Just In
-
-
-
-
Don't Miss
-
കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ -
'അബ്ദുൾ റഹീമിന്റെ കഥ സിനിമയാക്കുന്നതിൽ പിന്മാറാൻ തയ്യാർ, നിമിഷ പ്രിയയെ പറ്റി പഠിക്കുകയാണ്'; ബോ.ചെ -
വിളിച്ചാല് വിളിപ്പുറത്തെത്തും; കാര്യസിദ്ധിക്ക് പേരുകേട്ട ഇന്ത്യയിലെ പ്രധാന ഹനുമാന് ക്ഷേത്രങ്ങള് -
IPL 2024: കണക്കുവീട്ടാന് സിഎസ്കെ, ജയം തുടരാന് ലഖ്നൗ- ടോസ് 7 മണിക്ക് -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മ്യൂച്വല്‍ ഫണ്ടുകള്‍ മികച്ച പ്രകടനം കാഴ്ച വച്ചില്ലെങ്കില്‍ ഇനി അതില്‍ നിക്ഷേപം നടത്തിയവരുടേത് മാത്രമല്ല ഫണ്ട് മാനേജര്‍മാര്‍ക്കും പണി' കിട്ടും. സെബി (സെക്യൂരിറ്റീസ് ആന്റ് എക്‌സചേഞ്ച് ബോഡ് ഓഫ് ഇന്ത്യയുടെ പുതിയ നയ പ്രകാരം ഇനി മുതല്‍ മ്യൂച്വല്‍ ഫണ്ട് ഹൗസുകളിലെ ഉന്നത ഉദ്യോഗസ്ഥരുടെ വേതനത്തിന്റെ ചുരുങ്ങിയത് അഞ്ചില്‍ ഒരു ഭാഗമെങ്കിലും അവര്‍ മാനേജ് ചെയ്യുന്ന ഫണ്ടിന്റെ യൂണിറ്റായാകണം നല്‍കേണ്ടത്. ഇതോടെ ഫണ്ടുകളുടെ പ്രകടനം മോശമായാല്‍ നിക്ഷേപകന് മാത്രമല്ല പണ നഷ്ടമുണ്ടാവുക ഫണ്ട് മാനേജര്‍മാര്‍ക്കും നഷ്ടം നേരിടേണ്ടി വരുമെന്നര്‍ഥം.
ശമ്പളം, ആനുകൂല്യങ്ങള്‍, ബോണസ് തുടങ്ങിയവയുള്‍പ്പടെ ആകെ ശമ്പളത്തിന്റെ 20 ശതമാനമെങ്കിലും ഈ രീതിയില്‍ നല്‍കേണ്ടിവരും. ചീഫ് എക്സിക്യൂട്ടീവ് ഓഫീസര്‍, ചീഫ് ഇന്‍വെസ്റ്റുമെന്റ് ഓഫീസര്‍, ഫണ്ട് മാനേജര്‍, റിസര്‍ച്ച് അനലിസ്റ്റുകള്‍, ചീഫ് ഓപ്പറേറ്റിങ് ഓഫീസര്‍ എന്നിവരുടെ ശമ്പളമാണ് ഈ രീതിയില്‍ ക്രമീകരിക്കുക. അവരുടെ ശമ്പളത്തില്‍ ഒരു ഭാഗം ഇനി നിക്ഷേപമായാണ് നല്‍കുക.
ഫണ്ടുകളുടെ പ്രകടനത്തില്‍ നേതൃ സ്ഥാനത്തിരിക്കുന്നവരുടെ പ്രകടനം മികവുറ്റതാക്കാനാണ് ഈ നീക്കം. 32 ലക്ഷം കോടി രൂപയുടെ വലിപ്പമുള്ള ഇന്ത്യന്‍ മ്യൂച്വല്‍ ഫണ്ട് ഇന്‍ഡസ്ട്രയില്‍ സെബിയുടെ ഈ നീക്കം ദൂരവ്യാപക ഫലങ്ങളുണ്ടാക്കും. മ്യൂച്വല്‍ ഫണ്ടുകളുടെ അസറ്റ് അലോക്കേഷനില്‍ സംഭവിക്കുന്ന പിഴവുകളാല്‍ നിരവധി മ്യൂച്വല്‍ ഫണ്ട് നിക്ഷേപകര്‍ക്ക് സാമ്പത്തിക നഷ്ടം സംഭവിക്കാറുണ്ട്. ചില ഫണ്ടുകള്‍ മികച്ച പ്രകടനം കാഴ്ചവെയ്ക്കുമ്പോള്‍ മറ്റ് ചിലത് നിക്ഷേപകര്‍ക്ക് നേട്ടം സമ്മാനിച്ചിരുന്നില്ല. സെബിയുടെ പുതിയ നീക്കത്തെ തുടര്‍ന്ന് ഫണ്ട് മാനേജര്‍മാര്‍ അസറ്റ് അലോക്കേഷന്റെ കാര്യത്തില്‍ കൂടുതല്‍ ശ്രദ്ധ ചെലുത്തിയേക്കും.
ഉദ്യോഗസ്ഥരുടെ വേതനത്തിന്റെ ഭാഗമായി എല്ലാമാസവും മ്യൂച്വല്‍ ഫണ്ട് യൂണിറ്റുകള്‍ അവര്‍ക്ക് അലോട്ട് ചെയ്യണം. അത്തരം യൂണിറ്റുകള്‍ക്ക് മൂന്നുവര്‍ഷം ലോക്ക് ഇന്‍ പിരീഡുണ്ട്. തെറ്റായ നീക്കങ്ങള്‍ വല്ലതും നടത്തിയതായി ശ്രദ്ധയില്‍പ്പെട്ടാല്‍ നിക്ഷേപം തിരിച്ചു നല്‍കണം. ഓപ്പണ്‍ എന്‍ഡഡ് സ്‌കീമുകള്‍, ഇടിഎഫുകള്‍ എന്നിവയ്ക്കും ഇത് ബാധകമാണ്. ക്ലോസ് എന്‍ഡഡ് സ്‌കീമുകള്‍ക്കുള്ള ചട്ടങ്ങള്‍ വേറെ പുറത്തിറക്കും. അടിയന്തര സാഹചര്യംവന്നാല്‍ യൂണിറ്റുകള്‍ പണയംവെച്ച് വായ്പയെടുക്കാന്‍ അനുവദിക്കും. ജൂലായ് ഒന്നുമുതലാണ് പുതിയ ചട്ടം പ്രാബല്യത്തില്‍ വരിക.
