നിങ്ങളറിഞ്ഞോ, ഈ അഞ്ച് ബാങ്കുകളുടെ പലിശ നിരക്കിൽ മാറ്റം; 8.40% പലിശ വരെ വാ​ഗ്ദാനം ചെയ്യുന്നു

ബാങ്കുകളോ നോൺ-ബാങ്ക് ധനകാര്യ സ്ഥാപനങ്ങളോ നൽകുന്ന നിശ്ചിത കാലാവധിയിലേക്കുള്ള ഉറപ്പുള്ള നിക്ഷേപമാണ് എഫ്.ഡി അഥവാ സ്ഥിര നിക്ഷേപങ്ങൾ. ഇത് നിശ്ചിത കാലാവധി വരെ, ഒരു സാധാരണ സേവിംഗ്സ് അക്കൗണ്ടിനേക്കാൾ ഉയർന്ന പലിശ നിരക്കാണ് നിക്ഷേപകർക്ക് നൽകുന്നത്. അതിനാലാണ് എഫ്.ഡി ഇത്രയും ജനപ്രിയമായി മാറിയത്. ഈയിടെ നിരവധി ബാങ്കുകളാണ് എഫ്.ഡി പലിശ നിരക്കുകൾ പരിഷ്കരിച്ചിരിക്കുന്നത്. 5 ബാങ്കുകളുടെ എഫ്.ഡി നിരക്കുകളാണ് മാറ്റം വരുത്തിയത്.

ഉറപ്പുള്ള റിട്ടേൺ ലഭിക്കുന്നതിനാൽ മുതിർന്ന പൗരൻമാർക്കും എഫ്.ഡി നിക്ഷേപങ്ങളോടാണ് പ്രിയം. മുംബൈയിൽ ആരംഭിച്ച റിസർവ് ബാങ്ക് ഓഫ് ഇന്ത്യയുടെ (ആർ.ബി.ഐ) മോണിറ്ററി പോളിസി കമ്മിറ്റി (എം.പി.സി) യോഗത്തോടൊപ്പമാണ് ഈ അപ്‌ഡേറ്റുകൾ. ഡിസംബർ 6 ന് യോ​ഗം സമാപിക്കുമ്പോൾ പലിശ നിരക്കുകളുടെ ഭാവിയെക്കുറിച്ച് വ്യക്തത നൽകുമെന്ന് പ്രതീക്ഷിക്കുന്നു.

കർണാടക ബാങ്ക്, കാനറ ബാങ്ക്, യെസ് ബാങ്ക്, ഇൻഡസ്ഇൻഡ് ബാങ്ക്. ഐ.ഡി.എഫ്.ഡി എന്നീ ബാങ്കുകളുടെ എഫ്.ഡി പലിശ നിരക്കിലാണ് മാറ്റം വരുത്തിയത്. ഓരോ ബാങ്കിന്റെ പരിഷ്കരിച്ച പലിശ നിരക്കുകൾ അറിയാം...

1. കർണാടക ബാങ്ക്

2024 ഡിസംബർ 2 മുതൽ കർണാടക ബാങ്ക് നൽകുന്ന എഫ്.ഡി നിരക്കുകൾ പരിഷ്കരിച്ചു. സാധാരണ പൗരന്മാർക്ക് 7 ദിവസം മുതൽ 10 വർഷം വരെ കാലയളവിലേക്ക് 3.5% - 7.50% വരെ പലിശ ലഭിക്കും. ഏറ്റവും ഉയർന്ന പലിശയായ 7.50% ലഭിക്കുന്നത് 375 ദിവസത്തെ കാലാവധിയിലേക്കാണ്. മുതിർന്ന പൗരന്മാർക്ക് ഇതേ കാലാവധിയിൽ 8% പലിശ ലഭിക്കും.

സാധാരണ പൗരന്മാർക്ക് ബാങ്ക് നൽകുന്ന എഫ്.ഡി പലിശ നിരക്കുകൾ....

• 7 - 45 ദിവസം വരെ: 3.50%
• 46 - 90 ദിവസം വരെ: 4%
• 91 - 179 ദിവസം വരെ: 5.25%
• 180 മുതൽ 1 വർഷത്തിൽ താഴെ: 6.25%
• 1 - 2 വർഷം വരെ: 7.25%
• 375 ദിവസം: 7.50%
• 2 - 5 വർഷം വരെ: 6.50%
• 5 മുതൽ 10 വയസ്സിന് മുകളിൽ: 5.80%

2. കാനറ ബാങ്ക്

കാനറ ബാങ്ക് 2024 ഡിസംബർ 1 മുതൽ 3 കോടി രൂപയിൽ താഴെയുള്ള നിക്ഷേപങ്ങളുടെ എഫ്.ഡി നിരക്കുകൾക്ക് മാറ്റം വരുത്തി. സാധാരണ പൗരൻമാർക്ക് 4% മുതൽ 7.40% വരെയും മുതിർന്ന പൗരന്മാർക്ക് 4% മുതൽ 7.90% വരെയുമാണ് പുതുക്കിയ നിരക്ക്.

ഹ്രസ്വകാല എഫ്.ഡികൾക്ക്;

7-45 ദിവസത്തേക്ക് 4% പലിശ, 46-90 ദിവസത്തേക്ക് 5.25% പലിശ, 91-179 ദിവസത്തേക്ക് 5.5% എന്നിങ്ങനെയാണ് ബാങ്ക് ഓഫർ ചെയ്യുന്നത്. 180-269 ദിവസവും, 270 ദിവസം മുതൽ 1 വർഷം വരെയുള്ള നിക്ഷേപങ്ങൾക്ക് 6.25% പലിശയും ലഭിക്കും.

ദൈർഘ്യമേറിയ എഫ്.ഡികൾക്ക്: 1-2 വർഷത്തേക്ക് 6.85% പലിശ, 2-3 വർഷത്തേക്ക് 7.30% പലിശ, 3-5 വർഷത്തേക്ക് 7.40% എന്നിങ്ങനെയാണ് പലിശ ഈടാക്കുന്നത്.

3. യെസ് ബാങ്ക്

3 കോടി രൂപയിൽ താഴെയുള്ള എഫ്.ഡി പലിശ നിരക്കുകൾ 2024 നവംബർ 5 മുതൽ പുതുക്കി. 18 മാസത്തെ എഫ്.ഡി നിരക്ക് പ്രതിവർഷം 8% ൽ നിന്ന് 7.75% ആയി കുറച്ചു. സാധാരണ പൗരൻമാർക്ക് പ്രതിവർഷം 3.25% മുതൽ 7.75% വരെ പലിശ ലഭിക്കും. മുതിർന്ന പൗരന്മാർക്ക് പ്രതിവർഷം 3.75% മുതൽ 8.25% വരെ പലിശ ലഭിക്കും.
18 മാസത്തെ എഫ്.ഡികൾക്ക് ഉയർന്ന പലിശ നിരക്ക് ലഭിക്കും.

4. ഇൻഡസ്ഇൻഡ് ബാങ്ക്

3 കോടി രൂപയിൽ താഴെയുള്ള ഈ ബാങ്കിലെ എഫ്.ഡി പലിശ നിരക്ക് 2024 നവംബർ 26 മുതൽ പരിഷ്കരിച്ചു. സാധാരണ പൗരൻമാർക്ക് 7 ദിവസം മുതൽ 10 വർഷം വരെ 3.50% മുതൽ 7.99% വരെയാണ് പലിശ നിരക്ക് നിശ്ചയിച്ചിരിക്കുന്നത്. ഇതേ കാലയളവിലേക്ക് മുതിർന്ന പൗരന്മാർക്ക് 4% മുതൽ 8.49% വരെ പലിശ ലഭിക്കും. 1 വർഷവും 6 മാസവും വരെയുള്ള എഫ്.ഡിയ്ക്ക് ഉയർന്ന പലിശ നിരക്ക് ലഭിക്കും.

5. ഐ.ഡി.എഫ്.സി ഫസ്റ്റ് ബാങ്ക്

2024 നവംബർ 26 മുതൽ 3 കോടി രൂപയിൽ താഴെയുള്ള എഫ്.ഡി പലിശ നിരക്ക് പരിഷ്കരിച്ചു. 7 ദിവസം മുതൽ 10 വർഷം വരെയുള്ള കാലയളവിലേക്ക് സാധാരണക്കാർക്ക് 3% മുതൽ 7.90% വരെയാണ് പലിശ നിരക്ക് നിശ്ചയിച്ചിരിക്കുന്നത്. ഇതേ കാലാവധിയിലേക്ക് മുതിർന്ന പൗരന്മാർക്ക് 3.50% മുതൽ 8.40% വരെ പലിശ ലഭിക്കും.

400 മുതൽ 500 ദിവസത്തെ എഫ്.ഡി: സാധാരണക്കാർക്ക് 7.90%, മുതിർന്ന പൗരന്മാർക്ക് 8.40% എന്നീ ഉയർന്ന പലിശ നിരക്ക് ഉറപ്പാണ്.