9.10% വരെ പലിശ നേടാം: വെറും 6,66,666 രൂപ നിക്ഷേപിച്ചാൽ ഉയർന്ന വരുമാനം ഏത് ബാങ്ക് എഫ്.ഡിയിൽ ലഭിക്കും?

സ്ഥിര നിക്ഷേപങ്ങൾ ജനകീയ നിക്ഷേപ പദ്ധതികളാണ്. സുരക്ഷിതമായി നിക്ഷേപിക്കാൻ ആ​ഗ്രഹിക്കുന്നവർക്ക് എഫ്ഡി അഥവാ സ്ഥിര നിക്ഷേപങ്ങൾ മികച്ച ഓപ്ഷനുകളാണ്. റിസർവ് ബാങ്ക് ഓഫ് ഇന്ത്യ 2025ൽ തുടർച്ചയായ രണ്ട് തവണയാണ് റിപ്പോ നിരക്ക് വെട്ടിക്കുറച്ചത്. ഇതോടെ രാജ്യത്തെ പല പ്രമുഖ ബാങ്കുകളും അവരുടെ എഫ്.ഡി പലിശ നിരക്കുകളും ​ഗണ്യമായി കുറച്ചിട്ടുണ്ട്. ഇത് നിക്ഷേപകർക്കിടയിൽ ഏറെ നിരാശയുണ്ടാക്കി.

കാരണം എഫ്.ഡിയിലൂടെ സ്ഥിരമായി വരുമാനം പ്രതീക്ഷിക്കുന്ന മുതിർന്ന പൗരൻമാർക്കാണ് ഇത് വലിയ പ്രതിസന്ധി സൃഷ്ടിച്ചത്. എന്നാൽ ചില ചെറുകിട ധനകാര്യ ബാങ്കുകൾ മുതിർന്ന പൗരന്മാർക്ക് 9.10 ശതമാനം വരെ ഉയർന്ന എഫ്ഡി നിരക്കുകൾ വാഗ്ദാനം ചെയ്യുന്നുണ്ട്. ഇത് നിക്ഷേപകർക്ക് വലിയ സാമ്പത്തിക നേട്ടം ഉറപ്പാക്കുന്നു.

മുതിർന്ന പൗരന്മാർക്ക് ഉയർന്ന എഫ്ഡി നിരക്കുകൾ വാഗ്ദാനം ചെയ്യുന്ന ചില ചെറുകിട ധനകാര്യ ബാങ്കുകളെക്കുറിച്ചും, 6,66,666 രൂപ നിക്ഷേപിച്ചാൽ ഓരോ ബാങ്കിലും കാലാവധി പൂർത്തിയാകുമ്പോൾ എത്ര തുക ലഭിക്കുമെന്നും വിശദമായി അറിയാം;

1. ജന സ്മോൾ ഫിനാൻസ് ബാങ്ക്

ഒരു വർഷം മുതൽ 3 വർഷം വരെ കാലാവധിയുള്ള എഫ്‌ഡികൾക്ക് ജന സ്‌മോൾ ഫിനാൻസ് ബാങ്ക് മുതിർന്ന പൗരന്മാർക്ക് 8.55 ശതമാനം വരെ പലിശ വാഗ്ദാനം ചെയ്യുന്നു.

ഈ ബാങ്കിൽ ഒരു മുതിർന്ന പൗരൻ 2 വർഷത്തേക്ക് 6,66,666 രൂപ നിക്ഷേപിച്ചാൽ നിക്ഷേപത്തിൻ്റെ കാലാവധി പൂർത്തിയാകുമ്പോൾ ലഭിക്കുന്ന മെച്യൂരിറ്റി തുക ഏകദേശം 7,89,569.01 രൂപയായിരിക്കും.

2. സൂര്യോദയ് സ്മോൾ ഫിനാൻസ് ബാങ്ക്

മുതിർന്ന പൗരന്മാർക്ക് 5 വർഷത്തെ കാലാവധിയിൽ 9.10 ശതമാനം പലിശ വാഗ്ദാനം ചെയ്യുന്നു. നിലവിൽ ഏറ്റവും ഉയർന്ന എഫ്.ഡി നിരക്ക് വാ​ഗ്ദാനം ചെയ്യുന്നതും ഈ ബാങ്കാണ്.

ഈ പലിശ നിരക്ക് പ്രകാരം സൂര്യോദയ് സ്മോൾ ഫിനാൻസ് ബാങ്കിൽ മുതിർന്ന പൗരൻമാർ 5 വർഷത്തെ കാലാവധിയിൽ 6,66,666 രൂപയുടെ നിക്ഷേപം നടത്തിയാൽ ഏകദേശം 10,45,437.49 രൂപ മെച്യൂരിറ്റി തുക ലഭിക്കും.

Take a Poll

3. യൂണിറ്റി സ്മോൾ ഫിനാൻസ് ബാങ്ക്

യൂണിറ്റി സ്മോൾ ഫിനാൻസ് ബാങ്ക് മുതിർന്ന പൗരന്മാർക്കുള്ള 1001 ദിവസത്തെ പ്രത്യേക എഫ്‌ഡിയ്ക്ക് 9.10 ശതമാനം വരെ പലിശ വാഗ്ദാനം ചെയ്യുന്നു.

1001 ദിവസത്തെ പ്രത്യേക എഫ്.ഡിയിൽ 6,66,666 രൂപ നിക്ഷേപിച്ചാൽ മുതിർന്ന പൗരൻമാർക്ക് കാലാവധി പൂർത്തിയാകുമ്പോൾ ലഭിക്കുന്നത് 8,53,253.84 രൂപയായിരിക്കും.

4. ഉത്കർഷ് സ്മോൾ ഫിനാൻസ് ബാങ്ക്

ഉത്കർഷ് സ്മോൾ ഫിനാൻസ് ബാങ്കിൽ 2 മുതൽ 3 വർഷം വരെ കാലാവധിയുള്ള എഫ്ഡികളിൽ നിക്ഷേപിച്ചാൽ 8.75 ശതമാനം പലിശ ലഭിക്കും.

ഈ പലിശ നിരക്ക് പ്രകാരം 3 വർഷത്തേക്ക് ഒരു മുതിർന്ന പൗരന് 6,66,666 രൂപ നിക്ഷേപിക്കുമ്പോൾ മെച്യൂരിറ്റിയായി ലഭിക്കുന്നത് 8,64,334 രൂപയായിരിക്കും.

5. നോർത്ത് ഈസ്റ്റ് സ്മോൾ ഫിനാൻസ് ബാങ്ക്

18 മാസം 1 ദിവസം മുതൽ 18 മാസം 2 ദിവസം വരെ കാലാവധിയുള്ള എഫ്‌ഡികൾക്ക് മുതിർന്ന പൗരന്മാർക്ക് 9 ശതമാനം വരെ പലിശ ഉറപ്പാക്കുന്നു.

18 മാസവും 1 ദിവസവും (549 ദിവസം) കാലാവധിയിൽ നോർത്ത് ഈസ്റ്റ് സ്മോൾ ഫിനാൻസ് ബാങ്കിൽ 6,66,666 രൂപ നിക്ഷേപിച്ചാൽ മുതിർന്ന പൗരൻമാർക്ക് കാലാവധി പൂർത്തിയാകുമ്പോൾ 7,61,975.76 രൂപ ഉറപ്പാക്കാം.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.