സ്ഥിര നിക്ഷേപം നോക്കുന്നോ.? റെക്കോർഡ് പലിശ ഈ ബാങ്ക് നൽകും, ഒപ്പം സർപ്രൈസും ഉണ്ട്

സുരക്ഷിതമായ സാമ്പത്തിക നിക്ഷേപങ്ങളിൽ ഒന്നാണ് സ്ഥിര നിക്ഷേപം. എന്നാൽ റിസർവ് ബാങ്ക് റിപ്പോ നിരക്കിന് അനുസരിച്ച് സ്ഥിര നിക്ഷേപത്തിന്‍റെ പലിശകളിൽ ബാങ്കുകൾ മാറ്റം വരുത്താറുണ്ട്. കഴിഞ്ഞ വർഷം ഡിസംബറിൽ റിസർവ് ബാങ്ക് റിപ്പോ നിരക്ക് കുറയ്ക്കാൻ തുടങ്ങിയതിനുശേഷം ബാങ്കുകളും സ്ഥിര നിക്ഷേപ നിരക്കുകൾ ഗണ്യമായി കുറഞ്ഞു. എന്നാൽ ചില ചെറുകിട ധനകാര്യ ബാങ്കുകൾ ഇപ്പോഴും മുതിർന്ന പൗരന്മാർക്ക് വിവിധ സ്ഥിര നിക്ഷേപ കാലയളവുകളിൽ 8 ശതമാനം അല്ലെങ്കിൽ അതിൽ കൂടുതൽ പലിശ വാഗ്ദാനം ചെയ്യുന്നുണ്ട്.

8 ശതമാനം പലിശ

സൂര്യോദയ് സ്മോൾ ഫിനാൻസ് ബാങ്ക് സാധാരണ ഉപഭോക്താക്കൾക്കും മുതിർന്ന പൗരന്മാർക്കും 8 ശതമാനം അല്ലെങ്കിൽ അതിൽ കൂടുതൽ പലിശ വാഗ്ധാനം ചെയ്യുന്നുണ്ട്. ബാങ്ക് സ്ഥിര നിക്ഷേപങ്ങളുടെ പലിശ നിരക്ക് ഡിസംബർ മൂന്ന് മുതൽ പരിഷ്കരിച്ചു. "കൂടുതൽ ലാഭിക്കുക. കൂടുതൽ സമ്പാദിക്കുക. കൂടുതൽ പുഞ്ചിരിക്കുക" എന്ന പുതിയ വാഗ്ധാനത്തോടെയാണ് പലിശ നിരക്കിലെ പുതിക്കൽ.

പലിശ നിരക്കുകൾ

സാധാരണ ഉപഭോക്താക്കൾക്ക് 5 വർഷത്തെ എഫ്‌ഡിക്ക് 8.00% വാർഷിക പലിശ (8.24% വാർഷിക വരുമാനം)

മുതിർന്ന പൗരന്മാർക്കുള്ള 5 വർഷത്തെ എഫ്‌ഡിക്ക് 8.00% വാർഷിക പലിശ (8.24% വാർഷിക വരുമാനം)

ഒരു വർഷത്തെ എഫ്‌ഡിക്ക് 7.25% വാർഷിക പലിശ (7.45% വാർഷിക വരുമാനം), ആഭ്യന്തര നിക്ഷേപങ്ങൾക്കും NRE/NRO നിക്ഷേപങ്ങൾക്കും ബാധകം.

1 വർഷം മുതൽ 36 മാസം വരെയുള്ള കാലാവധികൾക്ക് വാർഷിക പലിശ നിരക്ക് 7.25% (വാർഷിക പലിശ നിരക്ക് 7.45%)

ശ്രദ്ധിക്കേണ്ട കാര്യം

ഒരു ബാങ്ക് 8% വാർഷിക പലിശ നിരക്കും 8.24% വാർഷിക വരുമാനവും പറയുമ്പോൾ, അതിനർത്ഥം ഔദ്യോഗിക നിരക്ക് 8% ആണെന്നാണ്, എന്നാൽ നിങ്ങളുടെ നിക്ഷേപത്തിൽ പതിവായി പലിശ ചേർക്കുന്നതിനാൽ (കോമ്പൗണ്ടിംഗ്), വർഷാവസാനത്തോടെ നിങ്ങളുടെ ഫലപ്രദമായ വരുമാനം 8.24% ആയി മാറുന്നു.

ചെറുകിട ധനകാര്യ ബാങ്കുകൾ സുരക്ഷിതമാണോ..?

ചെറുകിട ബാങ്കുകൾ ഉയർന്ന പലിശ നൽകുമ്പോൾ, അവയിൽ നിക്ഷേപിക്കുന്നത് സുരക്ഷിതമാണോ എന്ന ചോദ്യം പല നിക്ഷേപകരുടെയും മനസ്സിൽ ഉയരുന്നു. എന്നാൽ അതെ എന്നതാണ് ഉത്തരം. വലിയ സർക്കാർ അല്ലെങ്കിൽ സ്വകാര്യ ബാങ്കുകളെപ്പോലെ, ഈ ബാങ്കുകളും ആർബിഐ നിയന്ത്രിക്കുന്നു. ക്യാഷ് റിസർവ് റേഷ്യോ (CRR), സ്റ്റാറ്റ്യൂട്ടറി ലിക്വിഡിറ്റി റേഷ്യോ (SLR) പോലുള്ള എല്ലാ ആവശ്യമായ വ്യവസ്ഥകളും അവയ്ക്ക് ബാധകമാണ്. ഇതിനുപുറമെ, ഈ ബാങ്കുകളിലെ നിങ്ങളുടെ നിക്ഷേപങ്ങൾക്ക് ഡെപ്പോസിറ്റ് ഇൻഷുറൻസ് ആൻഡ് ക്രെഡിറ്റ് ഗ്യാരണ്ടി കോർപ്പറേഷന്റെ (DICGC) കീഴിൽ 5 ലക്ഷം രൂപ വരെ ഗ്യാരണ്ടിയും ലഭിക്കും. ഇതിനർത്ഥം എന്തെങ്കിലും അനിഷ്ട സംഭവങ്ങൾ ഉണ്ടായാലും, 5 ലക്ഷം രൂപ വരെയുള്ള തുക സുരക്ഷിതമായി തുടരും എന്നാണ്.

നിങ്ങൾ ഒരു മുതിർന്ന പൗരനാണെങ്കിൽ സുരക്ഷിതവും മികച്ചതുമായ വരുമാനം ആഗ്രഹിക്കുന്നുവെങ്കിൽ, ചെറുകിട ധനകാര്യ ബാങ്കുകളുടെ എഫ്ഡികൾ നിങ്ങൾക്ക് ഒരു മികച്ച ഓപ്ഷനായിരിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.