5 കോടി സമ്പാദിക്കാൻ 10,000 രൂപ മതി, നിക്ഷേപം ഇങ്ങനെ ക്രമീകരിക്കൂ, നിങ്ങൾക്കും കോടീശ്വരനാകാം..!

ഓരോ ദിവസം കഴിയുമ്പോഴും ജീവിതം കൂടുതൽ സാമ്പത്തിക ചിലവുള്ളതായി മാറുകയാണ്. പണപ്പെരുപ്പം രാജ്യത്ത് കൂടിയാൽ ഭാവി ജീവിതം കൂടുതൽ സാമ്പത്തിക ചിലവുള്ളതാകും. ഇന്ന് 100 രൂപ കൊടുത്ത് വാങ്ങുന്നത് നാളെ 150 രൂപ കൊടുത്ത് വാങ്ങേണ്ടി വരും. അതുകൊണ്ടുതന്നെ എല്ലാവരും ജോലിയിൽ നിന്നും വിരമിച്ചതിന് ശേഷമുള്ള ജീവിതത്തെ ഇപ്പോൾ തന്നെ ആസൂത്രണം ചെയ്യണം. എന്നാൽ പലരും വിരമിക്കൽ ജീവിതത്തെ കുറിച്ച് ആലോചിച്ചിട്ടുപോലും ഉണ്ടാകില്ല. കുറഞ്ഞ ആരംഭ ശമ്പളം, തിരക്കേറിയ ജോലി ഷെഡ്യൂളുകൾ, നിക്ഷേപത്തെക്കുറിച്ചുള്ള അറിവില്ലായ്മ തുടങ്ങിയ നിരവധി കാരണങ്ങൾ പറയാനുണ്ടാകും.

എന്നാൽ വിദഗ്ധർ എപ്പോഴും പറയുന്നത് നിക്ഷേപത്തിലെ ഏറ്റവും പ്രധാനപ്പെട്ട കാര്യം 'ആരംഭിക്കുക' എന്നും രണ്ടാമത്തെ ഏറ്റവും നിർണായകമായ കാര്യം 'ക്ഷമ' എന്നുമാണ്. ഇവ രണ്ടിന്റെയും ഫലം 'വിജയം' എന്നുമാണ്. ഇതിഹാസ നിക്ഷേപകനായ വാറൻ ബഫറ്റും നമ്മെ പഠിപ്പിക്കുന്നത് ഇതാണ്: കോമ്പൗണ്ടിംഗിന്‍റ അഥവാ കൂട്ടുപലിശയുടെ മാന്ത്രികതയിലൂടെ സമ്പത്ത് കെട്ടിപ്പടുക്കുന്നതിനുള്ള താക്കോലാണ് സമയവും ക്ഷമയും.

ഏറ്റവും നല്ലത് മ്യൂച്വൽ ഫണ്ട്

നിങ്ങൾക്ക് ചെറിയ തുക നിക്ഷേപിക്കാൻ സാധിക്കുമെങ്കിൽ മ്യൂച്വൽ ഫണ്ട് എസ്ഐപിയിലൂടെ മികച്ച സമ്പത്ത് കെട്ടിപ്പടുക്കാൻ പറ്റും. എസ്ഐപി (SIP) എന്നാൽ സിസ്റ്റമാറ്റിക് ഇൻവെസ്റ്റ്‌മെൻ്റ് പ്ലാൻ (Systematic Investment Plan) എന്നാണ് അർത്ഥമാക്കുന്നത്. മ്യൂച്വൽ ഫണ്ടുകളിൽ നിശ്ചിത ഇടവേളകളിൽ (പ്രതിമാസം, ത്രൈമാസം മുതലായവ) ഒരു നിശ്ചിത തുക നിക്ഷേപം നടത്തുന്ന ഒരു രീതിയാണിത്. ഇത് അച്ചടക്കമുള്ള നിക്ഷേപം പ്രോത്സാഹിപ്പിക്കുകയും വിപണിയിലെ ചാഞ്ചാട്ടങ്ങളെക്കുറിച്ച് വിഷമിക്കാതെ ദീർഘകാലയളവിൽ സാമ്പത്തിക ലക്ഷ്യങ്ങൾ നേടാൻ സഹായിക്കുകയും ചെയ്യുന്നു.

പക്ഷെ തുക ചെറുതാണെങ്കിലും അവ കൃത്യമായി നിക്ഷേപിച്ചാൽ മാത്രമെ സാമ്പത്തിക ലക്ഷ്യം കൈവരിക്കാൻ സാധിക്കുകയുള്ളു. ജോലിയിൽ നിന്നും വിരമിക്കുമ്പോൾ അതായത് 55-ആം വയിൽ 5 കോടി രൂപ എങ്ങനെ സമ്പാദിക്കാമെന്ന് നമുക്ക് നോക്കാം.

നിക്ഷേപകന് ഇപ്പോൾ 30 വയസാണ് എന്ന് കരുതുക. അതായത് 55 വയസാകാൻ ഇനി ബാക്കിയുള്ളത് 25 വർഷം. ഒരു തുടക്കക്കാരൻ എന്ന നിലയിൽ, വ്യക്തിക്ക് പ്രതിമാസം 10,000 രൂപയുടെ എസ്ഐപി ആരംഭിക്കാം. ഇന്നത്തെ മിക്ക മേഖലകളിലും പ്രൊഫഷണലുകൾക്ക് ലഭിക്കുന്ന ശരാശരി ശമ്പളം കണക്കിലെടുക്കുമ്പോൾ ഈ തുക തികച്ചും പ്രായോഗികമാണ്. കാലക്രമേണ ശമ്പളം വർദ്ധിക്കുന്നതിനനുസരിച്ച്, എസ്ഐപി നിക്ഷേപം പ്രതിവർഷം 10% വർദ്ധിപ്പിക്കാൻ കഴിയും (സ്റ്റെപ്പ്-അപ്പ്). ഇത് മൊത്തത്തിലുള്ള നിക്ഷേപ തുക വർദ്ധിപ്പിക്കുക മാത്രമല്ല, ദീർഘകാലാടിസ്ഥാനത്തിൽ കോമ്പൗണ്ടിംഗിന്റെ ശക്തി വർദ്ധിപ്പിക്കുകയും ചെയ്യുന്നു. അതുകൊണ്ടാണ് നേരത്തെ ആരംഭിച്ച് ക്രമേണ നിങ്ങളുടെ നിക്ഷേപങ്ങൾ വർദ്ധിപ്പിക്കുന്നത് സമ്പത്ത് വർദ്ധിപ്പിക്കുന്നതിന് നിർണായകമാകുന്നത്.

5 കോടി സമ്പാദിക്കാം

നിക്ഷേപത്തിൽ നിന്നുള്ള വരുമാനത്തിന്‍റെ കാര്യത്തിൽ 25 വർഷത്തെ നിക്ഷേപ കാലാവധി എടുക്കുമ്പോൾ എസ്ഐപി പ്രതിവർഷം ഏകദേശം 15 ശതമാനം റിട്ടേൽ നൽകുന്നുണ്ട്. 20 വർഷത്തിലേറെയായി വിപണിയിലുള്ള ഏകദേശം 130 ഇക്വിറ്റി ഫണ്ടുകളിൽ മൂന്ന് ഡസനിലധികം ഇക്വിറ്റി ഫണ്ടുകൾ 15% ന് മുകളിൽ വരുമാനം നൽകിയിട്ടുണ്ടെന്ന് മൂല്യ ഗവേഷണ ഡാറ്റ കാണിക്കുന്നു.

ആരംഭ തുക: പ്രതിമാസം 10,000 രൂപ.

വാർഷിക വർദ്ധനവ് (സ്റ്റെപ്പ്-അപ്പ്): 10%

വാർഷിക റിട്ടേൺ: 15%

നിക്ഷേപ കാലയളവ്: 25 വർഷം

വാർഷിക നിക്ഷേപ തുകയും കണക്കാക്കിയ കോർപ്പസും:

ആദ്യ വർഷം: 10,000 രൂപ × 12 = 1,20,000 രൂപ

രണ്ടാം വർഷം: 11,000 × 12 = 1,32,000 രൂപ

മൂന്നാം വർഷം: രൂപ 12,100 × 12 = രൂപ 1,45,200

അതിനുശേഷം അടുത്ത 22 വർഷത്തേക്ക് ഓരോ വർഷവും 10% വർദ്ധനവ്...

25 വർഷത്തിനിടയിലെ ആകെ നിക്ഷേപം: ഏകദേശം 1.18 കോടി രൂപ.

പ്രതീക്ഷിക്കുന്ന വരുമാനം: 4.54 കോടി രൂപ.

25 വർഷത്തിനു ശേഷമുള്ള കോർപ്പസ് 15% സംയോജിത വാർഷിക വളർച്ചയിൽ: 5.72 കോടി രൂപ

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.