സിനിമ കാണാൻ റെഡിയായോ? സൗജന്യ ടിക്കറ്റ് ബുക്ക് ചെയ്യാവുന്ന കിടിലൻ ക്രെഡിറ്റ് കാർഡുകൾ ഇതാ

സിനിമ കാണാൻ ഇഷ്ടമില്ലാത്തവർ ആരുണ്ട്? എന്നാൽ എല്ലാ മാസവും സിനിമക്കായി പണം ചിലവാക്കാൻ സാധിക്കണമെന്നില്ല. നിങ്ങൾ വിഷമിക്കേണ്ട, കീശ കാലിയാവാതെ സിനിമ കാണാൻ ഈ ക്രെഡിറ്റ് കാർഡുകൾ ഉപയോ​ഗിച്ചാൽ മതി. സിനിമാ ടിക്കറ്റുകളിൽ കിഴിവുകളും ക്യാഷ്ബാക്കും വാഗ്ദാനം ചെയ്യുന്ന നിരവധി ക്രെഡിറ്റ് കാർഡുകളുണ്ട്. ഓരോന്നിനെ കുറിച്ചും അറിയാം;

1. എസ്‌ബി‌ഐ കാർഡ് എലൈറ്റ്

ഈ കാർഡ് എല്ലാ വർഷവും 6,000 രൂപ വിലയുള്ള സൗജന്യ സിനിമാ ടിക്കറ്റുകൾ വാഗ്ദാനം ചെയ്യുന്നു. പ്രതിമാസം കുറഞ്ഞത് രണ്ട് ടിക്കറ്റുകൾ ബുക്ക് ചെയ്യാം. രണ്ട് ടിക്കറ്റുകൾക്ക് മാത്രം കാർഡ് പരമാവധി 250 രൂപ കിഴിവ് നൽകുന്നു. എന്നാൽ കൺവീനിയൻസ് ഫീസ് ഈടാക്കും.

2. ഓറം ക്രെഡിറ്റ് കാർഡ്

ഈ ക്രെഡിറ്റ് കാർഡ് എടുത്താൽ 10,000 രൂപയായിരിക്കും ജോയിനിം​ഗ് ഫീസ്. ഈ കാർഡ് 40,000 ഓറം റിവാർഡ് പോയിന്റുകൾ (ARP) നൽകുന്നു. ഈ കാർഡ് ഉപയോഗിച്ച് നിങ്ങൾക്ക് ബുക്ക് മൈ ഷോയിൽ പ്രതിമാസം 1,000 രൂപ വിലയുള്ള നാല് സിനിമാ ടിക്കറ്റുകൾ ലഭിക്കും. ഓരോ ബുക്കിംഗിനും രണ്ട് സൗജന്യ ടിക്കറ്റുകളും ഉറപ്പാക്കാം. എന്നാൽ ഈ രണ്ട് ബുക്കിംഗുകൾക്ക് ഇടയിൽ 24 മണിക്കൂർ ഇടവേളയുണ്ടായിരിക്കണം. അത് ഓരോ ബുക്കിംഗിനും പരമാവധി 500 രൂപ കിഴിവ് നൽകും.

3. ആക്സിസ് മൈ സോൺ ക്രെഡിറ്റ് കാർഡ്

ആക്സിസ് ബാങ്കിന്റെ ഈ കാർഡ് ഉപയോഗിച്ച് ഡിസ്ട്രിക്റ്റ് ആപ്പ് വഴി ബുക്ക് ചെയ്യുന്ന രണ്ടാമത്തെ സിനിമാ ടിക്കറ്റിന് 100 ശതമാനം കിഴിവ് കിട്ടും. കാർഡ് ഉടമകൾക്ക് പ്രതിമാസം 200 രൂപ വരെ കിഴിവുണ്ട്. ഈ നേട്ടം ഉറപ്പാക്കുവാൻ AXIS200 എന്ന കൂപ്പൺ കോഡ് ഉപയോ​ഗിക്കണം. പക്ഷേ സിനിമാ ടിക്കറ്റുകൾ ബുക്ക് ചെയ്യുമ്പോൾ കാര്യമായ റിവാർഡ് പോയിൻ്റുകൾ ലഭിക്കില്ല.

4. എച്ച്ഡിഎഫ്സി ബാങ്ക് ഡൈനേഴ്സ് ക്ലബ് പ്രിവിലേജ് ക്രെഡിറ്റ് കാർഡ്

എച്ച്ഡിഎഫ്സി ബാങ്കിന്റെ ഈ ക്രെഡിറ്റ് കാർഡുണ്ടെങ്കിൽ നിങ്ങൾക്ക് ബുക്ക്മൈ ഷോ വഴി സിനിമ ടിക്കറ്റ് ബുക്ക് ചെയ്യാം. 1 വാങ്ങുന്നവർക്ക് 1 സൗജന്യം എന്ന ഓഫറാണ് ഈ ക്രെഡിറ്റ് കാർഡ് വാഗ്ദാനം ചെയ്യുന്നത്. കൂടാതെ 1.5 ലക്ഷം ത്രൈമാസ ചെലവുകൾക്ക് 1,500 രൂപ മൂല്യമുള്ള മാരിയട്ട്, ഡെക്കാത്‌ലോൺ തുടങ്ങിയ വൗച്ചറുകളും നൽകുന്നുണ്ട്. ഇതിനു പുറമേ മറ്റു നിരവധി ഓഫറുകളും ഈ കാർഡ് വാ​ഗ്ദാനം ചെയ്യുന്നു.

5. ഇൻഡസ്ഇൻഡ് ലെജൻ്റ് ക്രെഡിറ്റ് കാർഡ്

ഈ കാർഡ് ഉപയോ​ഗിച്ചാൽ നിങ്ങൾക്ക് മാസത്തിലൊരിക്കൽ സൗജന്യ സിനിമാ ടിക്കറ്റുകൾ സ്വന്തമാക്കാം. പ്രവൃത്തിദിവസങ്ങളിൽ ചെലവഴിക്കുന്ന ഓരോ 100 രൂപക്കും ഒരു റിവാർഡ് പോയിന്റും, വാരാന്ത്യങ്ങളിൽ ചെലവഴിക്കുന്ന ഓരോ 100 രൂപക്ക് രണ്ട് റിവാർഡ് പോയിന്റുകളും, ഒരു വർഷത്തിൽ 5 ലക്ഷമോ അതിൽ കൂടുതലോ ചെലവഴിക്കുന്നവർക്ക് 3,000 ബോണസ് റിവാർഡ് പോയിന്റുകളും സ്വന്തമാക്കാം.

സിനിമ കാണാൻ ആഗ്രഹിക്കുമ്പോൾ പെട്ടെന്ന് തന്നെ ടിക്കറ്റ് ബുക്ക് ചെയ്താൽ അതിനു വീണ്ടും റിവാർഡ് പോയിൻ്റുകളും കിഴിവുകളും നേടുമ്പോൾ അടുത്ത തവണ ടിക്കറ്റ് ബുക്ക് ചെയ്യുമ്പോഴും ഈ ഓഫറുകൾ ഉപയോഗിക്കാൻ സാധിക്കും എന്നതാണ് ഇത്തരം ക്രെഡിറ്റ് കാർഡുകളെ ജനപ്രിയമാക്കുന്നത്. 

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.