1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം

മ്യൂച്വൽ ഫണ്ട് നിക്ഷേപത്തെക്കുറിച്ചുള്ള നിരവധി പരസ്യങ്ങൾ ഇപ്പോൾ ടിവിയിലും പത്രങ്ങളിലും കാണാം. ആളുകൾ കൂടുതലായി മ്യൂച്വൽ ഫണ്ട് നിക്ഷേപത്തിന് തയ്യാറാകുന്നു എന്നാണ് ഇത് സൂചിപ്പിക്കുന്നത്. ഓഹരി വിപണിയിലെ നിക്ഷേപവുമായി താരതമ്യം ചെയ്യുമ്പോൾ സുരക്ഷിതമാണ് മ്യൂച്വൽ ഫണ്ട് നിക്ഷേപം. വിപണിയിൽ നിരവധി മ്യൂച്വൽ ഫണ്ടുകളുണ്ട്. അതുകൊണ്ടു തന്നെ സാമ്പത്തക ലക്ഷ്യം കൃത്യമായി മനസിലാക്കി ഏറ്റവും അനുയോജ്യമായതിൽ വേണം നിക്ഷേപിക്കാൻ.

നടപ്പ് സാമ്പത്തിക വർഷത്തിൽ, അതായത് ഏപ്രിൽ 2023 മുതൽ 2024 മാർച്ച് വരെ 30 ഇക്വിറ്റി മ്യൂച്വൽ ഫണ്ടുകൾ 50 ശതമാനത്തിലധികം വരുമാനം നൽകിയിട്ടുണ്ടെന്നാണ് കണക്കുകൾ സൂചിപ്പിക്കുന്നത്. കമ്പനികളുടെ ഓഹരികളായി പണം നിക്ഷേപിക്കുന്ന മ്യൂച്വൽ ഫണ്ടുകളാണ് ഇക്വിറ്റി ഫണ്ടുകളെന്ന് നിങ്ങൾക്കറിയാമല്ലോ. ലാർജ്, മിഡ്, സ്മോൾ ക്യാപ് സ്റ്റോക്കുകൾ ഇക്വിറ്റി മ്യൂച്വൽ ഫണ്ടുകൾക്ക് കീഴിലാണ് വരുന്നത്.

ദീർഘകാല നിക്ഷേപങ്ങൾക്ക് അനുയോജ്യമായ സ്കീമാണ് ഇക്വിറ്റി മ്യൂച്വൽ ഫണ്ടുകൾ. ഇക്വിറ്റി ഫണ്ടുകളിൽ ഉയർന്ന വരുമാനം ലഭിക്കാനുള്ള സാധ്യതയും കൂടുതലാണ്. വിപണിയിൽ ഏകദേശം 265 ഇക്വിറ്റി മ്യൂച്വൽ ഫണ്ടുകളുണ്ട്. അതിൽ മികച്ച പ്രകടനം നടത്തിയ പത്ത് ഫണ്ടുകൾ ഏതൊക്കെ എന്ന് നോക്കാം.

1. ക്വാണ്ട് വാല്യൂ ഫണ്ട്

2023-24 സാമ്പത്തിക വർഷത്തിൽ 77.44 ശതമാനം നേട്ടമാണ് ക്വാണ്ട് വാല്യൂ ഫണ്ട് നൽകിയത്. അതായത് 10,000 രൂപയുടെ പ്രതിമാസ എസ്ഐപി നിക്ഷേപം ഇപ്പോൾ 1.64 ലക്ഷം രൂപയായി മാറിയിട്ടുണ്ടാകും.

2. ക്വാണ്ട് മിഡ് ക്യാപ് ഫണ്ട്

63.93 ശതമാനം നേട്ടമാണ് ക്വാണ്ട് മിഡ് ക്യാപ് ഫണ്ട് 2023-24 സാമ്പത്തിക വർഷം നൽകിയത്. 10,000 രൂപയുടെ പ്രതിമാസ എസ്ഐപിയുടെ മൂല്യം ഇപ്പോൾ 1.57 ലക്ഷം രൂപയായിരിക്കും.

3. ഇൻവെസ്കോ ഇന്ത്യ ഫോക്കസ്ഡ് ഫണ്ട്

2023-24 സാമ്പത്തിക വർഷത്തിൽ 63.88 ശതമാനം നേട്ടമാണ് ഇൻവെസ്കോ ഇന്ത്യ ഫോക്കസ്ഡ് ഫണ്ട് നൽകിയത്. 10,000 രൂപയുടെ പ്രതിമാസ എസ്ഐപി ഇപ്പോൾ 1.57 ലക്ഷം രൂപയാകുമായിരുന്നു.

4. ക്വാണ്ട് ലാർജ് & മിഡ് ക്യാപ് ഫണ്ട്

63.72 ശതമാനം ലാഭമാണ് ക്വാണ്ട് ലാർജ് & മിഡ് ക്യാപ് ഫണ്ട് നടപ്പ് സാമ്പത്തിക വർഷം നൽകിയത്. 10,000 രൂപയുടെ പ്രതിമാസ എസ്ഐപി ഇപ്പോൾ 1.57 ലക്ഷം രൂപയായിരിക്കും.

5. ഐടിഐ മിഡ് ക്യാപ് ഫണ്ട്

2023-24 സാമ്പത്തിക വർഷത്തിൽ 61.13 ശതമാനം നേട്ടമാണ് ഈ മിഡ്‌ക്യാപ് ഫണ്ട് നൽകിയത്. 10,000 രൂപയുടെ പ്രതിമാസ എസ്ഐപി നിക്ഷേപം ഇപ്പോൾ 1.55 ലക്ഷം രൂപയാകുമായിരുന്നു.

6. ക്വാണ്ട് ഫ്ലെക്സി ക്യാപ് ഫണ്ട്

58.29 ശതമാനം ലാഭമാണ് ക്വാണ്ട് ഫ്ലെക്സി ക്യാപ് ഫണ്ട് 2023-24 സാമ്പത്തിക വർഷം നൽകിയത്. 10,000 രൂപയുടെ പ്രതിമാസ എസ്ഐപി നിക്ഷേപം ഇപ്പോൾ 1.54 ലക്ഷം രൂപയാകുമായിരുന്നു.

7. ബാങ്ക് ഓഫ് ഇന്ത്യ ഫ്ലെക്സി ക്യാപ് ഫണ്ട്

2023-24 സാമ്പത്തിക വർഷം 58.16 ശതമാനം നേട്ടമാണ് ബാങ്ക് ഓഫ് ഇന്ത്യ ഫ്ലെക്സി ക്യാപ് ഫണ്ട് നൽകിയത്. 10,000 രൂപയുടെ പ്രതിമാസ എസ്ഐപി നിക്ഷേപം ഇപ്പോൾ 1.54 ലക്ഷം രൂപയാകുമായിരുന്നു.

8. മോത്തിലാൽ ഓസ്വാൾ മിഡ്‌ക്യാപ് ഫണ്ട്

ഈ മിഡ്‌ക്യാപ് ഫണ്ട് 57.69 ശതമാനം നേട്ടം നടപ്പ് സാമ്പത്തിക വർഷം നൽകി. 10000 രൂപയുടെ എസ്ഐപി വളർന്നത് 1.53 ലക്ഷമായാണ്.

9. എസ്ബിഐ ലോംഗ് ടേം ഇക്വിറ്റി ഫണ്ട്

ഇഎൽഎസ്എസ് വിഭാഗത്തിലെ ഈ ഏറ്റവും സ്കീമാണ് എസ്ബിഐ ലോംഗ് ടേം ഇക്വിറ്റി ഫണ്ട്. 57.33 ശതമാനം നേട്ടമാണ് നിക്ഷേപകന് ഒരു വർഷം കൊണ്ട് ലഭിച്ചത്. 10,000 രൂപയുടെ പ്രതിമാസ എസ്ഐപി ഇപ്പോൾ 1.53 ലക്ഷം രൂപയായിട്ടുണ്ടാകും.

10. ക്വാണ്ട് സ്മോൾ ക്യാപ് ഫണ്ട്

2023-24 സാമ്പത്തിക വർഷത്തിൽ 57 ശതമാനം നേട്ടമാണ് ക്വാണ്ട് സ്മോൾ ക്യാപ് ഫണ്ട് നൽകിയത്. അതായത് 10,000 രൂപയുടെ പ്രതിമാസ എസ്ഐപി നിക്ഷേപം ഇപ്പോൾ 1.53 ലക്ഷം രൂപയായി മാറിയിട്ടുണ്ടാകും.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.