Senior Citizen FD: 60 കഴിഞ്ഞവർക്ക് മികച്ച അവസരം! ഈ പ്രമുഖ ബാങ്കുകൾ എഫ്ഡിക്ക് ഉയർന്ന പലിശ നൽകുന്നു

പ്രായം വർദ്ധിക്കുമ്പോൾ പണത്തിൻ്റെ ആവശ്യവും വർദ്ധിക്കുന്നു. 60 വയസ്സിനു ശേഷം ഒരു മുതിർന്ന പൗരനായാൽ ആശുപത്രി ചിലവുകളുൾപ്പെടെ നിരവധി ആവശ്യങ്ങൾ മുൻകൂട്ടി കാണേണ്ടതുണ്ട്. ജോലിയിൽ നിന്നും വിരമിക്കുന്ന ഈ സമയത്ത് അതുവരെയുണ്ടായിരുന്ന സമ്പാദ്യം മുഴുവൻ അനാവശ്യമായി ചിലവഴിക്കുന്നതിനു പകരം സുരക്ഷിതമായ സ്കീമുകളിൽ നിക്ഷേപിക്കുന്നത് ഉചിതമായിരിക്കും. അത്തരത്തിൽ അപകട സാധ്യത വളരെ കുറഞ്ഞ പദ്ധതിയാണ് സ്ഥിര നിക്ഷേപം അഥവാ എഫ്ഡി.

സാധാരണ നിക്ഷേപകരെ അപേക്ഷിച്ച് എഫ്ഡിയിൽ മുതിർന്ന പൗരന്മാർക്ക് ഉയർന്ന പലിശ നിരക്കാണ് വാ​ഗ്ദാനം ചെയ്യുന്നത്. ഇത് റിട്ടയർമെന്റിന് ശേഷം അവർക്ക് സുരക്ഷിതമായ സമ്പാദ്യ ശീലം വളർത്താൻ സഹായിക്കും. ഓരോ ബാങ്കും വ്യത്യസ്ത പലിശ നിരക്കോടെയാണ് സ്ഥിര നിക്ഷേപങ്ങൾ വാ​ഗ്ദാനം ചെയ്യുന്നത്. എങ്കിലും ആർബിഐ അടിസ്ഥാന പലിശ നിരക്ക് കുറഞ്ഞ നിരക്കിൽ നിലനിർത്തിയതിനാൽ സ്ഥിര നിക്ഷേപങ്ങളുടെ പലിശ നിരക്കും വളരെ കുറവാണ്.

ഏറ്റവും പുതിയ ബാങ്ക്ബസാർ ഡാറ്റ പ്രകാരം, ഇന്ത്യയിലെ പ്രമുഖ ബാങ്കുകൾ 3 കോടി രൂപ വരെയുള്ള നിക്ഷേപങ്ങൾക്ക് 7% മുതൽ 7.5% വരെ പലിശ നിരക്ക് ഉറപ്പാക്കുന്ന സ്ഥിര നിക്ഷേപ പദ്ധതികൾ നൽകുന്നുണ്ട്. ഓരോ ബാങ്ക് എഫ്ഡിയും അതിൻ്റെ പലിശ നിരക്കും അറിയാം;

ഇൻഡസ്ഇൻഡ് ബാങ്ക്: സ്വകാര്യ ബാങ്കുകളിൽ ഏറ്റവും ഉയർന്ന എഫ്ഡി നിരക്ക് ഈ ബാങ്ക് വാഗ്ദാനം ചെയ്യുന്നു. 6 മുതൽ 12 മാസം വരെ കാലാവധിയുള്ള എഫ്ഡിക്ക് മുതിർന്ന പൗരൻമാർക്ക് 7.5% പലിശ നിരക്കാണ് നിലവിൽ വാ​ഗ്ദാനം ചെയ്യുന്നത്.

ആക്സിസ് ബാങ്ക്: 5 മുതൽ 10 വർഷം വരെ കാലാവധിയുള്ള എഫ്ഡികളിൽ മുതിർന്ന പൗരന്മാർക്ക് 7.35% പലിശ ലഭിക്കും.

എച്ച്ഡിഎഫ്‌സി ബാങ്ക്: ഇന്ത്യയിലെ ഏറ്റവും വലിയ സ്വകാര്യ ബാങ്കായ എച്ച്ഡിഎഫ്‌സി 18 മുതൽ 21 മാസം വരെ കാലാവധിയുള്ള എഫ്ഡിയിൽ മുതിർന്ന പൗരന്മാർക്ക് നൽകുന്ന പലിശ നിരക്ക് 7.10 ശതമാനമാണ്.

ഐസിഐസിഐ ബാങ്ക്: ഈ സ്വകാര്യ ബാങ്ക് 2 വർഷം മുതൽ 1 ദിവസം വരെ കാലാവധിയുള്ള സ്ഥിര നിക്ഷേപങ്ങളിൽ മുതിർന്ന പൗരന്മാർക്ക് 7.10% പലിശ നിരക്ക് വാഗ്ദാനം ചെയ്യുന്നു.

കൊട്ടക് മഹീന്ദ്ര ബാങ്ക്: മുതിർന്ന പൗരന്മാർക്ക് 391 ദിവസം മുതൽ 23 മാസം വരെ കാലാവധിയുള്ള എഫ്‌ഡികൾക്ക് കൊട്ടക് മഹീന്ദ്ര 7.10% പലിശ വാഗ്ദാനം ചെയ്യുന്നു.

യൂണിയൻ ബാങ്ക് ഓഫ് ഇന്ത്യ, ബാങ്ക് ഓഫ് ബറോഡ, പഞ്ചാബ് നാഷണൽ ബാങ്ക്: ഈ മൂന്ന് പൊതുമേഖലാ ബാങ്കുകളും മുതിർന്ന പൗരന്മാർക്കുള്ള എഫ്ഡിക്ക് 7.10% പലിശ നിരക്ക് വാഗ്ദാനം ചെയ്യുന്നു.

എസ്‌ബി‌ഐ: ഏറ്റവും വലിയ പൊതുമേഖലാ ബാങ്കായ എസ്ബിഐ 5 മുതൽ 10 വർഷം വരെ കാലാവധിയുള്ള എഫ്ഡിക്ക് 7.05% പലിശ നൽകുന്നു.

നിങ്ങളുടെ പ്രായം 60 കഴിഞ്ഞെങ്കിൽ ഈ പ്രമുഖ ബാങ്കുകൾ വാ​ഗ്ദാനം ചെയ്യുന്ന സ്ഥിര നിക്ഷേപങ്ങൾ തിരഞ്ഞെടുക്കുന്നത് നല്ലതാണ്. നിങ്ങൾക്ക് റിട്ടയർമെൻ്റ് കാലത്ത് മികച്ച സാമ്പത്തിക നേട്ടം ഉറപ്പാക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.