15 വർഷം കൊണ്ട് 1 കോടി സമ്പാദിക്കാം, എളുപ്പമാർഗം ഇതാണ്, 15x15x15 റൂൾ പരീക്ഷിക്കൂ...

ജീവിതം സുഗമമാക്കണമെങ്കിൽ പണം അത്യാവശ്യമാണ്. അതുകൊണ്ടുതന്നെ ഭാവിയിലേക്ക് സമ്പത്ത് സ്വരുക്കൂട്ടി വെക്കാൻ എല്ലാവരും നിക്ഷേപ പദ്ധതികളുടെ ഭാഗമാവുകയും വേണം. എത്ര രൂപ, എത്ര കാലത്തേക്ക് നിക്ഷേപിക്കണം എന്നത് ഓരോ വ്യക്തിയുടേയും സാമ്പത്തിക ഭദ്രതയ്ക്ക് അനുസരിച്ച് വ്യത്യാസപ്പെടാം. വലിയ തുക ഒറ്റത്തവണയായി നിക്ഷേപിക്കാൻ സാധിക്കാത്തവർക്ക് സിസ്റ്റമാറ്റിക് ഇൻവെസ്റ്റ്‌മെന്‍റ് പ്ലാനുകൾ അഥവാ എസ്ഐപികൾ മികച്ച തിരഞ്ഞെടുപ്പാണ്.
അവിടെ ഒരു നിക്ഷേപകന് മ്യൂച്വൽ ഫണ്ടുകളിൽ അവരുടെ സാമ്പത്തിക ശേഷിയെ അടിസ്ഥാനമാക്കി പണം നിക്ഷേപിക്കാൻ കഴിയും. ഇത് നിക്ഷേപ വഴക്കം വാഗ്ദാനം ചെയ്യുന്നു. അതായത് നിക്ഷേപകർക്ക് അവരുടെ എസ്ഐപികൾ താൽക്കാലികമായി നിർത്താനോ പിൻവലിക്കാനോ വർദ്ധിപ്പിക്കാനോ കഴിയും. എന്നിരുന്നാലും, ചില ആളുകൾക്ക് അവരുടെ എസ്ഐപി പ്ലാൻ എങ്ങനെ വേണമെന്നതിൽ ആശയക്കുഴപ്പമുണ്ട്. അതുകൊണ്ടുതന്നെ നമുക്ക് 15x15x15 റൂൾ എന്താണെന്ന് നോക്കാം.

എന്താണ് ഐഐപി..?

മുൻകൂട്ടി നിശ്ചയിച്ച തുക ചിട്ടയായ ഇടവേളകളില്‍ നിക്ഷേപിക്കുന്നതാണ് സിസ്റ്റമാറ്റിക് ഇന്‍വെസ്റ്റ്മെന്‍റ് പ്ലാന്‍(എസ്.ഐ.പി). ചിട്ടയായുള്ള നിക്ഷേപം ശീലം വളര്‍ത്താന്‍ എസ്ഐപി മികച്ച മാര്‍ഗ്ഗമാണ്. നിക്ഷേപ കാര്യങ്ങളില്‍ കൂടുതല്‍ അച്ചടക്കമുള്ളവരും ചിട്ടയുള്ളവരുമാകാന്‍ എസ്ഐപി സഹായിക്കുന്നു. സ്ഥിരമായി നിക്ഷേപിക്കുന്നതുകൊണ്ട്, വിപണിയുടെ ഉയര്‍ച്ച താഴ്ചകളിലൂടെ നിക്ഷേപം നടത്താന്‍ സാധിക്കുന്നതിലൂടെ ഹ്രസ്വകാലത്തെ ചാഞ്ചാട്ടങ്ങളുടെ പ്രയോജനം നേടാന്‍ ഉപകരിക്കും.

ലിക്വിഡ് ഫണ്ടുകളിലെ എസ്ഐപി വഴി എമര്‍ജന്‍സി ഫണ്ടുണ്ടാക്കാം. അതിനായി ബാങ്ക് അക്കൗണ്ടില്‍ വലിയ തുക ആവശ്യമില്ല. പ്രതിമാസം 500 രൂപ മുതൽ എസ്‌ഐ‌പിയിൽ നിക്ഷേപം ആരംഭിക്കാം. അതേസമയം എസ്‌ഐ‌പി മ്യൂച്വൽ ഫണ്ടുകളിൽ നിക്ഷേപിക്കുന്നതിനുള്ള പരമാവധി പരിധി ഇവിടെയില്ല.

15x15x15 റൂൾ

15x15x15 എസ്ഐപി റൂൾ എന്നത് ഒരു നിക്ഷേപകനെ 15 വർഷത്തിനുള്ളിൽ ഒരു കോടി രൂപ സമ്പാദിക്കാൻ സഹായിക്കുന്നതിന് രൂപകൽപ്പന ചെയ്ത ഒരു സാമ്പത്തിക തന്ത്രമാണ്. ഈ റൂള്‍ പ്രകാരം ഒരു നിക്ഷേപകന്‍ 15 വര്‍ഷത്തേയ്ക്ക് എല്ലാ മാസവും 15,000 രൂപ വീതം നിക്ഷേപിക്കണം. ഈ നിക്ഷേപം 15 ശതമാനം നിരക്കില്‍ വരുമാനം നല്‍കുമെന്നാണു പ്രതീക്ഷിക്കുന്നത്. ഇതുപ്രകാരം നിക്ഷേപത്തിന്റെ കോമ്പൗണ്ടിംഗ് ഫീച്ചര്‍ കണക്കിലെടുകുമ്പോള്‍ 15 വര്‍ഷം കൊണ്ട് നിക്ഷേപകന് 1 കോടി രൂപ സമ്പാദിക്കാന്‍ സാധിക്കും.

എസ്ഐപി കാൽക്കുലേറ്റർ

കണക്കുകൂട്ടൽ പ്രകാരം, പ്രതിമാസം 15,000 രൂപ എസ്‌ഐ‌പിയിൽ 15 വർഷത്തേക്ക് നിക്ഷേപിച്ചാൽ, ആകെ നിക്ഷേപിച്ച തുക 27,00,000 രൂപയായിരിക്കും. 15 ശതമാനം വാർഷിക വരുമാനം കണക്കാക്കിയാൽ, 15 വർഷത്തിനുള്ളിൽ നിങ്ങളുടെ ഏകദേശ മൂലധന നേട്ടം 74,52,946 രൂപയായിരിക്കും. അതായത് 15 വർഷത്തിനുശേഷം നിങ്ങളുടെ ആകെ തുക ഏകദേശം 1,01,52,946 രൂപയായിരിക്കും.

പ്രതിമാസ നിക്ഷേപം: 15,000 രൂപ
ആകെ നിക്ഷേപം: 15 വർഷത്തിനുള്ളിൽ 27,00,000 രൂപ.
കണക്കാക്കിയ മൂലധന നേട്ടം: 74,52,946 രൂപ
ആകെ ലഭിച്ചത്: 27,00,000 + 74,52,946 = 1,01,52,946 രൂപ

ശ്രദ്ധിക്കേണ്ട കാര്യങ്ങള്‍

മുകളില്‍ പറഞ്ഞ കാര്യങ്ങളെല്ലാം തന്നെ നിക്ഷേപത്തിന്‍റെ കോമ്പൗണ്ടിംഗ് ഫീച്ചര്‍ അനുസരിച്ച് നീങ്ങുന്നവയാണ്. ഒരു തവണ പോലും നിക്ഷേപം മുടങ്ങരുതെന്നു സാരം. തെരഞ്ഞെടുക്കുന്ന ഫണ്ടും ഇവിടെ നിർണായകമാണ്. ദീർഘകാലത്ത് മികച്ച പ്രകടനം കാഴ്ചവച്ച മുൻനിര മ്യൂച്വൽഫണ്ടുകൾ തെരഞ്ഞെടുക്കാൻ ശ്രമിക്കുക.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം വായ്പ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.