60 കഴിഞ്ഞോ? ഈ എഫ്ഡികൾ ഉറപ്പാക്കും 7.10% വരെ പലിശ: 5 ലക്ഷം നിക്ഷേപിച്ചാൽ എത്ര രൂപ അധികം നേടാം?

ദീർഘകാല സാമ്പത്തിക സുരക്ഷ ഉറപ്പാക്കാൻ ആഗ്രഹിക്കുന്നവർക്ക് ഏറ്റവും സുരക്ഷിതവും വിശ്വസനീയവുമായ മാർഗ്ഗമാണ് സ്ഥിര നിക്ഷേപങ്ങൾ അഥവാ എഫ്ഡി. പ്രായമായവരാണ് പ്രധാനമായും സ്ഥിര നിക്ഷേപങ്ങളെെ ആശ്രയിക്കുന്നത്. ജോലിയിൽ നിന്ന് വിരമിച്ച ശേഷം, വരുമാനം നിലയ്ക്കുമ്പോൾ, സ്ഥിര നിക്ഷേപത്തിലെ സമ്പാദ്യം വലിയ കൈത്താങ്ങാകും. സാധാരണ സേവിങ്‌സ് അക്കൗണ്ടുകളെ അപേക്ഷിച്ച് മികച്ച പലിശനിരക്ക് എഫ്ഡി. ഉറപ്പാക്കുന്നു.

സ്ഥിര നിക്ഷേപങ്ങളുടെ ഏറ്റവും വലിയ ആകർഷണങ്ങളിലൊന്ന് മുതിർന്ന പൗരന്മാർക്ക് ലഭിക്കുന്ന അധിക പലിശയാണ്. സാധാരണ നിക്ഷേപകരെ അപേക്ഷിച്ച് 0.25% മുതൽ 0.75% വരെ അധിക പലിശ ഇവർക്ക് ലഭിക്കാൻ സാധ്യതയുണ്ട്. ഇത് വിരമിക്കൽ കാലത്തേക്കുള്ള സമ്പാദ്യത്തിന് വലിയ മുതൽക്കൂട്ടാക്കാനും സ്ഥിര നിക്ഷേപത്തിലൂടെ സാധിക്കും.

ഒരു വർഷത്തേക്ക് 5 ലക്ഷം നിക്ഷേപിച്ച് മികച്ച നേട്ടം കൊയ്യാൻ ആഗ്രഹിക്കുന്നവർക്ക്, ഉയർന്ന പലിശനിരക്ക് നൽകുന്ന ചില ബാങ്കുകളുടെയും സ്ഥാപനങ്ങളുടെയും സ്ഥിര നിക്ഷേപ പദ്ധതികൾ വിശദമായി അറിയാം;

എസ്ബിഐ എഫ്‌ഡി നിരക്ക്

ഇന്ത്യയിലെ പ്രമുഖ പൊതുമേഖലാ ബാങ്കായ എസ്ബിഐ 60 വയസ്സിനു ശേഷം മുതിർന്ന പൗരൻമാർക്ക് സ്ഥിര നിക്ഷേപ സ്കീമുകൾ വാ​ഗ്ദാനം ചെയ്യുന്നുണ്ട്. ഇതനുസരിച്ച് ഒരു വർഷത്തെ എഫ്‌ഡി സ്കീമിൽ മുതിർന്ന പൗരന്മാർക്ക് 6.75 ശതമാനം പലിശ നിരക്കാണ് എസ്ബിഐ നൽകുന്നത്. ഈ സ്കീമിൽ 5 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ ലഭിക്കുന്ന മെച്യൂരിറ്റി തുക 5,34,614 രൂപയായിരിക്കും.

ബാങ്ക് ഓഫ് ബറോഡ എഫ്ഡി നിരക്ക്

ഒരു വർഷത്തെ എഫ്‌ഡി സ്കീമിൽ മുതിർന്ന പൗരന്മാർക്ക് ബാങ്ക് ഓഫ് ബറോഡ 7 ശതമാനം പലിശ നിരക്ക് വാഗ്ദാനം ചെയ്യുന്നു. ഈ പ്ലാനിൽ 60 വയസ്സ് കഴിഞ്ഞവർ 5 ലക്ഷം രൂപ നിക്ഷേപിച്ചാൽ ഒരു വർഷത്തിനു ശേഷം ലഭിക്കുന്ന മൊത്തം നേട്ടം 5,35,930 രൂപയായിരിക്കും.

ഇന്ത്യൻ ഓവർസീസ് ബാങ്ക് എഫ്ഡി നിരക്ക്

ഈ ബാങ്ക് സ്ഥിര നിക്ഷേപങ്ങൾക്ക് മികച്ച പലിശ നിരക്ക് ഉറപ്പാക്കുന്നു. ഒരു വർഷത്തെ സ്ഥിര നിക്ഷേപങ്ങൾക്ക് മുതിർന്ന പൗരന്മാർക്ക് ഇന്ത്യൻ ഓവർസീസ് ബാങ്ക് വാ​​ഗ്ദാനം ചെയ്യുന്ന പലിശ നിരക്ക് 7.10 ശതമാനമാണ്. ഇവിടെ 5 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ ലഭിക്കുന്ന മെച്യൂരിറ്റി തുക 5,36,456 രൂപയായിരിക്കും.

പഞ്ചാബ് നാഷണൽ ബാങ്ക് എഫ്ഡി നിരക്ക്

ഈ പൊതുമേഖലാ ബാങ്ക് മുതിർന്ന പൗരൻമാർക്ക് ഒരു വർഷത്തെ കാലാവധിയിൽ സ്ഥിര നിക്ഷേപം വാ​ഗ്ദാനം ചെയ്യുന്നുണ്ട്. ഇതുപ്രകാരം ഒരു വർഷത്തേക്ക് 6.75 ശതമാനം പലിശ നിരക്ക് നൽകുന്നു. ഈ പ്ലാനിൽ നിങ്ങൾ 5 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ മൊത്തം 5,34,614 രൂപ ലഭിക്കും.

സെൻട്രൽ ബാങ്ക് ഓഫ് ഇന്ത്യ എഫ്ഡി നിരക്ക്

സെൻട്രൽ ബാങ്ക് ഓഫ് ഇന്ത്യ മുതിർന്ന പൗരന്മാർക്ക് ഒരു വർഷത്തെ എഫ്‌ഡി സ്കീമിൽ 6.90 ശതമാനം പലിശ നിരക്ക് ഉറപ്പാക്കുന്നു. ഈ സ്കീമിൽ നിക്ഷേപകൻ 5 ലക്ഷം നിക്ഷേപിച്ചാൽ, കാലാവധി പൂർത്തിയാകുമ്പോൾ 5,35,403 രൂപ ലഭിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.