Click it and Unblock the Notifications
റിട്ടയര്മെന്റ് ജീവിതം സന്തോഷകരവും സാമ്പത്തീക പ്രയാസങ്ങള് അലട്ടാത്തതുമായിരിക്കണമെന്നാണ് നമ്മള് ഏവരുടേയും ആഗ്രഹം. 60 വയസ്സാണ് നമ്മുടെ നാട്ടിയില് സാധാരണ റിട്ടയര് ചെയ്യുന്ന പ്രായം.
റിട്ടയര്മെന്റ് ജീവിതം സന്തോഷകരവും സാമ്പത്തീക പ്രയാസങ്ങള് അലട്ടാത്തതുമായിരിക്കണമെന്നാണ് നമ്മള് ഏവരുടേയും ആഗ്രഹം. 60 വയസ്സാണ് നമ്മുടെ നാട്ടിയില് സാധാരണ റിട്ടയര് ചെയ്യുന്ന പ്രായം. അപ്പഴേക്കും സമ്പാദ്യമായി കൈയ്യില് നല്ലൊരു തുക കണ്ടെത്തിയില്ല എങ്കില് റിട്ടയര്മെന്റ് ജീവിതം പ്രതീക്ഷിച്ച രീതിയില് സുഖകരമാകണമെന്നില്ല. ഇത് മുന്നില് കണ്ട് നിക്ഷേപം നടത്തുന്നതിനായി പലതരം നിക്ഷേപ സമ്പാദ്യ പദ്ധതികളും ലഭ്യമാണ്.
നേരത്തെ റിട്ടയര് ചെയ്യാന്
എന്നാല് റിട്ടയര് ചെയ്യാന് എന്തിനാണ് 60 വയസ്സു വരെ കാത്തിരിക്കുന്നത് എന്ന് ആലോചിക്കുന്നവരായും ചിലരുണ്ടാകും. നേരത്തേ റിട്ടയര് ചെയ്യുന്നതില് കുഴപ്പമൊന്നുമില്ല. പക്ഷേ അപ്പഴേക്കും പിന്നീടങ്ങോട്ട് ജീവിക്കാനുള്ള മതിയായ തുക സമ്പാദ്യമായി നമ്മള് കരുതി വച്ചിട്ടുണ്ടാകണം എന്ന് മാത്രം. നേരത്തേ റിട്ടയര് ചെയ്താല് ആഗ്രഹിച്ച രീതിയില് ഇഷ്ടങ്ങള്ക്കൊത്തുള്ള ജീവിതം ജീവിക്കുവാന് സാധിക്കുമെന്നൊരു സവിശേഷത കൂടിയുണ്ട്.
എവിടെ നിക്ഷേപിക്കാം? എപ്പോള് നിക്ഷേപിക്കാം?
നേരത്തെ റിട്ടയര് ചെയ്യണമെങ്കില് ഏത് പ്രായത്തിലാണ് അപ്പോള് നിക്ഷേപിച്ചു തുടങ്ങേണ്ടത് ? എവിടെ നിക്ഷേപിച്ചാാണ് ഏറ്റവും ഉയര്ന്ന ആദായം ലഭിക്കുക? ആശങ്കകള് നിരവധി ഉണ്ടായേക്കാം. റിട്ടയര്മെന്റ് നേരത്തേ ആകണമെങ്കില് നിക്ഷേപം ആരംഭിക്കുന്നതും നേരത്തേ വേണം. അതായത് ആദ്യ ജോലിയ്ക്ക് കയറി, ആദ്യ ശമ്പളം വാങ്ങിക്കുന്നത് മുതല് നിക്ഷേപത്തെക്കുറിച്ചും ചിന്തിച്ചു തുടങ്ങാം. ഏറ്റവും ചുരുങ്ങിയത് 25ാം വയസ്സില് എങ്കിലും നിക്ഷേപം ആരംഭിച്ചാല് മാത്രമേ നേരത്തേയുള്ള റിട്ടയര്മെന്റ് എന്ന ആഗ്രഹം നടപ്പിലാക്കുവാന് സാധിക്കുകയുള്ളൂ.
സിസ്റ്റമാറ്റിക് ഇന്വസ്റ്റ്മെന്റ് പ്ലാന്
നേരത്തേ നിക്ഷപം ആരംഭിച്ചാല് ദീര്ഘകാലം നിക്ഷേപിക്കുന്നതിലൂടെ വലിയൊരു തുക തന്നെ നിക്ഷേപകര്ക്ക് സമ്പാദ്യമായി നേടുവാന് സാധിക്കും. അത് ചെറിയ തുക ഓരോ മാസം നിക്ഷേപിച്ചാലും. അത്തരത്തില് ഓരോ മാസാവും ചെറിയ തുക മാറ്റി വച്ച് റിട്ടയര്മെന്റ് കാലത്തേക്ക് വലിയ സമ്പാദ്യം സ്വന്തമാക്കുവാന് ആഗ്രഹിക്കുന്ന വ്യക്തികള്ക്ക് തെരഞ്ഞെടുക്കാവുന്ന ഏറ്റവും അനുയോജ്യമായ നിക്ഷേപ പദ്ധതിയാണ് മ്യൂച്വല് ഫണ്ട് എസ്ഐപി (സിസ്റ്റമാറ്റിക് ഇന്വസ്റ്റ്മെന്റ് പ്ലാന്) കള്.
50ാം വയസ്സില് 10 കോടി നേടാം
50 വയസ്സ് ആകുമ്പോഴേക്കും പത്ത് കോടി രൂപ നിക്ഷേപത്തിലൂടെ സമ്പാദിക്കണമെന്നാണ് ആഗ്രഹമെങ്കില് വളരെ നേരത്തെ തന്നെ നിക്ഷേപ ആസൂത്രണവും നിക്ഷേപവും ആരംഭിക്കണം. 12 ശതമാനം മുതല് 15 ശതാനം വരെയാണ് മ്യൂച്വല് ഫണ്ട് എസ്ഐപികളിലെ ദീര്ഘകാല നിക്ഷേപങ്ങളില് നിന്നും ആദായം ലഭിക്കുക. ഇതിനൊപ്പം 10 ശതതമാനം സറ്റെപ്പ് അപ്പ് കൂടി ചേര്ത്താല് നിക്ഷേപത്തില് നിന്നും പരമാവധി ആദായം നേടാന് നിക്ഷേപകന് സാധിക്കും.
എത്ര തുക നിക്ഷേപിക്കണം?
25ാം വയസ്സില് മ്യൂച്വല് ഫണ്ട് എസ്ഐപി നിക്ഷേപം ആരംഭിക്കുന്നുവെന്ന് കരുതുക. 12 ശതമാനം ശരാശരി ആദായമായി കണക്കാക്കാം. 50 വയസ്സ് ആകുമ്പോഴേക്കും 10 കോടി രൂപ സമ്പാദ്യം ലഭിക്കണമെങ്കില് ഓരോ മാസവും നിക്ഷേപിക്കേണ്ടത് 26,000 രൂപയാണ്. തുടര്ന്ന് ഓരോ വര്ഷവും 10 ശതമാനം വീതം നിക്ഷേപം ഉയര്ത്തുകയും വേണം.
Sign in with Google