SCSS: 2026ൽ സീനിയർ സിറ്റിസൺ സേവിംഗ്സ് സ്കീമിൽ നിക്ഷേപിക്കാൻ പ്ലാനുണ്ടോ? ഈ 5 കാര്യങ്ങൾ അറിഞ്ഞിരിക്കണം

2025 അവസാനിക്കുന്നു. ഇനി 2026ലേക്ക് എത്തുമ്പോൾ സാമ്പത്തിക കാര്യങ്ങളിൽ പിന്നോട്ട് പോകരുത്. പ്രായം 60 കഴിഞ്ഞെങ്കിൽ സുരക്ഷിതമായി നിക്ഷേപിക്കാൻ കൂടുതൽ നല്ലത് സീനിയർ സിറ്റിസൺ സേവിംഗ്സ് സ്കീം (SCSS) തന്നെയാണ്. ഇത് സർക്കാർ പിന്തുണയുള്ള പദ്ധതിയായതിനാൽ സ്ഥിരമായ നേട്ടം ഉറപ്പാക്കാം. നിലവിൽ ഈ പദ്ധതിയിൽ കാര്യമായ പരിഷ്കരണങ്ങളൊന്നും പ്രഖ്യാപിച്ചിട്ടില്ല. എങ്കിലും 2026ലെത്തുമ്പോൾ സീനിയർ സിറ്റിസൺ സേവിംഗ്സ് സ്കീമിൽ നിക്ഷേപിക്കുന്നുണ്ടെങ്കിൽ ചില കാര്യങ്ങൾ നിങ്ങൾ അറിഞ്ഞിരിക്കണം. വിശദമായി നോക്കാം;

1. 2026 ൽ പലിശ നിരക്ക് പരിഷ്കരിക്കുമോ?

ജനുവരി-മാർച്ച് പാദത്തിൽ സീനിയർ സിറ്റിസൺ സേവിംഗ്സ് സ്കീം പോലുള്ള ചെറുകിട സമ്പാദ്യ പദ്ധതികളുടെ പലിശ നിരക്കുകൾ പരിഷ്കരിച്ചേക്കാം. നിങ്ങൾ 2026ൽ ഈ സ്കീമിൽ നിക്ഷേപിക്കാൻ പ്ലാൻ ചെയ്യുന്നുണ്ടെങ്കിൽ നിരക്കുകളിലെ മാറ്റങ്ങളെ കുറിച്ചും അറി‍ഞ്ഞിരിക്കണം. നിലവിൽ 8.2% വാർഷിക പലിശയാണ് SCSS ഉറപ്പാക്കുന്നത്. നിങ്ങൾ ഉയർന്ന വരുമാനം ആ​ഗ്രഹിക്കുന്നുണ്ടെങ്കിൽ പലിശ നിരക്ക് പരിഷ്കരിക്കുന്നതിനു മുന്നേ വേ​ഗം നിക്ഷേപം ആരംഭിക്കുന്നതാണ് നല്ലത്.

2. സ്ഥിരമായ വരുമാനം

ജോലിയിൽ നിന്നും വിരമിച്ച ശേഷം നിങ്ങൾക്ക് സ്ഥിരമായ വരുമാനം തരുന്ന ഒരു നിക്ഷേപം ആവശ്യമെങ്കിൽ സീനിയർ സിറ്റിസൺ സേവിംഗ്സ് സ്കീം ഒരു മികച്ച തിരഞ്ഞെടുപ്പായിരിക്കും. ഓരോ മൂന്നു മാസത്തിലുമാണ് വരുമാനം ചേർക്കുന്നത്. ഇത് സ്ഥിരമായ നേട്ടം ഉറപ്പാക്കുന്നു.

സീനിയർ സിറ്റിസൺ സേവിംഗ്സ് സ്കീമിൽ പരമാവധി 30 ലക്ഷം രൂപയാണ് നിക്ഷേപിക്കാൻ സാധിക്കുന്നത്. ഇത് ഒറ്റത്തവണയായി നിക്ഷേപിക്കുന്ന രീതിയാണ്. എന്നാൽ ഭാര്യക്കും ഭർത്താവിനും ഒരുപോലെ രണ്ട് അക്കൗണ്ടുകൾ തുറക്കാൻ സാധിച്ചാൽ മൊത്തം 60 ലക്ഷം വരെ നിക്ഷേപിക്കാം.

4. കാലാവധി നീട്ടാം

സീനിയർ സിറ്റിസൺ സേവിംഗ്സ് സ്കീമിൽ 5 വർഷത്തെ കാലാവധിയിലാണ് നിക്ഷേപിക്കുന്നത്. ഈ കാലാവധി അവസാനിക്കുമ്പോൾ അത് നീട്ടാനുള്ള അവസരവുമുണ്ട്. അതായത് 5 വർഷത്തിനു ശേഷം 3 വർഷത്തേക്ക് കൂടി കാലാവധി നീട്ടാം. എക്സ്റ്റൻഡഡ് അക്കൗണ്ടുകൾക്ക് കാലാവധി പൂർത്തിയാകുന്ന തീയതിയിലോ അല്ലെങ്കിൽ നീട്ടിയ ഓരോ കാലാവധി പൂർത്തിയാകുന്ന തീയതിയിലോ ബാധകമായ നിരക്കിൽ പലിശ ലഭിക്കും.

5. നികുതി

സീനിയർ സിറ്റിസൺസ് സേവിംഗ്സ് സ്കീമിലെ നിക്ഷേപങ്ങൾക്ക് സെക്ഷൻ 80C പ്രകാരം 1.5 ലക്ഷം വരെ കിഴിവ് ലഭിക്കും. പക്ഷേ, നിങ്ങളുടെ നികുതി സ്ലാബിനെ ആശ്രയിച്ച്, ഇത് പൂർണ്ണമായും നികുതി വിധേയമായതിനാൽ നിങ്ങൾ പലിശ നൽകണം. 80TTB പ്രകാരം നിങ്ങൾക്ക് 50,000 രൂപ വരെ കിഴിവ് ക്ലെയിം ചെയ്യാം, എന്നാൽ നിങ്ങളുടെ പലിശ വരുമാനം 50,000 രൂപയിൽ കൂടുതലാണെങ്കിൽ, ബാങ്ക്/പോസ്റ്റ് ഓഫീസ് അധിക പലിശയിൽ TDS കുറയ്ക്കണം.

പുതിയ നികുതി വ്യവസ്ഥ പ്രകാരം പലിശ വരുമാനവും പെൻഷനും ഉൾപ്പെടെ 12 ലക്ഷം രൂപ വരെയുള്ള മൊത്തം വരുമാനത്തിൽ നിന്ന് മുതിർന്ന പൗരന്മാരെ ഒഴിവാക്കിയിട്ടുണ്ട്. അതിനാൽ നേട്ടം ഉറപ്പാക്കാം.

2026ൽ സീനിയർ സിറ്റിസൺ സേവിംഗ്സ് സ്കീമിൽ നിക്ഷേപിക്കുന്നതിനു മുന്നേ ഈ കാര്യങ്ങളെല്ലാം ശ്രദ്ധിക്കണം. സാമ്പത്തിക രം​ഗത്ത് വലിയ മാറ്റങ്ങളാണ് 2026ൽ സംഭവിക്കാൻ പോകുന്നത്. പ്രായമായവർക്ക് നിരവധി ആനുകൂല്യങ്ങൾ ലഭിക്കുമെങ്കിലും ഈ ആനുകൂല്യങ്ങളൊന്നും നഷ്ടമാവരുത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.