷത്തിന് ശേഷം സം അഷ്വേർഡ് തുകയായി 5 ലക്ഷം രൂപയും ബോണസായി 8.50 ലക്ഷം രൂപയും അവസാനം അധിക ബോണസായി ഏകദേശം 11.50 ലക്ഷം രൂപയും ലഭിക്കും. അങ്ങനെ കാലാവധി പൂർത്തിയാക്കുമ്പോൾ നിങ്ങൾക്ക് ആകെ 25 ലക്ഷം രൂപ ലഭിക്കും.

നികുതി ഇളവില്ല

ജീവൻ ആനന്ദ് പോളിസി എടുക്കുന്ന പോളിസി ഉടമകൾക്ക് ഈ സ്കീമിന് കീഴിലുള്ള ഒരു നികുതി ഇളവിൻ്റെയും ആനുകൂല്യം നൽകുന്നില്ല. എന്നിരുന്നാലും, ഞങ്ങൾ അതിൻ്റെ ഗുണങ്ങൾ നോക്കുകയാണെങ്കിൽ, നിങ്ങൾക്ക് അതിൽ നാല് തരം റൈഡറുകൾ ലഭിക്കും. ആക്‌സിഡൻ്റൽ ഡെത്ത് ആൻഡ് ഡിസെബിലിറ്റി റൈഡർ, ആക്‌സിഡൻ്റ് ബെനിഫിറ്റ് റൈഡർ, ന്യൂ ടേം ഇൻഷുറൻസ് റൈഡർ, ന്യൂ ക്രിട്ടിക്കൽ ബെനിഫിറ്റ് റൈഡർ എന്നിവ ഇതിൽ ഉൾപ്പെടുന്നു.

പ്ലാനിന്റെ കാലാവധി തീരും മുന്‍പ് നിക്ഷേപകന് എന്തെങ്കിലും സംഭവിക്കുകയാണെങ്കില്‍ നോമിനിക്ക് സം അഷ്വേര്‍ഡിന്റെ 125 ശതമാനം വരെ ലഭിക്കും. കൂടുതല്‍ വിവരങ്ങള്‍ക്ക് എല്‍ഐസിയുടെ വെബ്‌സൈറ്റ് സന്ദര്‍ശിക്കുക.