ബിസിനസുകാർക്ക് ഏറെ തിരക്കുള്ള സമയമാണ് ക്രിസ്മസ് സീസൺ. സംരംഭകർക്ക് പുതിയ ബിസിനസുകൾ തുടങ്ങാനും പറ്റിയ സമയമാണിത്. ഉള്ള ബിസിനസിനൊപ്പം അധിക വരുമാനം നേടുന്നതിനും വർഷാവസാനം പുതിയ പരീക്ഷണങ്ങൾ നടത്താനും ആഗ്രഹിക്കുന്നവർക്കിതാ ചില മികച്ച ബിസിനസ് ആശയങ്ങൾ.
ഗിഫ്റ്റ് ഷോപ്പ്
ക്രിസ്മസ് കാലത്ത് ആളുകൾ പരസ്പരം സമ്മാനങ്ങൾ കൈമാറുന്നത് പതിവാണ്. സ്കൂളുകളിലും കോളേജുകളിലും ഓഫീസുകളിലുമൊക്കെ പരസ്പരം സമ്മാനങ്ങൾ കൈമാറുന്ന രീതിയുണ്ട്. കട ആരംഭിക്കാൻ സാധിക്കാത്തവർക്ക് ഇപ്പോൾ ഓൺലൈൻ സ്റ്റോർ സജ്ജീകരിച്ചും സമ്മാനങ്ങൾ വിൽക്കാം.
നേരിട്ടുള്ള വിദേശ നിക്ഷേപം: നിയന്ത്രണങ്ങൾ ലഘൂകരിക്കാൻ പുതിയ മാനദണ്ഡങ്ങൾ
ഗിഫ്റ്റ് ഡെലിവറി സർവ്വീസ്
സമ്മാനങ്ങൾ സ്വീകർത്താക്കൾക്ക് എത്തിച്ച് കൊടുക്കുന്നതും ഒരു ബിസിനസായി തിരഞ്ഞെടുക്കാം. സമ്മാനങ്ങളുടെ വിൽപ്പനയ്ക്കൊപ്പം സർവ്വീസ് ചാർജ് ഈടാക്കിയും ഈ സേവനം ചെയ്യാവുന്നതാണ്. ഗിഫ്റ്റ് ബാസ്ക്കറ്റ്, ഭക്ഷണ കേന്ദ്രീകൃതമായ സമ്മാനങ്ങൾ തുടങ്ങിയവയൊക്കെ ഇത്തരത്തിൽ ഡെലിവർ ചെയ്യാവുന്നതാണ്.
ക്രിസ്മസ് കാർഡുകൾ
ആർട്ടിസ്റ്റുകൾക്കും ഡിസൈനർമാർക്കും മികച്ച അവസരമാണ് ക്രിസ്മസ് കാലം. മനോഹരങ്ങളായ കാർഡുകളും സന്ദേശങ്ങളും സൃഷ്ടിച്ച് കടകളിലൂടെയും ഓൺലൈനായും വിൽപ്പന നടത്താം. ഉപഭോക്താക്കളുടെ ആവശ്യപ്രകാരം ഫോട്ടോകളും മറ്റും പതിച്ച കാർഡുകളും മറ്റും കൂടുതൽ ജനപ്രിയമായിരിക്കും.
ബിസിനസ് ചെയ്യാന് എളുപ്പമുള്ള രാജ്യങ്ങളുടെ പട്ടികയില് ഇന്ത്യയ്ക്ക് മുന്നേറ്റം
അലങ്കാര വസ്തുക്കൾ
അലങ്കാര വസ്തുക്കളും ക്രിസ്മസ് ട്രീകളുമൊക്കെ ക്രിസ്മസ് കാലത്ത് ഒഴിച്ചുകൂടാനാകാത്ത കാര്യങ്ങളാണ്. സ്വന്തമായി ഇവ നിർമ്മിക്കാൻ അറിയുന്നവർക്ക് കടകളിലും ഓൺലൈനായും വിൽപ്പന നടത്താം.
പെൺകരുത്തിന്റെ ഭാരതം; അറിയാം കരുത്തരായ ആ നാല് വനിതകളാരെന്ന്
കാറ്ററിംഗ് സർവ്വീസ്
പാചകവും ബേക്കിംഗും മറ്റും അറിയാവുന്നവർക്ക് ഏറ്റവും കൂടുതൽ കാശുണ്ടാക്കാൻ സാധിക്കുന്ന സമയമാണ് ക്രിസ്മസ് കാലം. കുക്കികളും കേക്കുകളും മറ്റും ഓൺലൈനിലൂടെയും പ്രാദേശിക ബേക്കറികളിലും വിൽപ്പന നടത്താം. ഓർഡർ അനുസരിച്ച് വീട്ടമ്മമാർക്കും മറ്റും വീടുകളിൽ തന്നെ കേക്കുകൾ ഉണ്ടാക്കി വിൽക്കാവുന്നതാണ്.