നിങ്ങൾക്കും ലക്ഷപ്രഭു ആകാം, പ്രതിമാസം 3,195 രൂപ നിക്ഷേപിച്ചാൽ മതി, ഇതാണ് എസ്ബിഐയുടെ സ്കീം

ലക്ഷപതിയാകുക എന്നാൽ ഒരു വലിയ തുക ഒറ്റയടിക്ക് മാറ്റിവെക്കുക എന്നല്ല അർത്ഥമാക്കുന്നത്. ചെറുതും സ്ഥിരവുമായ പ്രതിമാസ സംഭാവനകളിലൂടെ തങ്ങളുടെ സമ്പത്ത് സ്ഥിരമായി വളർത്താൻ ആഗ്രഹിക്കുന്ന ആർക്കും ലക്ഷങ്ങൾ സമ്പാദിക്കാം. രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ ഉപഭോക്താക്കൾക്കായി അവതരിപ്പിച്ചിരിക്കുന്ന നിക്ഷേപ പദ്ധതിയാണ് ഹർ ഘർ ലഖ്പതി.

നിക്ഷേപകർക്ക് 1 ലക്ഷം രൂപയോ അതിൽ കൂടുതലോ സമ്പാദിക്കാൻ ഈ പദ്ധതി അനുവദിക്കുന്നു. നിക്ഷേപകൻ്റെ താത്പര്യത്തിന് അനുസരിച്ച് കാലാവധി തിരഞ്ഞെടുക്കാൻ സാധിക്കും എന്നതും ഈ സ്കീമിൻ്റെ പ്രത്യേകതയാണ്. പദ്ധതിയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

കാലാവധിയും പലിശയും

ഇന്ത്യയിലെ സ്ഥിര താമസക്കാരായ പ്രായപൂർത്തിയായ പൗരൻമാർക്ക് സ്കീമിൽ നിക്ഷേപിക്കാം. അതുപോലെ 10 വസയിന് മുകളിലുള്ള കുട്ടികൾക്കും അക്കൗണ്ട് തുറക്കാൻ സാധിക്കും. 3 വർഷത്തെയും 4 വർഷത്തെയും കാലാവധികൾക്ക് 6.55 ശതമാനം പലിശയാണ് വാഗ്ധാനം ചെയ്യുന്നത്. അതേസമയം നിക്ഷേപ കാലാവധി 5 മുതൽ 10 വർഷം വരെയാണെങ്കിൽ 6.3 ശതമാനം പലിശ ലഭിക്കും. മുതിർന്ന പൗരന്മാർക്ക് സാധാരണയിൽ കൂടുതൽ പലിശയും പദ്ധതി വാഗ്ധാനം ചെയ്യുന്നു.

3 വർഷം കൊണ്ട് 2.25 ലക്ഷം

3 വർഷം കൊണ്ട് 2.25 ലക്ഷം രൂപ സമ്പാദിക്കുക എന്നതാണ് നിങ്ങളുടെ നിക്ഷേപ ലക്ഷ്യമെങ്കിൽ പ്രതിമാസം ഏകദേശം 5,660 രൂപ നിക്ഷേപിക്കേണ്ടതുണ്ട്. 6.55 ശതമാനം പലിശ നിരക്കിൽ കാലാവധി പൂർത്തിയാകുമ്പോൾ നിങ്ങൾക്ക് 2,25,555 രൂപ നേടാം.

4 വർഷം കൊണ്ട് 2.25 ലക്ഷം

4 വർഷം കൊണ്ട് 2.25 ലക്ഷം രൂപ സമ്പാദിക്കുക എന്നതാണ് നിങ്ങളുടെ നിക്ഷേപ ലക്ഷ്യമെങ്കിൽ പ്രതിമാസം ഏകദേശം 4104 രൂപ നിക്ഷേപിക്കേണ്ടതുണ്ട്. 6.55 ശതമാനം പലിശ നിരക്കിൽ കാലാവധി പൂർത്തിയാകുമ്പോൾ നിങ്ങൾക്ക് 2,25,555 രൂപ നേടാം.

5 വർഷത്തിനുള്ളിൽ 2.25 ലക്ഷം

5 വർഷം കൊണ്ട് 2.25 ലക്ഷം രൂപ സമ്പാദിക്കുക എന്നതാണ് നിങ്ങളുടെ നിക്ഷേപ ലക്ഷ്യമെങ്കിൽ പ്രതിമാസം ഏകദേശം 3195 രൂപ നിക്ഷേപിക്കേണ്ടതുണ്ട്. 6.55 ശതമാനം പലിശ നിരക്കിൽ കാലാവധി പൂർത്തിയാകുമ്പോൾ നിങ്ങൾക്ക് 2,25,555 രൂപ നേടാം.

5.25 ലക്ഷം സമ്പാദിക്കാം

3 വർഷം കൊണ്ട് 5.25 ലക്ഷം രൂപ സമ്പാദിക്കുക എന്നതാണ് നിങ്ങളുടെ നിക്ഷേപ ലക്ഷ്യമെങ്കിൽ പ്രതിമാസം ഏകദേശം 13,186.50 രൂപ നിക്ഷേപിക്കണം. 6.55 ശതമാനം പലിശ നിരക്കിൽ കാലാവധി പൂർത്തിയാകുമ്പോൾ നിങ്ങൾക്ക് 2,25,555 രൂപ നേടാം. അതേസമയം പ്രതിമാസം 9,562 രൂപ നിക്ഷേപിച്ചാൽ 4 വർഷം കൊണ്ട് നിങ്ങൾക്ക് 5.25 ലക്ഷം രൂപ സമ്പാദിക്കാം. 5 വർഷം കൊണ്ടാണ് നിങ്ങൾ 5.25 ലക്ഷം രൂപ സമ്പാദിക്കാൻ ഉദ്ദേശിക്കുന്നതെങ്കിൽ പ്രതിമാസം 7,442 രൂപ നിക്ഷേപിച്ചാൽ മതി.