സ്ഥിര നിക്ഷേപത്തിന് കൂടുതൽ പലിശ വേണോ, മുതിർന്ന പൗരന്മാരുടെ പേരിൽ നിക്ഷേപിക്കൂ, പലിശ നിരക്കറിയാം

ഏറ്റവും ജനപ്രിയ നിക്ഷേപങ്ങളിലൊന്നാണ് സ്ഥിര നിക്ഷേപം. 7 ദിവസം മുതൽ 10 വർഷം വരെയുള്ള കാലാവധിയിൽ സ്ഥിര നിക്ഷേപം ലഭ്യമാണ്. അതുകൊണ്ടു തന്നെ നിക്ഷേപകർക്ക് അവർക്ക് ഏറ്റവും അനുയോജ്യമായ കാലാവധി തിരഞ്ഞെടുക്കാം. നിക്ഷേപം നടത്തുന്ന ബാങ്കിനേയും കാലാവധിയേയും അനുസരിച്ചാണ് പലിശ നിരക്ക്.

മുതിർന്ന പൗരന്മാരുടെ നിക്ഷേപത്തിന് സാധാരണ നൽകുന്നതിനേക്കാൾ കൂടുതൽ പലിശ ബാങ്കുകൾ വാഗ്ധാനം ചെയ്യാറുണ്ട്. വിവിധ ബാങ്കുകൾ 1,2,3 വർഷം എന്നീ കാലയളവിൽ നൽകുന്ന പലിശ നിരക്കുകൾ പരിശോധിക്കാം.

1. സ്റ്റേറ്റ് ബാങ്ക് ഓഫ് ഇന്ത്യ

ഒരു വർഷത്തിനുള്ളിൽ, മുതിർന്ന പൗരന്മാർക്ക് എസ്ബിഐ 7.30 ശതമാനം പലിശ നൽകുന്നു. 3 വർഷത്തെയും 5 വർഷത്തെയും എഫ്ഡികളിൽ ബാങ്ക് യഥാക്രമം 7.25 ശതമാനവും 7.50 ശതമാനവും പലിശനിരക്ക് നൽകുന്നു. ബാങ്കിൻ്റെ 400 ദിവസത്തെ അമൃത് കലാഷ് എഫ്ഡിയിൽ നിങ്ങൾക്ക് 7.10 ശതമാനം പലിശ നൽകുന്നു. അതേസമയം, മുതിർന്ന പൗരന്മാർക്ക് 7.60 ശതമാനം വരെ പലിശ നൽകുന്നുണ്ട്.

2. ബാങ്ക് ഓഫ് ബറോഡ

മുതിർന്ന പൗരന്മാർക്ക് ഒരു വർഷത്തിനുള്ളിൽ 7.35 ശതമാനവും മൂന്ന് വർഷത്തിൽ 7.65 ശതമാനവും അഞ്ച് വർഷത്തിനുള്ളിൽ 7.15 ശതമാനവും പലിശ നിരക്ക് ബാങ്ക് ഓഫ് ബറോഡ നൽകുന്നു.

3. ഐസിഐസിഐ

മുതിർന്ന പൗരന്മാർക്ക് ഒരു വർഷത്തിനുള്ളിൽ 7.20 ശതമാനവും മൂന്ന് വർഷത്തിൽ 7.50 ശതമാനവും അഞ്ച് വർഷത്തിനുള്ളിൽ 7.50 ശതമാനവും പലിശ നിരക്ക് ഐസിഐസിഐ വാഗ്ദാനം ചെയ്യുന്നു.

4. ആക്സിസ് ബാങ്ക്

മുതിർന്ന പൗരന്മാർക്ക് ഒരു വർഷത്തിൽ 7.20 ശതമാനവും മൂന്ന് വർഷത്തിൽ 7.60 ശതമാനവും അഞ്ച് വർഷത്തിനുള്ളിൽ 7.75 ശതമാനവും പലിശ നിരക്ക് ആക്സിസ് ബാങ്ക് വാഗ്ദാനം ചെയ്യുന്നു.

5. കാനറ ബാങ്ക്

കാനറ ബാങ്ക് മുതിർന്ന പൗരന്മാർക്ക് ഒരു വർഷത്തിൽ 7.35 ശതമാനവും മൂന്ന് വർഷത്തിൽ 7.30 ശതമാനവും അഞ്ച് വർഷത്തിൽ 7.20 ശതമാനവും പലിശ നിരക്ക് വാഗ്ദാനം ചെയ്യുന്നു.

6. എച്ച്‌ഡിഎഫ്‌സി ബാങ്ക്

എച്ച്‌ഡിഎഫ്‌സി ബാങ്ക് മുതിർന്ന പൗരന്മാർക്ക് ഒരു വർഷത്തിനുള്ളിൽ 7.10 ശതമാനവും മൂന്ന് വർഷത്തിനുള്ളിൽ 7.50 ശതമാനവും അഞ്ച് വർഷത്തിനുള്ളിൽ 7.50 ശതമാനവും പലിശ നിരക്ക് വാഗ്ദാനം ചെയ്യുന്നു.

7. പഞ്ചാബ് നാഷണൽ ബാങ്ക്

മുതിർന്ന പൗരന്മാർക്ക് ഒരു വർഷത്തിനുള്ളിൽ 7.30 ശതമാനവും മൂന്ന് വർഷത്തിനുള്ളിൽ 7.50 ശതമാനവും അഞ്ച് വർഷത്തിനുള്ളിൽ 7.00 ശതമാനവും പലിശ നിരക്ക് പഞ്ചാബ് നാഷണൽ ബാങ്ക് വാഗ്ധാനം ചെയ്യുന്നു.

സ്ഥിര നിക്ഷേപം - നേട്ടങ്ങൾ

പലിശ നിരക്കിന് പുറമേ ബാങ്ക് സ്ഥിര നിക്ഷേപങ്ങള്‍ മറ്റ് ചില നേട്ടങ്ങള്‍ കൂടി നിക്ഷേപകന് നല്‍കുന്നുണ്ട്. അവ എന്തൊക്കെയാണെന്ന് നമുക്ക് നോക്കാം. ബാങ്ക് സ്ഥിര നിക്ഷേപങ്ങള്‍ക്ക് മേല്‍ നിക്ഷേപകന് ഓവര്‍ ഡ്രാഫ്റ്റ് സൗകര്യം ലഭിക്കുവാന്‍ അര്‍ഹതയുണ്ട്. അടിയന്തിരമായ സാമ്പത്തിക ആവശ്യങ്ങള്‍ മുന്നിലെത്തുമ്പോള്‍ ഈ ഓവര്‍ ഡ്രാഫ്റ്റ് സൗകര്യം നിക്ഷേപന് ഉപയോഗപ്പെടുത്താം. ഇന്ന് പല ബാങ്കുകളും സ്ഥിര നിക്ഷേപങ്ങള്‍ക്ക് മേല്‍ പല വാല്യൂ ആഡഡ് സേവനങ്ങളും വാഗ്ദാനം ചെയ്യുന്നുണ്ട്.

1991ലെ ആദായ നികുതി നിയമത്തിലെ 80സി വകുപ്പ് പ്രകാരം നിക്ഷേപകര്‍ക്ക് നികുതി ഇളവിന് ആര്‍ഹതയുണ്ട്. മറ്റ് ആസ്തി നിക്ഷേപങ്ങളെ പോലെ സ്ഥിര നിക്ഷേപങ്ങളില്‍ നിന്ന് ലഭിക്കുന്ന ആദായത്തില്‍ വ്യതിയാനങ്ങള്‍ ഉണ്ടാകില്ല. ചെറിയ പ്രായത്തില്‍ തന്നെ ഒരു വ്യക്തിയില്‍ നിക്ഷേപ സമ്പാദ്യ ശീലങ്ങള്‍ വളര്‍ത്തുവാന്‍ സ്ഥിര നിക്ഷേപങ്ങള്‍ കാരണമാകുന്നു.