കയ്യിൽ അധിക പണമുണ്ടോ, നിക്ഷേപത്തിന് തയ്യാറെങ്കിൽ എഫ്.ഡിയാണ് നല്ലത്, റെക്കോർഡ് പലിശ ഈ ബാങ്കുകളിലാണ്

ധാരാളം നിക്ഷേപ തെരഞ്ഞെടുപ്പുകള്‍ നമുക്ക് മുന്നിലുണ്ട്. എന്നാല്‍ ഇതില്‍ ഏതാണ് നമുക്ക് അനുയോജ്യമായ നിക്ഷേപം എന്നത് കണ്ടെത്തുന്നതാണ് ഏറ്റവും ബുദ്ധിമുട്ടേറിയ കാര്യം. എന്നാൽ ഏറ്റവും സുരക്ഷിതമായതും താരതമ്യേന മികച്ച ആദായം ഉറപ്പ് നല്‍കുന്നതുമായ നിക്ഷേപ രീതിയാണ് ബാങ്ക് സ്ഥിര നിക്ഷേപങ്ങള്‍. ഇക്കാരണങ്ങള്‍ കൊണ്ടു തന്നെയാണ് ധാരാളം പേര്‍ക്ക് ഇപ്പോഴും പ്രിയപ്പെട്ട നിക്ഷേപമായി സ്ഥിര നിക്ഷേപം തുടരുന്നത്. സ്ഥിര നിക്ഷേപങ്ങൾക്ക് ഏറ്റവും മികച്ച പലിശ നൽകുന്നത് ചെറുകിട ധനകാര്യ ബാങ്കുകളാണ്.

ചില ചെറുകിട ധനകാര്യ ബാങ്കുകൾ നിലവിൽ സ്ഥിര നിക്ഷേപങ്ങൾക്ക് 9 ശതമാനം വരെ പലിശ നൽകുന്നുണ്ട്. 2 കോടി രൂപ വരെയുള്ള സ്ഥിര നിക്ഷേപത്തിന് ചെറുകിട ധനകാര്യ ബാങ്കുകൾ നൽകുന്ന ഏറ്റവും ഉയർന്ന പലിശ നിരക്ക് എത്രയാണെന്ന് നമുക്ക് പരിശോധിക്കാം.

1. യൂണിറ്റി സ്മോൾ ഫിനാൻസ് ബാങ്ക്

യൂണിറ്റി സ്മോൾ ഫിനാൻസ് ബാങ്ക് നിലവിൽ 1001 ദിവസത്തിനുള്ളിൽ കാലാവധി പൂർത്തിയാകുന്ന എഫ്ഡികൾക്ക് 9% പലിശ നിരക്ക് നൽകുന്നു.

2. ഉത്കർഷ് സ്മോൾ ഫിനാൻസ് ബാങ്ക്

രണ്ട് മുതൽ മൂന്ന് വർഷം വരെ കാലാവധിയുള്ള എഫ്ഡികൾക്ക് നിലവിൽ 8.5% പലിശ നിരക്ക് ഉത്കർഷ് സ്മോൾ ഫിനാൻസ് ബാങ്ക് വാഗ്ദാനം ചെയ്യുന്നു.

3. സൂര്യോദയ് സ്മോൾ ഫിനാൻസ്

ബാങ്ക് രണ്ട് വർഷവും രണ്ട് ദിവസവും കൊണ്ട് കാലാവധി പൂർത്തിയാകുന്ന എഫ്ഡികൾക്ക് സൂര്യോദയ് സ്മോൾ ഫിനാൻസ് ബാങ്ക് നിലവിൽ 8.65% പലിശ നിരക്ക് നൽകുന്നു.

3. ജന സ്മോൾ ഫിനാൻസ് ബാങ്ക്

365 ദിവസത്തിനുള്ളിൽ കാലാവധി പൂർത്തിയാകുന്ന എഫ്ഡികൾക്ക് 8.5% പലിശ നിരക്ക് ജന സ്മോൾ ഫിനാൻസ് ബാങ്ക് വാഗ്ദാനം ചെയ്യുന്നു.

4. ഇക്വിറ്റാസ് സ്മോൾ ഫിനാൻസ് ബാങ്ക്

ഇക്വിറ്റാസ് സ്മോൾ ഫിനാൻസ് ബാങ്ക് 444 ദിവസത്തിനുള്ളിൽ കാലാവധി പൂർത്തിയാകുന്ന എഫ്ഡികൾക്ക് 8.5% പലിശ നിരക്ക് നൽകുന്നു.

5. ഇസാഫ് സ്മോൾ ഫിനാൻസ് ബാങ്ക്

രണ്ട് മുതൽ മൂന്ന് വർഷത്തിൽ താഴെ വരെ കാലാവധിയുള്ള സ്ഥിര നിക്ഷേപങ്ങൾക്ക് 8.25% പലിശ നിരക്ക് ഇസാഫ് സ്മോൾ ഫിനാൻസ് ബാങ്ക് വാഗ്ദാനം ചെയ്യുന്നു.

6. ഉത്കർഷ് സ്മോൾ ഫിനാൻസ് ബാങ്ക്

രണ്ട് മുതൽ മൂന്ന് വർഷം വരെ കാലാവധിയുള്ള എഫ്ഡികൾക്ക് 8.5% പലിശ നിരക്ക് ഉത്കർഷ് സ്മോൾ ഫിനാൻസ് ബാങ്ക് വാഗ്ദാനം ചെയ്യുന്നു.

7. എയു സ്മോൾ ഫിനാൻസ് ബാങ്ക്

18 മാസത്തിനുള്ളിൽ കാലാവധി പൂർത്തിയാകുന്ന സ്ഥിര നിക്ഷേപത്തിന് എയു സ്മോൾ ഫിനാൻസ് ബാങ്ക് 8% പലിശ നിരക്ക് നൽകുന്നു.

സ്ഥിര നിക്ഷേപങ്ങൾ എങ്ങനെയാണ് പ്രവർത്തിക്കുന്നത്..?

ഒരു അക്കൗണ്ട് ഉടമ ഒരു ബാങ്കിൽ പണം നിക്ഷേപിക്കുമ്പോൾ ആ ബാങ്ക് ആ പണം മറ്റ് ഉപഭോക്താക്കൾക്കോ ​​കമ്പനികൾക്കോ ​​വായ്പ നൽകാനുള്ള തുകയായി ഉപയോഗിക്കും. അതിനുപകരമായി ബാങ്ക് ആ അക്കൗണ്ട് ഉടമയ്ക്ക് പലിശ നൽകും. അക്കൗണ്ട് ഉടമകൾ പെട്ടന്ന് പണം പിൻവലിച്ചാൽ അത് ബാങ്ക് അധികൃതർക്ക് വെല്ലുവിളിയാകും. അതിനാൽ നിക്ഷേപകർ തങ്ങളുടെ ഫണ്ടുകൾ മുൻകൂട്ടി നിശ്ചയിച്ച കാലയളവിന് മുമ്പ് പിൻവലിക്കാതിരുന്നാൽ ഉയർന്ന പലിശനിരക്ക് ലഭിക്കും. ഇത്തരത്തിൽ ബാങ്കുകൾ സ്വീകരിക്കുന്ന നിക്ഷേപത്തെയാണ് സ്ഥിരനിക്ഷേപങ്ങൾ എന്ന് പറയുന്നത്.

സ്ഥിര നിക്ഷേപങ്ങളുടെ നേട്ടങ്ങൾ

*ഉറപ്പുള്ള വരുമാനം
*സുരക്ഷിതവും സുസ്ഥിരവുമായ നിക്ഷേപം
*താരതമ്യേന ഉയർന്ന പലിശ നിരക്ക്