Special FD: ഉയർന്ന വരുമാനം ഉറപ്പ്! 444 ദിവസത്തെ എഫ്ഡിയിൽ 8.55 ലക്ഷം നിക്ഷേപിച്ചാൽ മികച്ച നേട്ടം ഏത് ബാങ്കിൽ?

സ്ഥിര നിക്ഷേപങ്ങളെ കുറിച്ച് അറിയാത്തവർ ആരുമുണ്ടാവില്ല. സാധാരണയായി 7 മുതൽ 10 വർഷം വരെയാണ് സ്ഥിര നിക്ഷേപങ്ങളുടെ കാലാവധി കണക്കാക്കുന്നത്. എന്നാൽ ചില ബാങ്കുകൾ പ്രത്യേക നിക്ഷേപ പദ്ധതികളും വാ​ഗ്ദാനം ചെയ്യാറുണ്ട്. ‌അത് താരതമ്യേന ഉയർന്ന പലിശ നിരക്കോടെ നൽകുന്ന എഫ്ഡി സ്കീമായിരിക്കും. നിലവിൽ വിവിധ പൊതുമേഖലാ ബാങ്കുകൾ 444 ദിവസത്തെ പ്രത്യേക സ്ഥിര നിക്ഷേപങ്ങൾ ഉറപ്പാക്കുന്നു.

എസ്‌ബി‌ഐ, ബാങ്ക് ഓഫ് ബറോഡ, പഞ്ചാബ് & സിന്ധ് ബാങ്ക്, ഇന്ത്യൻ ഓവർസീസ് ബാങ്ക്, കാനറ ബാങ്ക് തുടങ്ങി നിരവധി ബാങ്കുകൾ 444 ദിവസത്തെ പ്രത്യേക എഫ്‌ഡി പദ്ധതി വാഗ്ദാനം ചെയ്യുന്നു. ഈ സ്കീമുകൾ വാ​ഗ്ദാനം ചെയ്യുന്ന പലിശ നിരക്കുകൾ അറിയാം, ഒപ്പം ഈ സ്ഥിര നിക്ഷേപങ്ങളിൽ നിങ്ങൾ 8.55 ലക്ഷം രൂപ നിക്ഷേപിച്ചാൽ എത്ര രൂപ മെച്യൂരിറ്റിയായി ലഭിക്കുമെന്നും കണക്കാക്കിയാലോ?

എസ്‌ബി‌ഐ 444 ദിവസത്തെ എഫ്‌ഡി

രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ 444 ദിവസത്തേക്ക് പ്രത്യേക എഫ്ഡി വാ​ഗ്ദാനം ചെയ്യുന്നു. അമൃത് വൃഷ്ടി എന്നറിയപ്പെടുന്ന ഈ എഫ്ഡി സാധാരണക്കാർക്ക് വാ​ഗ്ദാനം ചെയ്യുന്ന പലിശ നിരക്ക് 6.6 ശതമാനമാണ്.

ഈ എഫ്ഡിയിൽ 8.55 ലക്ഷം നിക്ഷേപിച്ചാൽ കാലാവധി പൂർത്തിയാവുമ്പോൾ ലഭിക്കുന്ന മെച്യൂരിറ്റി തുക 9,25,867.60 രൂപയായിരിക്കും. അതായത് പലിശ വരുമാനം മാത്രം 70,867.60 രൂപ ലഭിക്കും.

പഞ്ചാബ് & സിന്ധ് ബാങ്ക്

പഞ്ചാബ് & സിന്ധ് ബാങ്ക് 444 ദിവസത്തെ കാലാവധിയിൽ വാ​ഗ്ദാനം ചെയ്യുന്ന പ്രത്യേക സ്ഥിര നിക്ഷേപത്തിൽ സാധാരണ ഉപഭോക്താക്കൾക്ക് 6.6 ശതമാനം പലിശ നിരക്ക് വാഗ്ദാനം ചെയ്യുന്നു.

ഈ എഫ്ഡിയിൽ 8.55 ലക്ഷം നിക്ഷേപിച്ചാൽ 444 ദിവസം കൊണ്ട് ലഭിക്കുന്ന മെച്യൂരിറ്റി തുക 9,25,867.60 രൂപയായിരിക്കും. അതായത് പലിശ വരുമാനം മാത്രം 70,867.60 രൂപ ലഭിക്കും.

ഐ‌ഒ‌ബി, ഇന്ത്യൻ ബാങ്ക്

ഇന്ത്യൻ ബാങ്കും ഇന്ത്യൻ ഓവർസീസ് ബാങ്കും 444 ദിവസത്തെ പ്രത്യേക എഫ്‌ഡികളിൽ സാധാരണ പൗരന്മാർക്ക് 6.7 ശതമാനം പലിശ നിരക്ക് വാഗ്ദാനം ചെയ്യുന്നു. ഈ രണ്ട് ബാങ്കുകളും വാ​ഗ്ദാനം ചെയ്യുന്ന എഫ്ഡിയിൽ 8.55 ലക്ഷം നിക്ഷേപിച്ചാൽ മെച്യൂരിറ്റി തുക 9,26,976.11 രൂപയായിരിക്കും. ഇവിടെ പലിശയിനത്തിൽ ലഭിക്കുന്ന തുക 71,976.11 രൂപയായിരിക്കും.

കാനറ ബാങ്ക്

കാനറ ബാങ്ക് 444 ദിവസത്തെ സ്ഥിര നിക്ഷേപ പദ്ധതിയിൽ സാധാരണ പൗരന്മാർക്ക് 6.5 ശതമാനം പലിശ നിരക്ക് നൽകുന്നു. ഇവിടെ 8.55 ലക്ഷം നിക്ഷേപിച്ചാൽ 444 ദിവസം കൊണ്ട് മെച്യൂരിറ്റി തുക 9,24,760.15 രൂപയായിരിക്കും. അതിൽ 69,760.15 രൂപ പലിശയിനത്തിൽ ലഭിക്കുന്നു.

ബാങ്ക് ഓഫ് ബറോഡ

ഈ പൊതുമേഖലാ ബാങ്ക് 444 ദിവസത്തെ പ്രത്യേക എഫ്‌ഡിയിൽ സാധാരണ നിക്ഷേപകർക്ക് 6.6 ശതമാനം പലിശ നിരക്ക് വാഗ്ദാനം ചെയ്യുന്നു. ഇവിടെ 444 ദിവസത്തേക്ക് 8.55 ലക്ഷം നിക്ഷേപിച്ചാൽ കാലാവധി പൂർത്തിയാവുമ്പോൾ 9,25,867.60 രൂപ മെച്യൂരിറ്റി തുകയായി ലഭിക്കും. അതായത് പലിശ വരുമാനം മാത്രം 70,867.60 രൂപ ലഭിക്കും.