വെറുതെ ഇരുന്ന് പണമുണ്ടാക്കാം, ഒറ്റത്തവണയായി ഈ തുക നിക്ഷേപിക്കു, ഇതാണ് പോസ്റ്റ് ഓഫീസ് പദ്ധതി

ഒരു വ്യക്തിയുടെ ജീവികത്തിന്‍റെ അടിസ്ഥാന ഘടകം എന്നത് സാമ്പത്തിക സുരക്ഷിതത്വമാണ്. ജോലിയിൽ നിന്നും വിരമിക്കുന്നത് വരെ ഭൂരിപക്ഷം ആളുകളും സാമ്പത്തിക പിന്തുണയോടെയായിരിക്കും ജീവിക്കുക. എന്നാൽ വിരമിച്ചതിന് ശേഷം സാമ്പത്തിക പിന്തുണയുള്ള ജീവിതം ആവശ്യമാണെങ്കിൽ കൃത്യമായ ആസൂത്രണം ആവശ്യമാണ്. ഒരു പക്ഷെ ഭൂരിപക്ഷം ആളുകളും റിട്ടയർമെന്‍റിന് ശേഷമുള്ള ജീവിതത്തെക്കുറിച്ച് ഇപ്പോൾ ചിന്തിച്ചിട്ട് പോലും ഉണ്ടാകില്ല.

ഇതുവരെ റിട്ടയർമെന്‍റ് ലൈഫിലേക്കായി നിക്ഷേപ പദ്ധതികൾ തിരഞ്ഞെടുത്തിട്ടില്ലാത്ത ആളുകൾക്കി ഇനി ഏറ്റവും മികച്ച പദ്ധതി പോസ്‌റ്റ് ഓഫീസ് സീനിയർ സിറ്റിസൺസ് സേവിംഗ്‌സ് സ്‌കീം അക്കൗണ്ട് (എസ്‌സിഎസ്എസ്) ആണ്. ഒറ്റത്തവണ നിക്ഷേപത്തിലൂടെ മികച്ച പലിശയുടെ രൂപത്തിൽ വരുമാനമുണ്ടാക്കാൻ പോസ്‌റ്റ് ഓഫീസ് സീനിയർ സിറ്റിസൺസ് സേവിംഗ്‌സ് സ്‌കീമിലൂടെ സാധിക്കും.

പോസ്‌റ്റ് ഓഫീസ് സീനിയർ സിറ്റിസൺസ് സേവിംഗ്‌സ് സ്‌കീം

മുതിർന്ന പൗരന്മാർക്കായി കേന്ദ്ര സർക്കാർ ആരംഭിച്ചൊരു ക്ഷേമ പദ്ധതിയാണ് സീനിയർ സിറ്റിസൺ സേവിം​ഗ്സ് സ്കീം. 2004 ലാണ് പദ്ധതി ആരംഭിക്കുന്നത്. ബാങ്കിനേക്കാൾ പലിശ നിരക്കും സ്ഥിര വരുമാനവുമാണ് പദ്ധതിയെ ആകർഷകമാക്കുന്നത്. ത്രൈമാസത്തിലാണ് സീനിയർ സിറ്റിസൺ സേവിം​ഗ്സ് സ്കീമിൽ നിന്ന് പലിശ നൽകുന്നത്.

നിക്ഷേപ കാലാവധി

60 വയസ് കഴിഞ്ഞവർക്കുള്ളതാണ് സീനിയർ സിറ്റസൺ സേവിംഗ്‌സ് സ്‌കീം. സൈന്യത്തിൽ നിന്ന് വിരമിച്ചവരോ വളണ്ടറി റിട്ടയർമെന്‍റ് എടുത്തവരോ ആണെങ്കിൽ 55-ആം വയസിൽ പദ്ധതിയിൽ ചേരാം. വ്യക്തിഗത, ജോയിന്‍റ് അക്കൗണ്ടോ ആരംഭിക്കാം. 5 വർഷമാണ് നിക്ഷേപത്തിന്‍റെ കാലാവധി. കാലാവധി പൂർത്തിയാകുന്ന തീയതി മുതൽ 3 വർഷത്തേക്ക് കൂടി അക്കൗണ്ട് നീട്ടാവുന്നതാണ്.

പലിശ നിരക്ക്

സീനിയർ സിറ്റിസൺ സേവിം​ഗ്സ് സ്കീമിൽ ഏറ്റവും ചുരുങ്ങിയ നിക്ഷേപം 1,000 രൂപയാണ്. 1,000 രൂപയുടെ ​ഗുണിതങ്ങളായി 30 ലക്ഷം രൂപ വരെ നിക്ഷേപിക്കാം. 8.2 ശതമാനമാണ് പലിശ നിരക്ക്.

ഒരു സാമ്പത്തിക വർഷത്തിൽ 1.50 ലക്ഷം രൂപ വരെയുള്ള നിക്ഷേപങ്ങൾ 1961 ലെ ആദായനികുതി നിയമത്തിലെ സെക്ഷൻ 80C യുടെ ആനുകൂല്യത്തിന് യോഗ്യമാണ്.

5 ലക്ഷം രൂപ നിക്ഷേപിച്ചാൽ എത്ര പലിശ നേടാം..?

സീനിയർ സിറ്റിസൺ സേവിം​ഗ്സ് സ്കീമിൽ നിങ്ങൾ 5 ലക്ഷം രൂപയാണ് നിക്ഷേപിക്കുന്നതെങ്കിൽ പ്രതിവർഷം 41,000 രൂപ പലിശ ഇനത്തിൽ നേടാം. അതായത് മൂന്ന് മാസം കൂടുമ്പോൾ 10,250 രൂപ. നിക്ഷേപത്തിന്‍റെ കാലാവധി പൂർത്തിയാകുമ്പോൾ മെച്യൂരിറ്റി തുക 7,05,000 രൂപയും ആയിരിക്കും.

നിക്ഷേപം 10 ലക്ഷം

10 ലക്ഷം രൂപയുടെ ഒറ്റത്തവണ നിക്ഷേപം നടത്തിയാൽ ത്രൈമാസ പലിശ 20,500 രൂപയാണ്. അതായത് ഒരു വർഷം 82,000 രൂപ നേടാം. കൂടാതെ മെച്യൂരിറ്റി തുക 14,10,000 രൂപയും ആയിരിക്കും.

നിക്ഷേപം 15 ലക്ഷം

ഒരാൾ എസ്‌സിഎസ്എസിൽ 15 ലക്ഷം രൂപ നിക്ഷേപിച്ചാൽ, അവർക്ക് ത്രൈമാസ പലിശയായി 30,750 രൂപ അല്ലെങ്കിൽ പ്രതിവർഷം 1,23,000 രൂപ ലഭിക്കും, കൂടാതെ മെച്യൂരിറ്റി തുക 21,15,000 രൂപയും ആയിരിക്കും.

നിക്ഷേപം 20 ലക്ഷം

20 ലക്ഷം രൂപയുടെ നിക്ഷേപത്തിന്, ത്രൈമാസ പലിശ 41,000 രൂപയോ അല്ലെങ്കിൽ പ്രതിവർഷം 1,64,000 രൂപയോ ലഭിക്കും. നിക്ഷേപത്തിന്‍റെ കാലാവധി പൂർത്തിയാകുമ്പോൾ 28,20,000 രൂപയും ലഭിക്കും.

നിക്ഷേപം 30 ലക്ഷം

30 ലക്ഷം രൂപ നിക്ഷേപിക്കുന്നവര്‍ക്ക് മൂന്ന് മാസം കൂടുമ്പോള്‍ 61,500 രൂപയാണ് ലഭിക്കുക.