എസ്ഐപി: 400 രൂപ പ്രതിദിനം നിക്ഷേപം vs 12000 രൂപ പ്രതമാസ നിക്ഷേപം, നേട്ടമേത്?

ദീർഘകാല അടിസ്ഥാനത്തിൽ വലിയ സമ്പാദ്യം സൃഷ്ടിക്കുന്നതിനുള്ള നിക്ഷേപ രീതികളിൽ ജനപ്രിയമാണ് എസ്ഐപി അഥവ സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ. മ്യൂച്വൽ ഫണ്ട് സ്കീമിൽ നിക്ഷേപിക്കുന്നതിനുള്ള ഒരു മാർഗം കൂടിയാണിത്. നിക്ഷേപിക്കാൻ വലിയ തുകയില്ലാത്ത അല്ലെങ്കിൽ നിക്ഷേപം വ്യാപിപ്പിക്കാൻ ആഗ്രഹിക്കുന്ന നിക്ഷേപകരും എസ്ഐപി വഴി നിക്ഷേപിക്കുന്നു. 100 രൂപ പോലെയുള്ള ചെറിയ നിക്ഷേപങ്ങളിലൂടെ ആരംഭിക്കാൻ സാധിക്കുന്ന എസ്ഐപിയിൽ ഉയർന്ന നിക്ഷേപ പരിധിയില്ലായെന്നതും ശ്രദ്ധേയമാണ്. എസ്ഐപി റിട്ടേണുകൾ കോമ്പൗണ്ടിംഗിനെയും രൂപയുടെ ചെലവ് ശരാശരിയെയും ആശ്രയിച്ചിരിക്കുന്നു. കോമ്പൗണ്ടിംഗ് നിങ്ങളുടെ വരുമാനം, സമാഹരിച്ച പലിശയിലും വളരുന്നുണ്ടെന്ന് ഉറപ്പാക്കുന്നു, അതേസമയം രൂപയുടെ ചെലവ് ശരാശരി വില കുറയുമ്പോൾ കൂടുതൽ യൂണിറ്റുകളും വില കൂടുമ്പോൾ കുറച്ച് യൂണിറ്റുകളും വാങ്ങാൻ നിങ്ങളെ സഹായിക്കുന്നു.

എസ്ഐപി നിക്ഷേപം പല കാലയളവിൽ സാധ്യമാണ്. ദിവസംതോറും പണം നിക്ഷേപിക്കാനും മാസത്തിൽ ഒരിക്കൽ നിക്ഷേപിക്കാനും ത്രൈമാസ അടവുകളായും പണം നിക്ഷേപിക്കാം. എന്നാൽ, ഇത് തമ്മിൽ റിട്ടേൺസിന്റെ കാര്യത്തിലെന്തെങ്കിലും വ്യത്യാസമുണ്ടോയെന്നത് എല്ലാ നിക്ഷേപകർക്കും ഉണ്ടാകാനിടയുള്ള ഒരു സംശയമാണ്. ഉദ്ദാഹരണത്തിന് ദിവസേന 400 രൂപയുടെ എസ്ഐപി തിരഞ്ഞെടുക്കുന്നതും പ്രതിമാസം 12,000 രൂപയുടെ എസ്ഐപി തിരഞ്ഞെടുക്കുന്നതും മികച്ച വരുമാനം നൽകുമോ? രണ്ട് സമീപനങ്ങളിലും ഓരോ മാസവും ഒരേ തുകയായ 12,000 രൂപ നിക്ഷേപിക്കുമ്പോൾ, പ്രധാന വ്യത്യാസം നിക്ഷേപത്തിന്റെ ആവൃത്തിയിലും അത് കാലക്രമേണ വരുമാനത്തെ എങ്ങനെ ബാധിക്കുന്നു എന്നതിലുമാണ്.

ദിവസേനയുള്ള എസ്ഐപിയിൽ എല്ലാ ട്രേഡിംഗ് ദിവസവും ചെറിയ സംഭാവനകൾ നൽകുന്നത് ഉൾപ്പെടുന്നു, ഇത് നിങ്ങളുടെ നിക്ഷേപങ്ങൾ കൂടുതൽ ദിവസങ്ങളിൽ വ്യാപിപ്പിക്കുന്നു. ദിവസേനയുള്ള വിപണിയിലെ ഏറ്റക്കുറച്ചിലുകൾ പ്രയോജനപ്പെടുത്താൻ ഇത് സഹായിക്കുന്നു. നിങ്ങൾ ഇടയ്‌ക്കിടെ നിക്ഷേപം നടത്തുന്നതിനാൽ, പ്രതിദിന എസ്ഐപികൾക്കൊപ്പം കൂട്ടുപലിശയുടെ ആഘാതം കൂടുതൽ പ്രകടമാകും. നിങ്ങളുടെ പണം എത്ര നേരത്തെ നിക്ഷേപിക്കപ്പെടുന്നുവോ അത്രയും വേഗം അത് റിട്ടേൺസ് നേടാൻ തുടങ്ങും.

അതേസമയം, 12,000 രൂപ പ്രതിമാസ എസ്ഐപി മുഴുവൻ തുകയും ഓരോ മാസവും ഒരു നിശ്ചിത തീയതിയിൽ നിക്ഷേപിക്കുന്നു. ഈ സമീപനം കോമ്പൗണ്ടിംഗിൽ നിന്നും പ്രയോജനം നേടുമ്പോൾ, പ്രതിദിന എസ്ഐപികളെ അപേക്ഷിച്ച് ആവൃത്തി കുറവാണ്. ഇവിടെ കോമ്പൗണ്ടിംഗും കുറവായിരിക്കും. കൂടാതെ, നിശ്ചിത പ്രതിമാസ നിക്ഷേപ തീയതിയിലെ മാർക്കറ്റ് ചലനങ്ങൾ കൂടുതൽ സ്വാധീനം ചെലുത്തും, കൂടാതെ പ്രതിദിന എസ്ഐപികൾ പോലെ ഫലപ്രദമായി മാർക്കറ്റ് ഡിപ്‌സ് പ്രയോജനപ്പെടുത്തി ചെലവ് ശരാശരിയാക്കാനുള്ള വഴക്കം കുറവാണ്.

ദീർഘകാല അടിസ്ഥാനത്തിൽ റിട്ടേണുകൾ താരതമ്യം ചെയ്യുമ്പോൾ, 10 വർഷം ഉദ്ദാഹരണമെടുക്കാം. 12 ശതമാനം വാർഷിക റിട്ടേൺസ് കണക്കാക്കിയാൽ, പ്രതിദിനം 400 രൂപ എസ്ഐപി ഏകദേശം 28.6 ലക്ഷമായി വളരും, അതേസമയം 12,000 രൂപ പ്രതിമാസ എസ്ഐപി ഏകദേശം 28.3 ലക്ഷം രൂപയെ ആകുന്നുള്ളൂ. വ്യത്യാസം വളരെ വലുതല്ലെങ്കിലും, കൂടുതൽ ഇടയ്ക്കിടെയുള്ള കോമ്പൗണ്ടിംഗും മികച്ച ഡോളർ ചെലവ് ശരാശരിയും കാരണം ദൈനംദിന എസ്ഐപിയ്ക്ക് നേരിയ നേട്ടം നൽകാൻ കഴിയും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.