ഈ ബാങ്കിൽ എഫ്.ഡിക്ക് 9% കൂടുതൽ പലിശയുണ്ട്; 60 വയസ് കഴിഞ്ഞാൽ ഇതിലും നല്ല ഓപ്ഷൻ വേറെയില്ല

ജോലിയിൽ നിന്ന് വിരമിച്ചതിനു ശേഷം മുന്നോട്ടുള്ള ജീവിതം സുരക്ഷിതമാക്കാൻ രാജ്യത്തെ മുതിർന്ന പൗരൻമാർക്ക് സമ്പാദ്യ ശീലം ഉണ്ടാവുന്നത് നല്ലതാണ്. ഓരോ മാസവും ചെറിയൊരു തുക ശമ്പളമായി ലഭിച്ചാൽ ദൈനംദിന ആവശ്യങ്ങൾ നിറവേറ്റപ്പെടും. ചെറിയ തുകയും വലിയ തുകയും നിക്ഷേപം നടത്തുന്നത് ആകർഷകമായ റിട്ടേണുകൾ നൽകുന്നു. ദീർഘകാലത്തെ നിക്ഷേപങ്ങളും ഭാവി സുരക്ഷിതമാക്കുന്നു. എന്നാൽ മുതിർന്ന പൗരൻമാർക്ക് റിസ്ക് ഇല്ലാത്ത സ്ഥിര നിക്ഷേപങ്ങൾ അഥവാ എഫ്.ഡി സ്കീമുകളിൽ നിക്ഷേപിക്കുന്നതാണ് ഏറ്റവും ഉത്തമം.

എഫ്.ഡിയിൽ ഒറ്റത്തവണയായി പണം നിക്ഷേപിച്ചാൽ പലിശ രൂപത്തിൽ വരുമാനം നേടാം. പ്രതിമാസത്തിലോ, മൂന്ന് മാസത്തേക്കോ അല്ലെങ്കിൽ വാർഷിക അടിസ്ഥാനത്തിലോ ആണ് പലിശ ലഭിക്കുന്നത്. സാധാരണക്കാരെ അപേക്ഷിച്ച് മുതിർന്ന പൗരന്മാർക്ക് പൊതുവേ എഫ്.ഡിക്ക് ഉയർന്ന പലിശ നിരക്ക് വാ​ഗ്ദാനം ചെയ്യുന്നുണ്ട്.

നിലവിൽ എല്ലാവർക്കും ന്യായമായ പലിശ നിരക്ക് ലഭിക്കുന്നുണ്ട്. എന്നാൽ ഈ ബാങ്കുകൾ മാത്രമാണ് അധിക പലിശ ഉറപ്പ് നൽകുന്നത്. എഫ്.ഡിക്ക് ഏറ്റവും അധികം പലിശ നൽകുന്ന രാജ്യത്തെ സ്മോൾ ഫിനാൻസ് ബാങ്കുകൾ ഇതാണ്;

യൂണിറ്റി സ്മോൾ ഫിനാൻസ് ബാങ്ക്

രാജ്യത്ത് എഫ്.ഡിക്ക് ഏറ്റവും ഉയർന്ന പലിശ നൽകുന്നത് യൂണിറ്റി സ്മോൾ ഫിനാൻസ് ബാങ്കാണ്. ഇവിടെ 1001 ദിവസത്തെ എഫ്.ഡിക്ക് സാധാരണക്കാർക്ക് 9% വാർഷിക പലിശയും മുതിർന്ന പൗരന്മാർക്ക് 9.5% വാർഷിക പലിശയും ഉറപ്പ് നൽകുന്നു. 1 വർഷത്തേക്കുള്ള നിക്ഷേപങ്ങൾക്ക് 7.85% പലിശയാണ് നൽകുന്നത്. എന്നാൽ അത് 3 വർഷത്തെ കാലാവധിയാവുമ്പോൾ 8.15 ശതമാനവും 5 വർഷത്തെ എഫ്.ഡിക്ക് യിൽ 8.15ശതമാനവും പലിശയാണ് വാ​ഗ്ദാനം ചെയ്യുന്നത്. സാധാരണക്കാരെ അപേക്ഷിച്ച് മിക്ക ബാങ്കുകളും മുതിർന്ന പൗരന്മാർക്ക് സ്ഥിര നിക്ഷേപങ്ങൾക്ക് 0.50% അധിക പലിശ വാഗ്ദാനം ചെയ്യുന്നു.

നോർത്ത് ഈസ്റ്റ് സ്മോൾ ഫിനാൻസ് ബാങ്ക്

1111 ദിവസത്തെ കാലയളവിലേക്ക് സാധാരണക്കാർക്ക് 9% വാർഷിക പലിശയാണ് നോർത്ത് ഈസ്റ്റ് സ്മോൾ ഫിനാൻസ് ബാങ്ക്
ഉറപ്പ് നൽകുന്നത്. എന്നാൽ അത് മുതിർന്ന പൗരന്മാർക്ക് 9.5% പലിശ നിരക്കിൽ ലഭിക്കുന്നു. മാത്രമല്ല 1 വർഷത്തെ കാലയളവിലേക്ക് എഫ്.ഡി നിക്ഷേപിച്ചാൽ സാധാരണക്കാർക്ക് 7% പലിശ ലഭിക്കുന്നു. 3 വർഷത്തേക്ക് 9% വും 5 വർഷത്തേക്ക് 6.25% പലിശയും നൽകുന്നു.

 

സൂര്യോദയ് സ്‌മോൾ ഫിനാൻസ് ബാങ്ക്

ഈ ബാങ്കിൽ നിങ്ങളുടെ എഫ്.ഡി നിക്ഷേപിച്ചാൽ 2 വർഷം 2 ദിവസത്തെ കാലാവധിയിലേക്ക് സാധാരണക്കാർക്ക് 8.65% പലിശ ലഭിക്കുന്നു. ഇത് മുതിർന്ന പൗരന്മാർക്ക് 9.15% പലിശ നിരക്കിലാണ് ഉറപ്പ് നൽകുന്നത്. 6.85% പലിശ നിരക്കിൽ 1 വർഷത്തേക്ക് നിക്ഷേപിക്കാം. 3 വർഷത്തെ എഫ്.ഡി നിക്ഷേപത്തിന് 8.60% പലിശയും 5 വർഷത്തെ എഫ്.ഡിക്ക് 8.25% പലിശയും നൽകുന്നു.

ഉത്കർഷ് ബാങ്ക്

ഈ ബാങ്കുകൾ 2-3 വർഷത്തെ കാലയളവിൽ എഫ്.ഡികൾക്ക് 8.5% പലിശ വാഗ്ദാനം ചെയ്യുന്നു. മുതിർന്ന പൗരന്മാർക്ക് 9.10% പലിശയാണ് ലഭിക്കുന്നത്.

സുരക്ഷിതമായ സമ്പാദ്യത്തിനൊപ്പം മികച്ച റിട്ടേണും ലഭിക്കുന്ന നിക്ഷേപ പദ്ധതിയാണ് എഫ്.ഡി. മാത്രമല്ല മറ്റു നിക്ഷേപങ്ങളെ പോലെ യാതൊരു അപകടവും എഫ്.ഡിക്കില്ല. ദീർഘകാല പദ്ധതികൾക്ക് നിക്ഷേപിക്കാൻ ഓപ്ഷൻ ഉണ്ടെങ്കിലും മുതിർന്ന പൗരൻമാർക്ക് ദീർഘകാലത്തേക്കുള്ള പദ്ധതികൾ പ്രയാസമേറിയതാവും. അതിനാൽ എഫ്.ഡി നിക്ഷേപമാണ് ഏറ്റവും അനുയോജ്യം.