ഏറ്റവും കുറഞ്ഞ നിരക്കില്‍ കാര്‍ വായ്പ ലഭിക്കുന്ന ബാങ്കുകള്‍ ഇവയാണ്

കോവിഡ് രണ്ടാം തരംഗം രാജ്യത്തെ വാപന വിപണിയേയും മന്ദീഭവിപ്പിച്ചിരിക്കുകയാണ്. എന്നാല്‍ കാര്‍ വാങ്ങാന്‍ ആഗ്രഹിക്കുന്നവര്‍ക്ക് വായ്പാ നിരക്കുകള്‍ ഇപ്പോഴും കുറഞ്ഞ നിരക്കില്‍ തന്നെയാണുള്ളത്. പഞ്ചാബ് ആന്റ് സിന്ധ് ബാങ്ക് ആണ് ഏറ്റവും കുറഞ്ഞ പലിശ നിരക്കില്‍ കാര്‍ വായ്പ നല്‍കുന്നത്.

10 ലക്ഷം രൂപയുടെ 7 വര്‍ഷത്തെ കാലാവധിയുള്ള കാര്‍ വായ്പയ്ക്ക് 7 ശതമാനമാണ് പഞ്ചാബ് ആന്റ് സിന്ധ് ബാങ്ക് ഈടാക്കുന്നത്. തൊട്ടുപുറകിലുള്ള സെന്‍ട്രല്‍ ബാങ്കിലും ബാങ്ക് ഓഫ് ബറോഡയിലും കാര്‍ വായ്പയ്ക്കായി ഈടാക്കുന്നത് 7.25 ശതമാനം പലിശ നിരക്കാണ്.

പെട്ടെന്നൊരു വായ്പ വേണം! വ്യക്തിഗത വായ്പയോ സ്വര്‍ണ വായ്പയോ ഏതാണ് നല്ലതെന്നറിയേണ്ടേ? പെട്ടെന്നൊരു വായ്പ വേണം! വ്യക്തിഗത വായ്പയോ സ്വര്‍ണ വായ്പയോ ഏതാണ് നല്ലതെന്നറിയേണ്ടേ?

കാനറ ബാങ്കിലും പഞ്ചാബ് നാഷണല്‍ ബാങ്കിലും 7.30 ശതമാനമാണ് പലിശ നിരക്ക്. യൂണിയന്‍ ബാങ്ക് ഓഫ് ഇന്ത്യയില്‍ 7.40 ശതമാനമാണ് കാര്‍ വായ്പയുടെ പലിശ നിരക്ക്. ബാങ്ക് ഓഫ് ഇന്ത്യ 7.45 ശതമാനവും ഈടാക്കുന്നു. ബാങ്ക് ഓഫ് മഹാരാഷ്ട്ര, ഐഡിബിഐ ബാങ്ക് എന്നീ ബാങ്കുകള്‍ കാര്‍ വായ്പയ്ക്കായി ഈടാക്കുന്നത് 7.50 ശതമാനം പലിശ നിരക്കാണ്. 7.55 ളതമാനമാണ് ഇന്ത്യന്‍ ഓവര്‍സീസ് ബാങ്കിലെ കാര്‍ വായ്പാ പലിശ നിരക്ക്.

നവമാധ്യമങ്ങള്‍ നിക്ഷേപ സ്വഭാവത്തെ സ്വാധീനിക്കുന്നുവോ?

ഭവന വായ്പയേയോ വിദ്യാഭ്യാസ വായ്പയേയോ പോലെ കാര്‍ വായ്പയ്ക്ക് നികുതി നേട്ടങ്ങളില്ല. ഒരു ആസ്തി സ്വന്തമാക്കാന്‍ സാധിക്കുന്നതിനാല്‍ ഈ വായ്പകളെല്ലാം നല്ല വായ്പകളുടെ ഗണത്തിലാണ് ഉള്ളതെങ്കിലും കാര്‍ മൂല്യ ശോഷണം വരുന്ന ആസ്തിയാണെന്ന് ഓര്‍മിക്കേണ്ടതുണ്ട്. അതിനാല്‍ തന്നെ നിങ്ങളുടെ ആവശ്യം മുന്‍നിര്‍ത്തി മാത്രമായിരിക്കണം കാര്‍ വായ്പ എടുക്കുന്നത്. വിലക്കുറവോ. കുറഞ്ഞ പലിശ നിരക്കോ ഒന്നും മാനദണ്ഡമാക്കിയാകരുത് കാര്‍ വായ്പ എടുക്കേണ്ടത്.