ഈ എഫ്.ഡികളിൽ 3 ലക്ഷവും 5 ലക്ഷവും നിക്ഷേപിച്ചാൽ എത്ര രൂപ മെച്യൂരിറ്റിയായി ലഭിക്കും? പലിശ നിരക്ക് അറിയാം

2025ൽ തുടർച്ചയായ രണ്ട് തവണയാണ് ആർബിഐ റിപ്പോ നിരക്ക് കുറച്ചത്. രണ്ട് തവണയുമായി 50 ബേസിസ് പോയിൻ്റ് കുറച്ചിട്ടുണ്ട്. ഇതിനു പിന്നാലെ ഇന്ത്യയിലെ പ്രമുഖ ബാങ്കുകളെല്ലാം അവരുടെ സ്ഥിര നിക്ഷേപങ്ങളുടെ പലിശ നിരക്കും കുറച്ചു. ഇനി നിക്ഷേപിക്കാൻ പ്ലാനിടുന്നവർ ഈ പരിഷ്കരിച്ച നിരക്കുകൾ അറിഞ്ഞിരിക്കണം. എസ്‌ബി‌ഐ, ഐ‌സി‌ഐ‌സി‌ഐ ബാങ്ക്, എച്ച്‌ഡി‌എഫ്‌സി എന്നീ ബാങ്കുകളുടെ പലിശ നിരക്കിലും മാറ്റം വന്നിട്ടുണ്ട്. ഈ ബാങ്കുകളുടെ ഏറ്റവും പുതിയ പലിശ നിരക്കുകൾ പരിശോധിക്കാം...

ഈ പുതുക്കിയ പലിശ നിരക്കുകൾ അനുസരിച്ച് മൂന്ന് ബാങ്കുകളുടേയും 1 വർഷവും 3 വർഷവും കാലാവധിയുള്ള എഫ്.ഡിയിൽ 3 ലക്ഷം, 5 ലക്ഷം എന്നിങ്ങനെ നിക്ഷേപിച്ചാൽ സാധാരണ നിക്ഷേപകന് എത്ര രൂപ വരുമാനം ലഭിക്കുമെന്ന് നോക്കാം;

1. എസ്‌ബി‌ഐ എഫ്ഡിയുടെ പുതുക്കിയ നിരക്കുകൾ

• 1 വർഷത്തെ എഫ്.ഡി

സാധാരണ നിക്ഷേപകർക്ക്: 6.70 ശതമാനം

മുതിർന്ന പൗരന്മാർക്ക്: 7.20 ശതമാനം

• 3 വർഷത്തെ എഫ്.ഡി

സാധാരണ നിക്ഷേപകർക്ക്: 6.75 ശതമാനം

മുതിർന്ന പൗരന്മാർക്ക്: 7.25 ശതമാനം

2. ഐസിഐസിഐ ബാങ്ക് പുതുക്കിയ എഫ്ഡി പലിശ നിരക്കുകൾ

• 1 വർഷത്തെ എഫ്.ഡി

സാധാരണ നിക്ഷേപകർക്ക്: 6.70 ശതമാനം

മുതിർന്ന പൗരന്മാർക്ക്: 7.20 ശതമാനം

• 3 വർഷത്തെ എഫ്.ഡി

സാധാരണ നിക്ഷേപകർക്ക്: 6.90 ശതമാനം

മുതിർന്ന പൗരന്മാർക്ക്: 7.40 ശതമാനം

3. എച്ച്ഡിഎഫ്‌സി ബാങ്ക് പുതുക്കിയ എഫ്.ഡി പലിശ നിരക്കുകൾ

• 1 വർഷത്തെ എഫ്.ഡി

സാധാരണ നിക്ഷേപകർക്ക്: 6.60 ശതമാനം

മുതിർന്ന പൗരന്മാർക്ക്: 7.10 ശതമാനം

• 3 വർഷത്തെ എഫ്.ഡി

സാധാരണ നിക്ഷേപകർക്ക്: 6.75 ശതമാനം

മുതിർന്ന പൗരന്മാർക്ക്: 7.25 ശതമാനം

എസ്ബിഐ എഫ്.ഡിയിൽ 3 ലക്ഷവും 5 ലക്ഷവും നിക്ഷേപിച്ചാൽ നേട്ടം എത്ര?

1 വർഷത്തെ കാലാവധിയുള്ള എഫ്.ഡിയിൽ നിങ്ങൾ 3 ലക്ഷം നിക്ഷേപിച്ചാൽ കാലാവധി പൂർത്തിയാവുമ്പോൾ ലഭിക്കുന്നത് 3,20,610.68 രൂപയാണ്. അതായത് പലിശ മാത്രം 20,610 രൂപ നേടാം. ഇതേ കാലയളവിൽ നിങ്ങൾ 5 ലക്ഷം നിക്ഷേപിച്ചാൽ ലഭിക്കുന്ന മെച്യൂരിറ്റി തുക 5,34,351.13 രൂപയായിരിക്കും.

ഒരു പക്ഷേ നിങ്ങൾ 3 വർഷത്തേക്ക് 3 ലക്ഷത്തിൻ്റെ നിക്ഷേപം നടത്തിയാൽ കാലാവധി പൂർത്തിയാവുമ്പോൾ ലഭിക്കുന്നത് 3,68,344.03 രൂപയാണ്. അതായത് ഇവിടെ പലിശയിനത്തിൽ ലഭിക്കുന്നത് 68,344 രൂപയാണ്. എന്നാൽ ഇതേ കാലാവധിയിൽ നിങ്ങൾ 5 ലക്ഷം നിക്ഷേപിച്ചാൽ 6,13,906.72 രൂപ മെച്യൂരിറ്റി തുകയായി ലഭിക്കുന്നു.

ഐസിഐസിഐ ബാങ്ക് എഫ്.ഡിയിൽ 3 ലക്ഷവും 5 ലക്ഷവും നിക്ഷേപിച്ചാൽ നേട്ടം എത്ര?

ഈ എഫ്.ഡിയിൽ നിങ്ങൾ ഒരു വർഷത്തേക്ക് 3 ലക്ഷം നിക്ഷേപിച്ചാൽ ലഭിക്കുന്ന മൊത്തം നേട്ടം 3,20,610.68 രൂപയാണ്. ഇവിടെ 20,610 രൂപ പലിശ ലഭിക്കുന്നു. എന്നാൽ ഇതേ കാലാവധിയിൽ 5 ലക്ഷം നിക്ഷേപിച്ചാൽ കാലാവധി പൂർത്തിയാവുമ്പോൾ ലഭിക്കുന്ന മൊത്തം നേട്ടം 5,34,351.13 രൂപയാണ്.

മൂന്ന് വർഷത്തെ എഫ്.ഡിയിൽ നിങ്ങൾ 3 ലക്ഷം നിക്ഷേപിച്ചാൽ കാലാവധി അവസാനിക്കുമ്പോൾ നിങ്ങൾക്ക് മൊത്തം 3,68,344.03 രൂപ ലഭിക്കും. എന്നാൽ മൂന്ന് വർഷത്തേക്ക് 5 ലക്ഷം നിക്ഷേപിച്ചാൽ നിങ്ങൾക്ക് ലഭിക്കുന്ന മൊത്തം നേട്ടം 6,13,906.72 രൂപയായിരിക്കും.

എച്ച്ഡിഎഫ്സി ബാങ്ക് എഫ്.ഡിയിൽ 3 ലക്ഷവും 5 ലക്ഷവും നിക്ഷേപിച്ചാൽ നേട്ടം എത്ര?

ഒരു വർഷത്തേക്ക് ഈ എഫ്.ഡിയിൽ നിങ്ങൾ 3 ലക്ഷം നിക്ഷേപിച്ചാൽ ലഭിക്കുന്ന മൊത്തം നേട്ടം 3,20,295.46 രൂപയാണ്. ഇതേ കാലാവധിയിൽ 5 ലക്ഷം നിക്ഷേപിച്ചാൽ നിങ്ങൾക്ക് മൊത്തം 5,33,825.77 രൂപ ഉറപ്പാക്കാം.

എന്നാൽ മൂന്ന് വർഷത്തെ കാലാവധിയിൽ നിങ്ങൾ 3 ലക്ഷം നിക്ഷേപിച്ചാൽ ലഭിക്കുന്ന മെച്യൂരിറ്റി തുക 3,66,717.89 രൂപയാണ്. ഇതേ കാലാവധിയിൽ നിങ്ങൾ 5 ലക്ഷം നിക്ഷേപിച്ചാൽ ലഭിക്കുന്ന മൊത്തം നേട്ടം 6,11,196.48 രൂപയാണ്.