പ്രായമായാലും സാമ്പത്തിക സുരക്ഷ ഉറപ്പാണ്: ഈ മുൻനിര ബാങ്കുകളുടെ എഫ്ഡിയിൽ നിക്ഷേപിക്കാം

മുടിയെല്ലാം നരച്ചോ? പ്രായം 60ലേക്ക് അടുത്തോ? എങ്കിൽ റിട്ടയർമെൻ്റ് ജീവിതം ആസ്വദിക്കാൻ സമയമായിരിക്കുന്നു. മുടി നരക്കുന്നതും, പ്രായമാവുന്നതുമൊന്നും നിങ്ങളുടെ ലക്ഷ്യങ്ങൾക്ക് ഒരു തടസ്സമാകില്ല. പണത്തിനെ കുറിച്ചുള്ള ആശങ്കയാണെങ്കിൽ അതും വേണ്ട, സുരക്ഷിതമായി സമ്പാദിക്കാൻ ആ​ഗ്രഹിക്കുന്നുണ്ടെങ്കിൽ സ്ഥിര നിക്ഷേപങ്ങൾ തന്നെ പരി​ഗണിക്കൂ. അപകട സാധ്യത കുറഞ്ഞതും എന്നാൽ കുറഞ്ഞ കാലത്തിനുള്ളിൽ മികച്ച വരുമാനം ഉറപ്പാക്കുന്നു.

നിരവധി ബാങ്കുകൾ സ്ഥിര നിക്ഷേപ പദ്ധതികൾ വാ​ഗ്ദാനം ചെയ്യുന്നുണ്ട്. സാധാരണ നിക്ഷേപകർക്കെന്ന പോലെ 60 വയസ്സ് കഴിഞ്ഞ മുതിർന്ന പൗരൻമാർക്കും മികച്ച വരുമാനം നൽകുന്ന സ്ഥിര നിക്ഷേപം അഥവാ എഫ്ഡികൾ വാ​ഗ്ദാനം ചെയ്യുന്നുണ്ട്. ഇതിൽ നിങ്ങൾ ഏത് ബാങ്കിലാണ് റിട്ടയർമെൻ്റ് ജീവിതം സുരക്ഷിതമാക്കുന്നത്? മികച്ച ബാങ്കുകളും അവർ വാ​ഗ്ദാനം എഫ്ഡി പദ്ധതികളും അറിയാം;

1. ഇൻഡസ്ഇൻഡ് ബാങ്ക്

മുതിർന്ന പൗരന്മാർക്ക് രണ്ട് വർഷത്തെ കാലാവധിയുള്ള എഫ്ഡികൾക്ക് ഈ സ്വകാര്യ ബാങ്ക് 7.5 ശതമാനം പലിശ നിരക്ക് വാഗ്ദാനം ചെയ്യുന്നു. ഈ പലിശ നിരക്ക് താരതമ്യേന ഉയർന്നതാണ്.

2. ആക്സിസ് ബാങ്ക്

മുതിർന്ന പൗരന്മാർക്ക് 5 മുതൽ 10 വർഷത്തെ കാലാവധിയിൽ ഈ ബാങ്ക് എഫ്ഡി പദ്ധതി ഉറപ്പാക്കുന്നു. ഈ കാലയളവിൽ നിക്ഷേപിച്ചാൽ നിങ്ങൾക്ക് 7.35 ശതമാനം പലിശ നിരക്ക് ലഭിക്കുന്നു.

3. കൊട്ടക് മഹീന്ദ്ര ബാങ്ക്

391 ദിവസം മുതൽ 23 മാസത്തിൽ താഴെ കാലാവധിയുള്ള എഫ്‌ഡികൾക്ക് മുതിർന്ന പൗരന്മാർക്ക് ലഭിക്കുന്ന പലിശ നിരക്ക് 7.1 ശതമാനമാണ്.

4. ഐസിഐസിഐ ബാങ്ക്

മുതിർന്ന പൗരന്മാർക്ക് രണ്ട് വർഷം ഒരു ദിവസം മുതൽ 10 വർഷം വരെ കാലാവധിയുള്ള എഫ്‌ഡികൾക്ക് 7.10 ശതമാനം പലിശ നിരക്കാണ് ഐസിഐസിഐ ബാങ്ക് വാഗ്ദാനം ചെയ്യുന്നത്

5. എച്ച്ഡിഎഫ്സി ബാങ്ക്

18-21 മാസം വരെ കാലാവധിയുള്ള എഫ്‌ഡികൾക്ക് എച്ച്ഡിഎഫ്സി ബാങ്ക് 7.10 ശതമാനം പലിശ നിരക്ക് വാഗ്ദാനം ചെയ്യുന്നു.

6. ബാങ്ക് ഓഫ് ബറോഡ

ഈ പൊതുമേഖലാ ബാങ്ക് 444 ദിവസത്തെ കാലാവധിയുള്ള എഫ്‌ഡികൾക്ക് 7.10 ശതമാനം പലിശ നിരക്കാണ് വാ​ഗ്ദാനം ചെയ്യുന്നത്.

7. യൂണിയൻ ബാങ്ക് ഓഫ് ഇന്ത്യ

ഈ ബാങ്ക് മുതിർന്ന പൗരന്മാർക്ക് 456 ദിവസത്തെ കാലാവധിയുള്ള എഫ്‌ഡി വാ​ഗ്ദാനം ചെയ്യുന്നു. 7.10 ശതമാനം പലിശ നിരക്കാണ് ഈ നിക്ഷേപത്തിലൂടെ ലഭിക്കുന്നത്.

8. പഞ്ചാബ് നാഷണൽ ബാങ്ക്

മുതിർന്ന പൗരന്മാർക്ക് 390 ദിവസത്തെ കാലാവധിയുള്ള എഫ്‌ഡി വാ​ഗ്ദാനം ചെയ്യുന്ന ഈ ബാങ്ക് പലിശ നിരക്കായി നൽകുന്നത് 7.10 ശതമാനമാണ്.

9. എസ്ബിഐ

ഇന്ത്യയിലെ ഏറ്റവും വലിയ ബാങ്കായ എസ്ബിഐ 5-10 വർഷത്തെ കാലാവധിയിൽ മുതിർന്ന പൗരൻമാർക്കും സ്ഥിര നിക്ഷേപം ഉറപ്പാക്കുന്നു. ഇതിലൂടെ നിങ്ങൾക്ക് 7.05 ശതമാനം പലിശ നിരക്ക് വാഗ്ദാനം ചെയ്യുന്നു.

10. കാനറ ബാങ്ക്

മുതിർന്ന പൗരന്മാർക്ക് 444 ദിവസത്തെ കാലാവധിയുള്ള എഫ്‌ഡികൾക്ക് 7 ശതമാനം പലിശ നിരക്കാണ് ഈ പൊതുമേഖലാ ബാങ്ക് നൽകുന്നത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.